2 aTimoti 1:3 - Izere New Testament

³ Mi be riye̱ rikan be Adakunom aya mi tu ku nye itomong be riye̱ rizining kyo̱ndi átukop'i tu ku nye'me. Katuk be kunom mi nye aduwa ne i yiring be wan ye̱r ye̱r.

2 aTimoti 1:3 Referans Kwoze

Ibrani 13:8

aYeso Kiristi afe kure be afe katuur ne afe izen izen se azining, a shishing nigaan'e baꞌ.

Itomong Ámanzo 23:1

Iyong aBulus ti sak anyisi na nusonong áko̱k kasho̱o̱n ame a tá fe̱ be ba ye, “Ároneng, be riye̱ rizining mi n nye koakye ike̱ng Adakunom tin sak ye mi ra nye ma nizen iyuna.”

Itomong Ámanzo 24:14

Ei, mi shim ye mi ya Adakunom átukop yir iben ni Iren na ba ta fe̱ ye i nye kugung rice áner aNazaret. Mi ti no̱o̱k katsak natoon koakye ike̱ng i ta se ni izibir kaye̱e̱r Itsi aMusa be afumung áner kuzarap.

1 aTimoti 1:19

yiir kuno̱o̱k katsak wan ne i sor be riye̱ rizining. Ákak shim ike̱re̱ iyong baꞌ, iyong kuno̱o̱k katsak ba beseng.

1 aTimoti 1:5

Ike̱ng i ta sak mi ta fe̱ anong be agbang kuto̱ se ye nong áfikuus tà shim ánerawe be kushim kuri kuya ku ta ne kaye̱e̱r riye̱ rizhe̱l'e ne riye̱ rizining be kuno̱o̱k katsak kufe katsak baꞌ.

Itomong Ámanzo 24:16

Iyong ne i sak, koakye izen mi shim ta sor be agak riye̱ nasho̱o̱n Adakunom ka ánerawe baꞌ.

Itomong Ámanzo 22:3

“Mi nye aner aYahuda, a ti tes na aTarsus niben aKilikiya, amma mi ta aze nuwo̱p na. Mi fa afumung nubo̱k aGamaliya, aya a tin bo̱so̱p itsi átukop yir. Mi ti be ifeng dide̱ng ninye itomong Adakunom kyo̱ndi yin ta be yin katuur.

2 aTimoti 3:15

Yiring, kum izen iya wan tá ru nye igon, wan tsang i ren rife̱ Adakunom rizhe̱l'e, riya ri tana kyem ka bo̱so̱p iren kuse̱ kashesh ke anerawe no̱o̱k katsak na aYeso Kiristi.

2 aTimoti 1:5

Mi yiring be kuri kuno̱o̱k katsak kufe katsak kuya wan ta be, kuri kufe akaka wan aLoyis ne kufe ango̱ wan, aYunis, mi no̱o̱k katsak ye wan be kuri'me gip.

1 aTasalonika 3:10

Katuk be kunom i nye yir aduwa dide̱ng be Adakunom ye, ke yir be̱ yir nufe yin anyisi be anyisi, nong i tà ba ka barang mo yin ike̱re̱ ife i ta raar kaye̱e̱r kuno̱o̱k katsak yin.

Afisa 1:16

Mi won kunye riye̱ rikan be Adakunom kamok yin baꞌ, ne i yiring be yin kaye̱e̱r aduwa mi.

aGalati 1:14

Mi nye kasho̱o̱n kaye̱e̱r áfe ku kuus itsi áner aYahuda ne i nar áner aYahuda'me ákak whe̱r aya a tá nye áfe izam'i, ne i be ifeng kukuus igo̱o̱n asho̱n yir.

2 aKoranti 1:12

Ike̱ng yir tin ya yir kuka nye, kamok yir sor yir kusor kuzhe̱l nazatse ne i sor yir be riye̱ rizining nizen iya yir tá se yir mak be yin. Yir sor yir zhe̱l be katsak kuri kufe Adakunom sang be ritseng kuri rife kazatse na baꞌ, amma kamok ritek Adakunom.

aRom 9:1

Katsak'e, ne mi fe̱ kamok aKiristi, sang mi bo̱ abo̱o̱s baꞌ, kaye̱e̱r kuto̱ro̱ng'i ne ike̱ng iya Kabik Kazhe̱l'e tin tonong, mi no̱o̱k katsak ye i nye katsak.

Itomong Ámanzo 27:23

Natuk nashirim amaleka Adakunom akak, aya mi ta sor afu ne i ku nye itomong, be̱ a nyeseng nukim'i.

Itomong Ámanzo 26:4

“Áner aYahuda cice̱r ren kuri kusor mi ta sor kum ne mi ru nye igon. Ba ren kuta mi nuwo̱p'i ne kusor'i na aUshalima gip.

aLuka 2:37

ne amitek'e ku. A sor akumung ma aye̱ iso̱k ikara be anaas, a kam be agbang kutu kuya Adakunom iben ze̱e̱r baꞌ. A yiir ya Adakunom iben katuk be kunom ne a nye azumi be aduwa.

1 aTimoti 5:5

Abining aya amitek wu tá ku, aya a ta be akak a tana ku tobok baꞌ, a rin te riye̱ wu na Adakunom ne a ya kasho̱o̱n be ku nye aduwa kunom be katuk nong Adakunom tu ku no̱o̱k ike̱ng wu ta shim.