aFilimon 1:24 - Izere New Testament

²⁴ Anong ne áfudang itomong'i, aMarkus be Aristakus ne aDemas be aLuka ta nye yin ashou gip.

aFilimon 1:24 Referans Kwoze

aKolosi 4:14

Aferime̱ yir aLuka aya a tá nye abok'e be aDemas cice̱r ba ta nye yin ashou.

aKolosi 4:10

Aristakus, aya i ta se yir nitso̱m mak ta nye yin ashou. aMarkus aronyining rifam aBarnabas ta nye yin ashou gip, wu ne yin kun fok yin itak natoon wu, ku shan yin ibo̱k ifa ke a be̱ nufe yin.

Itomong Ámanzo 19:29

Azong ne ikun wor no̱ koake̱ kaye̱e̱r kuwo̱p'e. Iyong rigwo̱m ánerawe se yiir aGayus be Aristakus a tá nye áner aMakidoniya aya a tá tsang a tseng mak be aBulus. Á tseng be ba nazu zizirik kyo̱ndi aner azining.

Itomong Ámanzo 12:12

aBitrus tá fa di anong ne a tseng numa aMarya a tá nye anyining aYohana a tá bun a tú ku yis ye aMarkus. Ánerawe tsang a nyim whe̱re̱ azong a ta se be kunye aduwa.

Itomong Ámanzo 27:2

Yir tá fa no̱ yir kaye̱e̱r kukpara ashi Adaramitiyu, a ta se be kanye̱k a ta dorok nong a tá be ni iwo̱p ikak bubarak be Asiya. I ta fa san yir kutseng yir. Aner aTasalonika akak niben aMakidoniya a tú ku yis ye Aristakus se mak be yir.

Itomong Ámanzo 12:25

Nizen aBarnabas be Ashawulu tá gang itomong ba na Antakiya, ayong á tú bun na aUshalima mak be aYohana aya a tú ku yis ye aMarkus.

3 aYohana 1:8

Kamok anong, i se gye̱r nong yir ikilisiya ta tobok yir áner kuri ayu, nong ta gung yir rice ni itomong katsak.

aFilipi 4:3

Ei, mi bun i fe̱ be wan afudang itomong'i afe katsak, ye i ra tobok ányining'ong kamok á gung rice be mi ni itomong i taas Rife̱ Ritek Adakunom, anong ne aKelemen be ribir áfudang yir áya i ta nye yir itomong mak, áya ayerek ba ta se kaye̱e̱r kufumung kutser.

aFilipi 2:25

Amma mi di, i bun i se gye̱r ta ka tom yin aroneng akak nikuus, Apafuroditus, ne a nye afudang itomong'i. A nye asozha aYeso, i ta sen can yir mak, aya yin tú ku tom yin nunaan nong a tá be̱ a tin se̱ mo nike̱ng iya mi ta tse̱r.

2 aKoranti 8:23

Yin ren yin aTitus nye aferime̱ itomong'i nufe yin, ribir ároneng'e nye áner aya áfikuus tu ku kasa ba, itomong ba be̱e̱n aKiristi kuyiik.

Itomong Ámanzo 13:13

Ayong aBulus be mak be áfudang kutseng wu dorok na aPafos nong a tá no̱ nagbang kukpara ashi ne á tseng na aPerga a ta se niben aPamfiliya. aYohana aMarkus tá won ba azong a tú ku bun na aUshalima.

1 aBitrus 5:13

Áronyining yin áfikuus á ta se na aBabila aya Adakunom tá kasa kyo̱ndi yin gip ta nye yin ashou, anong ne igon mi aMarkus gip ta nye yin ashou.