aFilipi 1:12 - Izere New Testament

¹² Ároneng, mi shim ke yin ren yin ye, ike̱ng iya i tin se̱ sak iren kutaas Rife̱ Ritek tin barang kuya kasho̱o̱n.

aFilipi 1:12 Referans Kwoze

2 aTimoti 2:9

Kamok anong ne mi ti so̱ risam na ma a min te nitso̱m gip kyo̱ndi aner aya a tá nye amaan ike̱ng, amma a ta kyem a ta rosom rife̱ Adakunom baꞌ.

aRom 8:28

Yir ren yir kaye̱e̱r koakye, Adakunom nye gye̱r kamok áya a tu ku shim áya a ta ma ka yis ba kaye̱e̱r kanye̱k wu.

aRom 8:37

Wayo, kaye̱e̱r ike̱re̱ na cice̱r, yir nar yir agap áya a tana fe̱ ye á be agap kaye̱e̱r aYeso aya a tin shim yir.

Itomong Ámanzo 8:4

To̱, áfikuus aya a tá te shaam tsang á nye awazi rife̱ Adakunom koake̱ ne ba tseng.

aLuka 21:13

Iyong tà ka no̱o̱k yin iren nong tu ku taas yin ba Rife̱ Ritek natoon'i.

aFilipi 1:5

Kamok yin gung yin rice be mi ni itomong kutaas Rife̱ Ritek aKiristi kum ni ime̱se̱ng'e ma kyo̱o̱rna.

aFilipi 1:7

I se gye̱r mi ta to̱ natoon yin cice̱r anong, kamok yin se yin riye̱ mi, kamok yin cice̱r gung yin rice be mi kaye̱e̱r ritek Adakunom. Mi ta se nitso̱m ka mi ta sen te̱ne̱ng ne i ti nyeseng ye Rife̱ Ritek'e nye katsak.

aFilipi 2:22

Amma yin ren yin ye, aTimoti tonong rice wu ye wu be katsak, kamok a nye itomong kutaas Rife̱ Ritek be mi kyo̱ndi igon ta nye itomong be atek wu.

aFilipi 4:3

Ei, mi bun i fe̱ be wan afudang itomong'i afe katsak, ye i ra tobok ányining'ong kamok á gung rice be mi ni itomong i taas Rife̱ Ritek Adakunom, anong ne aKelemen be ribir áfudang yir áya i ta nye yir itomong mak, áya ayerek ba ta se kaye̱e̱r kufumung kutser.

aFilipi 4:15

Yin áfikuus aFilipi kyo̱ndi yin ta tsang i ren yin, kum a tá san ku ka taas yin Rife̱ Ritek ni ime̱se̱ng'e, nizen mi tá won kaben aMakidoniya. Ikilisiya ikak kuse i ta gung rice be mi kaye̱e̱r itomong na be kunyesek ike̱re̱ ze̱e̱r be yin baꞌ.

1 aTimoti 2:8

Mi shim koake̱, atek ra kok ibo̱k ba naza nong á ta nye aduwa dar riye̱ kubeseng ka be nanaan baꞌ.

2 aTimoti 4:17

Amma Agwo̱m Ágwo̱m se mak be mi, ayong a ti no̱o̱k agap nong ase̱ kamok mi rife̱ wu tà tseng cei nong áner aya a ta nye áner aYahuda baꞌ, cice̱r tà fok. A ti shesh nanu azaki fan a bin te̱n amok riku.