1 aYohana 4:9 - Izere New Testament

⁹ Ana ne Adakunom tonong kushim wu kaye̱e̱r yir. A ta tom asuze̱r Igon wu kaye̱e̱r kazatse na nong ase̱ yir tà se̱ yir kutser kamok wu.

1 aYohana 4:9 Referans Kwoze

aYohana 3:16

“Kamok kushim afe Adakunom ta shim kazatse dide̱ng, ma a no̱o̱k asuze̱r Igon wu, kamok koangan afe a tin no̱o̱k katsak ni wu, tà wei baꞌ, amma a ta se̱ kutser kufe izen izen.

1 aYohana 5:11

Ike̱ng'e se ye, Adakunom min no̱o̱k yir kutser kufe izen izen. Kutser'e se be Igon wu aYeso.

aRom 8:32

Wu afe a tin roon yir Igon wu baꞌ, amma a sok a tá no̱o̱k kamok yir cice̱r. Aser, wu Adakunom afe a tá tsang a ni no̱o̱k yir Igon wu ta won dar a ni no̱o̱k yir ribir ike̱re̱ wu cice̱r washak aꞌa.

aYohana 6:57

Kyo̱ndi Ada afe kutser tin tom ne mi sor be kutser kamok Ada'me, anong ne aner aya afe a tin sok i ta te naya wu tà sor be kutser kamok'i.

1 aYohana 4:10

Iyu ne i nye kushim'e. Sang yir ne i shim yir Adakunom baꞌ, wu ne a ti shim yir, ne a tom Igon wu nong ka tá be̱ ku kyo̱ndi asidaka kure̱ng rine̱n yir.

1 aYohana 3:16

Yir ren yir ye kushim kufe katsak se ana, aYeso Kiristi no̱o̱k kutser wu kamok yir. Yir gip, yir tà no̱o̱k yir kutser yir kamok áfikuus áfudang yir.

aYohana 10:10

Akpatang be̱ kamok itsang tsek ne a fe̱r ne a beseng. Amma mi be̱ nong á ta se̱ kutser, á ta se̱ kutser'e kpe̱.

aYohana 6:51

Mi ne i nye naya kutser naya na ta ne naza, ke akak ya naya na, a ta sor ma izen izen, naya'me nye kuro̱m'i kuya mi tana no̱o̱k nong kazatse ta se̱ kutser.”

aYohana 3:18

Koangan afe a tin no̱o̱k katsak ni wu, a tu ku to̱ amok baꞌ, amma aya a tin no̱o̱k katsak baꞌ, a mu ku to̱ amok kamok a tin no̱o̱k katsak riyerek asuze̱r Igon Adakunom baꞌ.

Ibrani 1:5

Kamok amaleka akak kuse Adakunom tá kun fe̱ be wu ye, “Wan nye Igon'i, katuur mi n te Ada wan” baꞌ. Ka ye, “Mi tà te Ada wu, ne wu ma te Igon'i” baꞌ.

aYohana 8:42

aYeso fe̱ be ba ye, “Ke a fa fe̱ ye Adakunom ne a nye Ada yin, ke yin ti shim yin, kamok mi ne nufe Adakunom, kyo̱o̱rna mi se aze. Mi be̱ kube̱ rice mi baꞌ, amma wu ne a ti tom.

aLuka 4:18

“Kabik Adakunom se mak be mi, kamok anong a mi n kasa nong tá taas áfe rizor Rife̱ Ritek. A min tom nong ta taas áfe a ta se nitso̱m ye á ra sor washak ne i karak akpato̱o̱n anyisi, ne i sak áfe a tá ka mo̱o̱r ba ta sor ne̱k.

aMarkus 12:6

“Gip be anong, a tú won aner azining wu tana tom, aner'e nye igon'i, kaya mi ta shim. Ni igang'e, a tú tom nufuba ye, ‘Ei, á ta sok igon'i yiik.’

1 aYohana 4:16

Kamok anong yir ren yir ne i ni fereng yir nushim Adakunom kufe katsak a ta be natoon yir. Adakunom nye kushim. Koangan afe a ta shim ánerawe se kaye̱e̱r Adakunom ne Adakunom se kaye̱e̱r wu gip.

aYohana 14:6

aYeso fe̱ be wu ye, “Mi ne i nye iren, ne i nye katsak ne i nye kutser. Akak ta kyem tseng nufe Ada'me baꞌ, ma a gor nunaan.

aYohana 6:29

Ne aYeso fe̱ be ba ye, “Ike̱ng ife Adakunom ta shim yin ta nye yin nye: Ni no̱o̱k yin katsak naya afe wu tá tom.”

aYohana 8:29

Aya a tin tom se be mi; a ti won mi ka ma mi baꞌ, kamok mi nye koakye riye̱ wu tá shim.”

aYohana 5:23

nong ase̱ ánerawe cice̱r tà tiyiik Igon'e kyo̱ndi ba tá tiyiik Ada'me.

aYohana 9:3

aYeso tú ku shim ba'me ye, “Sang akak kaye̱e̱r ba ne a nye rine̱n baꞌ, amma a tú ku nye anong, nong ase̱ a ta tonong kuyiik Adakunom natoon wu.

1 aYohana 5:13

Mi ta zibir yin'e aya i tin no̱o̱k yin katsak riyerek aYeso Igon Adakunom, nong ase̱ yin ta ren yin ye yin be yin kutser kufe izen izen.