aFilipi 1:16 - Izere New Testament

¹⁶ Áyong nye anong kaye̱e̱r kushim, ne á ren ye a ti kasa nong ta tonong katsak natoon Rife̱ Ritek'e.

aFilipi 1:16 Referans Kwoze

2 aKoranti 2:17

Yir se yir kyo̱ndi whe̱re̱ áya a tan sok rife̱ Adakunom nong á tin tse̱r naya ba baꞌ. Yir fe̱ yir kanu kaye̱e̱r aKiristi nasho̱o̱n Adakunom be riye̱ rizining kyo̱ndi áner Adakunom ta ka tom ba.

aFilipi 1:12

Ároneng, mi shim ke yin ren yin ye, ike̱ng iya i tin se̱ sak iren kutaas Rife̱ Ritek tin barang kuya kasho̱o̱n.

aFilipi 1:10

nong ase̱ yin ta kyem i kasa yin ike̱re̱ iya i ta nar'e cei, ne kuse kuzhe̱l, dar ritok ma nizen iya aKiristi tana be̱.

aFilipi 1:7

I se gye̱r mi ta to̱ natoon yin cice̱r anong, kamok yin se yin riye̱ mi, kamok yin cice̱r gung yin rice be mi kaye̱e̱r ritek Adakunom. Mi ta se nitso̱m ka mi ta sen te̱ne̱ng ne i ti nyeseng ye Rife̱ Ritek'e nye katsak.

1 aKoranti 9:17

A fa fe̱ ye mi taas Rife̱ Ritek aYeso kamok kushim riye̱ mi ke a min no̱o̱k ishorong'i. Sang mi nye kaye̱e̱r kushim riye̱ mi baꞌ, mi nye ike̱ng iya Adakunom tin sak ye i ra nye tsek.

aFilipi 1:5

Kamok yin gung yin rice be mi ni itomong kutaas Rife̱ Ritek aKiristi kum ni ime̱se̱ng'e ma kyo̱o̱rna.

aFilipi 2:22

Amma yin ren yin ye, aTimoti tonong rice wu ye wu be katsak, kamok a nye itomong kutaas Rife̱ Ritek be mi kyo̱ndi igon ta nye itomong be atek wu.

aFilipi 4:3

Ei, mi bun i fe̱ be wan afudang itomong'i afe katsak, ye i ra tobok ányining'ong kamok á gung rice be mi ni itomong i taas Rife̱ Ritek Adakunom, anong ne aKelemen be ribir áfudang yir áya i ta nye yir itomong mak, áya ayerek ba ta se kaye̱e̱r kufumung kutser.

aFilipi 4:15

Yin áfikuus aFilipi kyo̱ndi yin ta tsang i ren yin, kum a tá san ku ka taas yin Rife̱ Ritek ni ime̱se̱ng'e, nizen mi tá won kaben aMakidoniya. Ikilisiya ikak kuse i ta gung rice be mi kaye̱e̱r itomong na be kunyesek ike̱re̱ ze̱e̱r be yin baꞌ.