aFilipi 1:20 - Izere New Testament

²⁰ Mi min te riye̱ ne i mok ye, Adakunom ti te isum baꞌ, amma mi ta se̱ kutsesek dide̱ng, nong ase̱ kyo̱o̱rna be koakye izen, aKiristi ta se̱ kuyiik kaye̱e̱r koakye mi ta nye, be kutser, ka be riku.

aFilipi 1:20 Referans Kwoze

1 aBitrus 4:16

Ke ákak yin ta so̱ risam kamok yin nye yin áfikuus, sang tu fok yin isum baꞌ, ban i kerek yin Adakunom ingya kamok á ta ka yis yin be riyerek'ong.

1 aKoranti 6:20

a tá sheshek yin. Kamok anong tiyiik yin Adakunom be iro̱m yin.

1 aTasalonika 5:23

Won Adakunom be rice wu aya a ta nyesek kameneng riye̱ tu sak yin tu sor yin zhe̱l kaye̱e̱r koakye kuri iren. Won kabik yin cice̱r be aye̱ yin ne iro̱m yin tu sor gugo̱k be rine̱n ma katuk kube̱ Agwo̱m Ágwo̱m yir aYeso Kiristi.

1 aYohana 2:28

Kyo̱o̱rna inoon'i, yin aya mi ta shim, sor yin kaye̱e̱r aYeso nong ase̱ izen iya a tana bun a be̱, yir ta fok yir inyim ka isum nasho̱o̱n wu baꞌ.

aFilipi 2:17

Ei, i se gye̱r, mi ta nye riye̱ rikan be yin, a fa nyosong naso̱k'i natoon asidaka yin ne natoon itomong kuno̱o̱k katsak yin, gip be anong mi be riye̱ rikan be yin.

aRom 8:19

Koakye ike̱ng Adakunom ta nye sen tor be ifeng nong á tà di inoon Adakunom'me.

2 aKoranti 10:8

Ke mi fa ya kuka be kukyem Agwo̱m Ágwo̱m tin no̱o̱k nong ta ka no̱k mo yin, sang nong ta ka yirik mo yin baꞌ. Mi be ike̱ng ikak ife isum baꞌ.

2 aKoranti 4:10

Yir tsang i tseng yir be riku kyo̱ndi a tá nye aYeso'me, nong a ta tonong ye aYeso be kutser kaye̱e̱r kuro̱m.

1 aKoranti 7:34

ne kuto̱ro̱ng wu te abas afa. Anong ne abining aya a ta n nye kuwe̱ne̱ng baꞌ ka kanamang, a ti daam be ike̱re̱ i ta nye ife Adakunom dide̱ng, be riye̱ rizining. Abining kuwe̱ne̱ng ti daam be ike̱re̱ kazatse na, a to̱ ike̱ng iya wu tana nye a tana kare̱p amitek wu riye̱.

aRom 5:5

Kute riye̱'me tin sak yir ta no̱ yir nisum baꞌ, kamok Adakunom sak Kabik Kazhe̱l'e tin no̱o̱k yir kushim wu whe̱re̱ kaye̱e̱r aye̱ yir.

aKolosi 1:24

Mi be riye̱ rikan kyo̱o̱rna be risam mi ta so̱ natoon yin, nong kamok risam'me mi tà shining ike̱ng iya i tà rusek kaye̱e̱r risam aKiristi tá so̱ kamok kuro̱m wu ku ta nye ikilisiya.

aRom 12:1

Kamok anong, ároneng, mi ta nye yin akusuk kaye̱e̱r kuro̱ riye̱ Adakunom ye i ra no̱o̱k yin iro̱m yin kyo̱ndi asidaka atser, azhe̱l'e, kuri aya Adakunom a tana fok kusas'e. Iyong ne i nye iren kuya Adakunom iben kufe katsak.

aFilipi 1:14

Ku ni te nitso̱m, sak kukap ároneng afikuus ti barang kuse̱ agap nong á ta taas rife̱ Adakunom be riye̱ rizining dar inyim.

2 aKoranti 7:14

Mi mu ku tak ye mi ti ya kuka be yin, yin ti te yin isum baꞌ. Amma kyo̱ndi koakye yir tá fe̱ yir be yin ta nye katsak, anong ne kuka yir natoon yin te katsak nanyisi aTitus gip.

2 aKoranti 5:15

A ku kamok ánerawe cice̱r, nong áya a ta sor be kutser ta baꞌ, sor kusor rice ba baꞌ, amma á ta sor kusor kuya ku tana kare̱p riye̱ aner a tá ku a tá bun a dorok kamok ba.

1 aKoranti 15:31

Ároneng, mi ye̱re̱k riku koakye izen, katsak'e yong, mi ti nye kuka be yin kaye̱e̱r aYeso Kiristi Agwo̱m Ágwo̱m yir.

aRom 9:33

Kyo̱ndi i ta se ni izibir rife̱ Adakunom ye, “Di yin mi n sak kuta kukak na aSihiyona ku tana sak ánerawe tanin tu atak, ne ku sak ánerawe tà kpas, amma aner aya ne a ti no̱o̱k katsak ni wu a tà fok isum baꞌ.”

aRom 6:19

Mi fe̱ rife̱ na kuri rife rinerawe kamok kuraar yin kufe ánerawe. Kyo̱ndi yin tá tsang i sok yin abas akak afe kuro̱m yin nong i tin nye yin ike̱re̱ i ta se kye̱re̱ ne amaan kunye, kyo̱o̱rna no̱o̱k yin rice yin kyo̱ndi ásam natoon kunye ike̱re̱ i tana tonong ye yin se yin gye̱r nong ta te yin azhe̱l'e.

aRom 6:13

Sang tu no̱o̱k yin afe kuro̱m yir abas akak kamok rine̱n baꞌ nong ku ta sor ares amaan kunye baꞌ. Amma no̱o̱k yin Adakunom rice yin kyo̱ndi áner aya a tú ku tun ba kaye̱e̱r riku nong a tú ku bun kaye̱e̱r kutser. Ne i no̱o̱k yin rice yin kyo̱ndi ares ku ninye ike̱re̱ i ta se gye̱r nasho̱o̱n Adakunom.

Itomong Ámanzo 21:13

Iyong aBulus fe̱ ye, “Akye̱ sak yin tos yin e̱? Yin tse̱r yin ikap'i ta te̱r a? Mi n no̱o̱k riye̱ mi sang kamok a tin rosom tsek baꞌ, ko a tin fe̱r na aUshalima kamok riyerek aYeso a ta nye Agwo̱m Ágwo̱m gip, to̱ tsek.”

Itomong Ámanzo 20:24

Amma gip be anong, mi sok ye kutser'i nye ike̱ng ikak baꞌ. Kum ke mi kyem i gang ike̱ng iya mi tan sak nasho̱o̱n ne i gang itomong iya Agwo̱m Ágwo̱m yir aYeso ta min no̱o̱k (itomong kutaas ánerawe ritek Adakunom) iwe̱r'e yong.

aYohana 21:19

aYeso fe̱ anong, nong a ta tonong kuri riku aBitrus tana ku nong a tin tiyiik Adakunom. Nama rife̱ na, aYeso fe̱ be aBitrus ye, “Ni kuus!”

Itomong Ámanzo 4:31

Nizen iya ba tá gang kunye aduwa, yong karo̱ kaya ba tú ku nyim'e zuur, ne a ku shining ba be Kabik Kazhe̱l'e ne a taas rife̱ Adakunom be riye̱ rizining dar inyim.

2 aKoranti 3:12

Kamok anong, kum yir ta be yir kute riye̱ anong, iyong ne isak yir be yir agap riye̱ dide̱ng.

2 aKoranti 7:4

Riye̱ mi se agak be yin baꞌ, ko cie̱k baꞌ, mi ti ya kuka be yin dide̱ng. Mi se̱ agap riye̱ dide̱ng, be risam yir ta so̱ yir, riye̱ rikan'i be igak baꞌ.