1 aYohana 4:6 - Izere New Testament

⁶ Amma yir, yir nye yir áfe Adakunom, koangan afe a ta nye afe Adakunom ti fok yir. Aya a ta nye afe Adakunom baꞌ, ti fok yir baꞌ. Anong ne yir kyem i ren yir Kabik kafe ka ta be katsak ne kafe abo̱o̱s.

1 aYohana 4:6 Referans Kwoze

aYohana 14:17

Wu ne a nye Kabik kafe katsak. Kazatse ta kyem ka ku shan baꞌ, kamok ka kun ku di ka ka kun ku ren baꞌ. Amma yin tú ren yin, kamok a se be yin ne a tà sor kaye̱e̱r yin.

aYohana 10:27

Itamang'i fok kuto̱ mi, mi ta ren ba ne ba ni kuus.

aYohana 15:26

“Izen iya ne Aner Kutobok'ong be̱, aya a tana ne nufe Ada. Wu ne a nye Kabik kafe katsak. A tà fe̱ itak natoon'i.

1 aYohana 4:1

Aro̱, yin aya mi ta shim, tin no̱o̱k yin katsak natoon koakye kuri kabik baꞌ, bo̱mo̱ng yin kuri nabik'e nizham nong ta di yin ka na ne nufe Adakunom'me. Kamok áner kuzarap áfe abo̱o̱s kuse whe̱re̱ nazatse kyo̱o̱rna.

1 aYohana 4:4

Amma yin inoon'i, yin aya mi ta shim, yin nye yin áfe Adakunom. Yin n canang yin aner kuri ayong, kamok Kabik kaya ka ta se kaye̱e̱r yin nar kaya ka ta se kaye̱e̱r kazatse'me.

aYohana 18:37

Amma aBilatus fe̱ ye, “Aser, wan nye agwo̱m a?” aYeso fe̱ ye, “Wan ne wan fe̱ be kanu wan ye mi nye agwo̱m. Ike̱ng iya i tá sak a tin tes'ong, nong ta taas katsak'e. Koangan a ta nye afe katsak, shim kufoos kuto̱ mi.”

1 aKoranti 14:37

Ke akak kaye̱e̱r yin di ye wu nye aner kuzarap ka a be kunang Kabik ta nyesek, to̱, a ra ren ye ike̱re̱ mi ta ka zibir yin'e na nye ike̱ng iya Agwo̱m Ágwo̱m tin tak.

2 aTasalonika 1:8

A tà nees áya a tá raba Adakunom ne á gaar kukuus Rife̱ Ritek Agwo̱m Ágwo̱m yir aYeso.

aYohana 16:13

Amma izen iya ife Kabik kafe katsak'e be̱, a tà ka tonong yin iren katsak cei kamok sang, a tà fe̱ rife̱ rice wu baꞌ. Ike̱ng iya wu ta foos tsek ne wu tà fe̱. A tà bun a tà ka taas yin ike̱re̱ iya i ta rusek, nong a tà ra nye.

1 aYohana 4:8

Koangan afe a ta shim ánerawe baꞌ, a ren Adakunom baꞌ kamok Adakunom nye kushim.

1 aTimoti 4:1

To̱, Kabik ti tonong yir kanang ye kaye̱e̱r inom igang'e, ánerawe ákak ta won kuno̱o̱k katsak kufe áfikuus nong á ta kuus nabik nafe na ta wo̱ro̱k ánerawe ne ike̱re̱ iya amaan nabik ta bo̱so̱p ánerawe'me.

aYohana 13:20

Katsak'e ne mi ta ka tak yin, aner aya ne a shan koangan afe mi tu ku tom be riye̱ rizining, i nye ye a ti shan mi. Aya ne a ti shan be riye̱ rizining, i nye ye a shan aner aya a tin tom.”

aYohana 8:19

Ayong á tú ku rip ye, “Ada wan'e se ake̱ e̱?” aYeso fe̱ be ba ye, “Yin ti ren yin baꞌ, yin bun i ren yin Ada mi baꞌ. Yin fa ni ren yin ke yin ren yin Ada mi gip.”

aLuka 10:22

“Ada, mi n won koakye nubo̱k wan. Akak ren Igon'e baꞌ, ma Ada'me tsek. Akak ren Ada'me baꞌ, ma Igon'e be áya Igon'e ta shim a tu ku ren ba.”

aZhud 1:17

Amma yin, ároneng áya mi ta shim, yiring yin be ike̱re̱ iya ife ámanzo Agwo̱m Ágwo̱m yir aYeso Kiristi tá tsang á fe̱ gbugbang.

2 aBitrus 3:2

Mi shim yin tu yiring yin be ike̱ng áner kuzarap azhe̱l'e tá fe̱ gbugbang ne ike̱ng iya Agwo̱m Ágwo̱m Aner Kashesh yir tá fe̱ be agbang kuto̱ ni nanu ámanzo yin.

2 aKoranti 10:7

Yin ye̱re̱k yin ike̱re̱ bubarak tsek, ke aner akak di ye wu nye afe aKiristi, aner'e ra ren ye yir nye yir áfe aKiristi kyo̱ndi wu gip.

aRom 11:8

Kyo̱ndi i ta se ni izibir ye, “Adakunom sak aye̱ ba te gbirim a tá no̱o̱k ba anyisi afe á tá kyem á ta di karo̱ baꞌ. A ta no̱o̱k ba ato afe sang á tá kyem a ti fok baꞌ, ma katuur ana.”

aRom 1:1

Mi, aBulus i ta nye asam aYeso Kiristi, aya a tin yis nong tá te amanzo wu ne a ti kasa nong ta taas Rife̱ Ritek Adakunom.

aYohana 20:21

Ne aYeso bun a fe̱ be ba ye, “Kameneng riye̱ se mak be yin! Kyo̱ndi Ada'me tin tom, anong ne mi ma sen ka tom yin.”

aYohana 10:16

Mi be kukpara itsamang ikak i ta se ze̱e̱r be iyu. Ba gip, ma mi tà be̱ be ba dim. Á tà fok kuto̱ mi, ne á be̱ te kukpara kuzining be afek azining.

aYohana 8:23

Amma aYeso ya kasho̱o̱n be rife̱ ye, “Yin ne yin kaben; Mi ne naza. Yin nye yin áfe kazatse na, mi nye afe kazatse na baꞌ.

aYohana 10:3

Aner aya a ta tor kaming itsamang'me ta karak afek itsamang'me kaming'e. Ne itsamang'e fok kuto̱ afek ba. A yis itsamang wu'me be ayerek ba. Ne a ku tun ba nufang.

1 aYohana 5:19

Yir ren yir ye yir nye yir inoon Adakunom ne Ishetan ninye rigwo̱m nazatse na.