2 aYohana 1:3 - Izere New Testament

³ Mi mok ye ritek be kuro̱ riye̱ ne kameneng riye̱ Adakunom a ta nye Ada'me ne kufe aYeso Kiristi Igon wu se mak be yir kaye̱e̱r katsak be kushim.

2 aYohana 1:3 Referans Kwoze

1 aYohana 4:10

Iyu ne i nye kushim'e. Sang yir ne i shim yir Adakunom baꞌ, wu ne a ti shim yir, ne a tom Igon wu nong ka tá be̱ ku kyo̱ndi asidaka kure̱ng rine̱n yir.

aRom 1:7

Mi ta zibir yin'e cice̱r yin aya ita se yin na aRom, yin áya Adakunom ta shim, a tá ka yis yin nong tà te yin ázhe̱l'e. Ritek be kameneng riye̱ riya ri ta nes nufe Adakunom a ta nye Ada yir ne Agwo̱m Ágwo̱m yir aYeso Kiristi se mak be yin.

1 aTimoti 1:14

A ti shining be ritek Agwo̱m Ágwo̱m yir dide̱ng, ne a ni no̱o̱k kuno̱o̱k katsak ne kushim kuya ku ta se kaye̱e̱r aYeso Kiristi.

1 aTimoti 1:2

aTimoti, igon'i kafe katsak ni iren kuno̱o̱k katsak. Ritek be kuro̱ riye̱ ne kameneng riye̱ Adakunom a ta nye Ada yir ne aYeso Kiristi, Agwo̱m Ágwo̱m yir se mak be wan.

aGalati 5:6

Kamok ke yir se yir kaye̱e̱r aYeso Kiristi, ku nye yir izhak ka ku won dar ku nye'me, sor ike̱ng ikak baꞌ, ike̱ng i ta nar nye kuno̱o̱k katsak a ta kyem a di kaye̱e̱r kushim.

2 aYohana 1:1

Mi, ako̱k kasho̱o̱n ikilisiya, angasneng be inoon wan Adakunom tá ka kasa nong tu ku kuus. Mi ta shim yin be riye̱ rizining. Mi tsek ne i ta shim yin baꞌ, cice̱r áya a ta ren katsak natoon Adakunom ta shim yin.

2 aTimoti 1:13

Yiir kuri kubo̱so̱p na kufe katsak kuya wan tá fok nunaan, i tu sor ike̱ng wan tanin nye kumaas. Yiring ta sor kaye̱e̱r kuno̱o̱k katsak ne kushim kuya wan ta be kaye̱e̱r aYeso Kiristi.