1 aYohana 5:1 - Izere New Testament

¹ Koangan afe a ta no̱o̱k katsak ye aYeso nye aKiristi, nye igon Adakunom. Koangan afe a ta shim Ada'me, a tà shim igon'e gip.

1 aYohana 5:1 Referans Kwoze

1 aYohana 2:29

Ke yin ren yin aYeso nye azhe̱l'e. To̱, yin ta ren yin ye koangan a ta nye ike̱re̱ i ta se gye̱r nasho̱o̱n Adakunom gip a tà sor igon Adakunom nabik.

aYohana 8:42

aYeso fe̱ be ba ye, “Ke a fa fe̱ ye Adakunom ne a nye Ada yin, ke yin ti shim yin, kamok mi ne nufe Adakunom, kyo̱o̱rna mi se aze. Mi be̱ kube̱ rice mi baꞌ, amma wu ne a ti tom.

1 aYohana 4:7

Aro̱, yin aya mi ta shim, won i tu naka shim yir, kamok kushim ne nufe Adakunom. Koangan afe a ta shim ánerawe nye igon Adakunom ne a ren Adakunom.

1 aYohana 3:14

Yin ren yin, yir tsang i nye yir ikom'e cice̱r nabik, amma kyo̱o̱rna yir be yir kutser kamok yir shim yir áronyining yir. Aner aya afe a ta shim aronyining wu baꞌ, a nye kukom'e nabik.

1 aYohana 5:4

kamok aner aya a ta nye igon Adakunom n canang kazatse. Ike̱ng i ta sak yir tan canang yir kazatse'me nye kuno̱o̱k katsak yir na aYeso.

1 aYohana 4:20

Ke akak fe̱ ye wu shim Adakunom ne a rawu áronyining wu, i nye ye a be abo̱o̱s, kamok aner aya a ta shim áronyining wu aya wu tu ku di baꞌ, a ta kyem a shim Adakunom aya wu ta won dar a di baꞌ.

1 aYohana 3:9

Akak kuse a ta nye igon Adakunom ne a bun a yiir nye rine̱n baꞌ, kamok kuse Adakunom kuse kaye̱e̱r wu. A ta bun a ya kasho̱o̱n be rine̱n baꞌ, kamok a nye igon Adakunom.

aYohana 3:3

Ayong aYeso fe̱ be wu ye, “Katsak'e ne mi ta ka tak, akak kusa a ta kyem a no̱ kaye̱e̱r rigwo̱m Adakunom baꞌ, sang ke a bun a tu ku tes kutes dim ba'.”

aMatiyu 16:16

Ayong aBitrus fe̱ be wu ye, “Wan ne i nye aKiristi, Igon Adakunom afe kuter.”

1 aYohana 2:10

Aner aya ne a shim aronyining wu afikuus, i nye ye aner'e se na akanang. Ike̱ng ikak kuse i tana ku sak nong a tana won iren'e baꞌ.

aYohana 15:23

Aner aya a tin ramin, a rawu Ada mi gip.

1 aYohana 4:2

Iren yin tana ren yin ye Kabik'e nye kafe Adakunom nye, ke aner'e fe̱ ye aYeso be̱ kaye̱e̱r kuro̱m i nye ye Kabik'e nye kafe Adakunom.

1 aBitrus 1:3

Nakerek nye nafe Adakunom ne a nye Ada Agwo̱m Ágwo̱m yir aYeso Kiristi, wu ne a ro̱ riye̱ yir dide̱ng a ta bun a ti dorok yir be riku aYeso Kiristi nure̱k kute riye̱ kufe katsak kamok kudorok aKiristi nure̱k.

aYakub 1:18

Wu ne a di a tin kasa yir a tin tes yir kaye̱e̱r rife̱ katsak, nong yir ta se yir kyo̱ndi kutes kufe ime̱se̱ng'e kaye̱e̱r ike̱re̱ wu ta nye.

aYohana 6:69

Yir ti no̱o̱k yir katsak ne i ren yir ye wan ne i nye Azhe̱l'e afe Adakunom.”

1 aYohana 3:17

Ke akak kuse a ta be ike̱ng ne a di aronyining wu áfikuus a be ike̱ng ikak baꞌ, a se nudaam, amma a ro̱ riye̱ wu nong a tu ku nye ike̱ng ikak baꞌ. Ane̱ ne wu ta tonong ye kushim Adakunom kuse riye̱ wu e̱?

Itomong Ámanzo 8:36

Kaye̱e̱r kutseng, á be̱ ba naro̱ kakak ashi tú ku se ne aritek ame fe̱ be aFilibus'e ye, “Di ashi na, akye̱ ta roon ku ninye abatisma ame aze e̱?

aYohana 1:3

Be wu ne a nye koakye ike̱ng, ike̱ng ikak kuse ife a tá nye dar wu baꞌ.

1 aYohana 5:5

Angan ta kyem a canang kazatse'me e̱? Aya a ta no̱o̱k katsak ye aYeso ne a nye Igon Adakunom tsek.

1 aYohana 5:18

Yir ren yir ye koangan afe a ta nye igon Adakunom ta ya kasho̱o̱n be kunye rine̱n baꞌ, kamok aYeso aya a ta nye Igon Adakunom tà fek aner'e. Ishetan ta kyem a ku nye ike̱ng ikak baꞌ.

aLuka 7:5

kamok a shim áner yir, ma a min no̱k yir kutu aduwa.”

Itomong Ámanzo 8:37

Amma aFilibus fe̱ be wu ye, ‘Ke wan ti no̱o̱k katsak be riye̱ wan cei ne a ka nye abatisma ame.’ Aritek ame fe̱ ye, ‘Ei, mi no̱o̱k katsak ye aYeso Kiristi ne a nye Igon Adakunom.’ ”