Aner awe̱ng nye aner aya a tana tsesek kaye̱e̱r kubo̱mo̱ng, kamok ke a na ka tsesek kaye̱e̱r kubo̱mo̱ng'e, a ta se ribong kutser riya Adakunom ta tsang a nisak natoon áfe a tu ku shim.
Amma wan sak riye̱ be ike̱re̱ kuri iyong, naka tsesek kaye̱e̱r risam wan, ya kasho̱o̱n be kunye itomong aner awazi Rife̱ Ritek ne i ni sak riye̱ ni itomong iya a tá ka sak'e ye wan ra nye cice̱r.
Kamok anong sang tú fok isum kufe̱ itak natoon Agwo̱m Ágwo̱m yir baꞌ, ka isum'i kamok a tin te nitso̱m kamok wu baꞌ. Amma gung rice be mi kaye̱e̱r risam'me kamok Rife̱ Ritek'e ne i ni fereng nukyem Adakunom.
Kamok anong mi tsesek kaye̱e̱r koakye kamok áya Adakunom tá kasa nong ba gip ta ma se̱ kashesh na a ta se̱ kaye̱e̱r aYeso Kiristi ne kuyiik kufe izen izen.
aTimoti, igon'i, mi ta no̱o̱k itabak na be agbang kuto̱ nong ta shining iriri kuzarap a tá nye natoon wan. Kamok ke wan kuus rife̱ na wan ta kyem iko̱n, wan ta ko̱n kuren'e kutek kyo̱ndi asozha aYeso,
Wan ren kuri kutabak ne amaan risam mi ta so̱, abaan aya mi tá so̱ nizen iya mi tá se na Antakiya ne na Ikoniya be aListira baꞌ. Gip be anong Adakunom ti shesh kaye̱e̱r'e cei.
Ke yir so̱ yir risam, yir so̱ yir nong yin tin se̱ yin kutsesek ne kashesh. Ke yir se̱ yir kutsesek, i se̱ yir kamok yin nong yin ta kyem i naka tsesek yin be kuri risam yir ta so̱ yir.
Angan kun nye itomong asozha ne a bun a ta rice wu e̱? Angan kun kap riko̱ anap ne a won dar a ya agba'me e̱? Angan kun fek inyak, ne a won dar a so̱ nabasang'e e̱?