1 aYohana 4:7 - Izere New Testament

⁷ Aro̱, yin aya mi ta shim, won i tu naka shim yir, kamok kushim ne nufe Adakunom. Koangan afe a ta shim ánerawe nye igon Adakunom ne a ren Adakunom.

1 aYohana 4:7 Referans Kwoze

1 aYohana 4:20

Ke akak fe̱ ye wu shim Adakunom ne a rawu áronyining wu, i nye ye a be abo̱o̱s, kamok aner aya a ta shim áronyining wu aya wu tu ku di baꞌ, a ta kyem a shim Adakunom aya wu ta won dar a di baꞌ.

1 aYohana 4:8

Koangan afe a ta shim ánerawe baꞌ, a ren Adakunom baꞌ kamok Adakunom nye kushim.

1 aBitrus 1:22

Kyo̱o̱rna yin tan sak yin rice yin nong i tá te yin zhe̱l kamok yin tá kuus yin rife̱ Adakunom, shim yin áronyining yin be riye̱ rizining, naka shim yin anong be katsak.

1 aYohana 2:10

Aner aya ne a shim aronyining wu afikuus, i nye ye aner'e se na akanang. Ike̱ng ikak kuse i tana ku sak nong a tana won iren'e baꞌ.

aGalati 5:22

Amma kuse kuri kufe Kabik nye: kushim ne riye̱ rikan be kameneng riye̱ ne ku naka tsesek ne kuse kutek be kunye kutek ne kunye katsak,

2 aTimoti 1:7

Kamok kabik kaya Adakunom ti no̱o̱k yir nye kabik kufok inyim baꞌ, amma kafe kukyem ne kushim be kuyiir rice.

1 aYohana 4:12

Akak kun di Adakunom be anyisi baꞌ amma ke i naka shim yir, i nye ye Adakunom se kaye̱e̱r aye̱ yir ne kushim wu shining kaye̱e̱r aye̱ yir makiyi.

1 aYohana 2:29

Ke yin ren yin aYeso nye azhe̱l'e. To̱, yin ta ren yin ye koangan a ta nye ike̱re̱ i ta se gye̱r nasho̱o̱n Adakunom gip a tà sor igon Adakunom nabik.

aYohana 17:3

Kutser kufe izen izen'e nye ye, ánerawe ra ka ren ye, wan ze̱r ne i nye Adakunom afe katsak, ne á ren aYeso Kiristi aya wan tá tom.

2 aKoranti 4:6

Kamok Adakunom fe̱ ye, “Won akanang tu ya kaye̱e̱r awhi.” Wu ne a sak akanang'e ta sam kaye̱e̱r aye̱ yir, nong a ta sam kaye̱e̱r ánerawe nasho̱o̱n nong a ta ren kuyiik Adakunom nanyisi aKiristi.

aGalati 4:9

Amma kyo̱o̱rna yin ta ren yin Adakunom be katsak, ka a ta fe̱ ye Adakunom ta ren yin, akye̱ sak yin bun i sen kuburung yin na kpe̱de̱ng igo̱o̱n i ta won dar i be agap anong e̱? Yin bun i shim yin, ta te yin ásam ba gbak a?

aYohana 13:34

“Itsi ifas ne mi ta tak yin ye; Yin ra naka shim yin. Kyo̱ndi mi tá ka shim yin, anong ne yin tana ka shim yin dim.

1 aKoranti 8:3

Amma aner aya a ta shim Adakunom, Adakunom ren aner ayong.

1 aYohana 2:3

Ke yir nye yir ike̱re̱ Adakunom tá fe̱ ye i ra nye yir, iyong ne i ta tonong ye koangan yir ren Adakunom.

1 aYohana 2:4

Ke akak fe̱ ye wu ren Adakunom a ra nye ike̱re̱ iya Adakunom'me tá fe̱ ye a ra nye baꞌ, i nye ye a be abo̱o̱s, katsak kuse riye̱ wu baꞌ.

1 aYohana 2:7

Aro̱, ike̱ng mi ta sen ka zibir yin'e na nye itsi ifas baꞌ i nye iya Adakunom tá tsang a fe̱ be yin, iya yin tá fok yin kum ni ime̱se̱ng'e. Itsi na nye rife̱ Adakunom riya yin tá kun fok yin.

1 aYohana 3:9

Akak kuse a ta nye igon Adakunom ne a bun a yiir nye rine̱n baꞌ, kamok kuse Adakunom kuse kaye̱e̱r wu. A ta bun a ya kasho̱o̱n be rine̱n baꞌ, kamok a nye igon Adakunom.

1 aYohana 4:11

Aro̱, yin aya mi ta shim, kum Adakunom tin tonong yir kushim wu dide̱ng ana, i tá ma se gye̱r ke yir ma naka shim yir gip.

1 aYohana 4:16

Kamok anong yir ren yir ne i ni fereng yir nushim Adakunom kufe katsak a ta be natoon yir. Adakunom nye kushim. Koangan afe a ta shim ánerawe se kaye̱e̱r Adakunom ne Adakunom se kaye̱e̱r wu gip.

1 aYohana 5:1

Koangan afe a ta no̱o̱k katsak ye aYeso nye aKiristi, nye igon Adakunom. Koangan afe a ta shim Ada'me, a tà shim igon'e gip.

2 aYohana 1:5

Kamok anong angasneng, sang natoon itsi ifas ne mi sen ka zibir'e baꞌ, amma iya yir tá fok yir kum ni ime̱se̱ng'e. Mi shim ta ka tak ye i ra naka shim yir.