2 aTimoti 1:1 - Izere New Testament

¹ Mi aBulus, amanzo aYeso Kiristi, nushim aya Adakunom. Adakunom ti tom nong ta tak itak kutser kuya wu tá tsang a no̱o̱k kuto̱ kaye̱e̱r aYeso Kiristi.

2 aTimoti 1:1 Referans Kwoze

Ibrani 9:15

Kamok anong, aKiristi ne a se natite kushu kufas nong ase̱ áfe a ta ma ka yis ba tà shan kutser kufe izen izen kuya Adakunom ta fe̱ ye a tà no̱o̱k. Kyo̱o̱rna wu ku nong a tà ka shesh ba kaye̱e̱r rine̱n rife ba tá tsang á nye kaye̱e̱r kushu kufe ime̱se̱ng'e.

aYohana 17:3

Kutser kufe izen izen'e nye ye, ánerawe ra ka ren ye, wan ze̱r ne i nye Adakunom afe katsak, ne á ren aYeso Kiristi aya wan tá tom.

2 aKoranti 1:1

Mi aBulus, aya Adakunom tin kasa nong ta te amanzo aYeso aKiristi, i ta se yir mak be aronyining yir aTimoti, ne i sen ka zibir yin kufumung na, yin áfikuus Adakunom áya a ta se na aKoranti ne ázhe̱l'e áya ta se niben Akaya cice̱r.

aYohana 10:28

Mi tu no̱o̱k ba kutser kufe izen izen, ba tà kus baꞌ sam. Aner akak tà kyem a tin shan nubo̱k'i baꞌ.

aTitus 1:2

kamok kute riye̱ natoon kutser kufe izen izen. Adakunom, wu a ta be abo̱o̱s baꞌ, ne a no̱o̱k kuto̱ natoon kutser kufe izen izen nizham a ta ra san ízam.

Afisa 3:6

Kanye̱k'e se ye kamok kutaas Rife̱ Ritek Adakunom, nong áner aya a ta nye áner aYahuda baꞌ ta se̱ kuya kutse mak be áner Isarela. Ba te kyo̱ndi aner azining ne á se̱ kukap mak be áner Isarela, kaye̱e̱r ike̱ng iya Adakunom tá tsang a fe̱ ye wu ta no̱o̱k kamok aYeso Kiristi.

aYohana 6:40

Kamok kushim Ada mi nye ye, koangan afe a tin sak anyisi na Igon'e ne a ni no̱o̱k katsak, a tà se̱ kutser kufe izen izen, ne mi ku dorok katuk igang'e.”

1 aYohana 2:25

Ke yin nye yin anong, yin tà se̱ yin kutser kufe izen izen kuya aYeso tá tsang a no̱o̱k kuto̱ ye wu tin no̱o̱k yir.

1 aTimoti 6:19

Ke ba nye anong ne a ta tusung ike̱re̱ itek kamok rice ba kaye̱e̱r kaza ne i sor agbang kanye̱k kamok izen i ta saase nong ase̱ yin ta se̱ yin kutser ku ta nye kufe katsak.

2 aKoranti 1:20

Kamok be wu ne Adakunom shining ike̱re̱ wu tá tsang a fe̱ ye wu tá nye cei. Iyong ne i sak kaye̱e̱r riyerek wu ne yir fe̱ yir ye, “Anong,” nong tin tiyiik yir riyerek Adakunom.

1 aKoranti 1:1

Mi, aBulus, aya a tin yis nong tà te amanzo aYeso Kiristi, kaye̱e̱r kushim Adakunom, i ta se yir mak be aronyining yir aSatanis ne i ta zibir yin kufumung na.

aRom 6:23

Kamok ishorong rine̱n nye riku, amma kunang Adakunom nye kutser kufe izen izen kaye̱e̱r aYeso Kiristi Agwo̱m Ágwo̱m yir.

aRom 5:21

nong ase̱, kyo̱ndi rine̱n ta nye rigwo̱m wu be riku, anong ne ritek Adakunom ta nye rigwo̱m wu kyo̱o̱rna be kuse gye̱r nasho̱o̱n Adakunom. Anong ne ri ta tseng be yir kaye̱e̱r kutser kufe izen izen kamok aYeso Kiristi Agwo̱m Ágwo̱m yir.

aRom 1:1

Mi, aBulus i ta nye asam aYeso Kiristi, aya a tin yis nong tá te amanzo wu ne a ti kasa nong ta taas Rife̱ Ritek Adakunom.

aYohana 6:54

Koangan afe a ta ya rinam kuro̱m'i ne a so̱ naso̱k'i, a be kutser kufe izen izen, mi tù ku dorok be kutser katuk igang'e.

aYohana 5:24

“Katsak'e, mi ta ka tak yin, koangan ne a ta fok rife̱ mi, ne a ni no̱o̱k katsak ni wu aya a tin tom, a be kutser kufe izen izen. A tu ku to̱ amok baꞌ, kamok an wher riku a ta se̱ kutser.

aGalati 3:26

Yin nye yin inoon Adakunom cice̱r kamok yin ti no̱o̱k yin katsak na aYeso Kiristi.

aGalati 3:28

Akak ba nye afu Yahuda ka aduk'e baꞌ, akak ba nye asam ka a se washak baꞌ, ne akak ba nye aner amitek ka aner abining'e baꞌ, kamok cice̱r yin i nye yin aner azining kaye̱e̱r aYeso Kiristi.

2 aTimoti 1:9

Wu ne a ti shesh yir ne a ni kasa yir nong ta sor yir kusor kuzhe̱l'e. A ti kasa yir sang kamok yir tá nye yir ike̱ng ikak itek baꞌ, amma kamok ike̱ng ife wu tá shim'ong ne ritek wu. A tin no̱o̱k yir ritek'e kamok aYeso Kiristi nizham a ta ra nye kazatse,

2 aTimoti 1:10

Amma kyo̱o̱rna a ti tonong yir'e be kube̱ Aner Kashesh yir, aYeso Kiristi. Wu ne a canang riku ne a ni tonong yir kutser kufe izen izen kanang be Rife̱ Ritek.

2 aTimoti 1:13

Yiir kuri kubo̱so̱p na kufe katsak kuya wan tá fok nunaan, i tu sor ike̱ng wan tanin nye kumaas. Yiring ta sor kaye̱e̱r kuno̱o̱k katsak ne kushim kuya wan ta be kaye̱e̱r aYeso Kiristi.

2 aTimoti 2:1

Kamok anong, wan igon'i, nyeseng kpa kaye̱e̱r ritek riya ri ta se kaye̱e̱r aYeso Kiristi.

2 aTimoti 2:3

Naka tsesek kaye̱e̱r risam na mak be yir, kyo̱ndi asozha atek afe aYeso Kiristi.

2 aTimoti 2:10

Kamok anong mi tsesek kaye̱e̱r koakye kamok áya Adakunom tá kasa nong ba gip ta ma se̱ kashesh na a ta se̱ kaye̱e̱r aYeso Kiristi ne kuyiik kufe izen izen.

2 aTimoti 3:15

Yiring, kum izen iya wan tá ru nye igon, wan tsang i ren rife̱ Adakunom rizhe̱l'e, riya ri tana kyem ka bo̱so̱p iren kuse̱ kashesh ke anerawe no̱o̱k katsak na aYeso Kiristi.

aTitus 1:4

Wan, aTitus, igon'i kafe katsak kaye̱e̱r kuno̱o̱k katsak yir ta be yir cice̱r yir. Ritek be kameneng riye̱ Adakunom a ta nye Ada yir be aYeso Kiristi Aner Kashesh yir se mak be wan.