Biblia Todo Logo
Bib sou entènèt

- Piblisite -




1 aYohana 4:4 - Izere New Testament

4 Amma yin inoon'i, yin aya mi ta shim, yin nye yin áfe Adakunom. Yin n canang yin aner kuri ayong, kamok Kabik kaya ka ta se kaye̱e̱r yin nar kaya ka ta se kaye̱e̱r kazatse'me.

Gade chapit la Kopi




1 aYohana 4:4
28 Referans Kwoze  

To̱, iyong yir tà fe̱ yir ane̱ natoon ike̱re̱ na e̱? Ke Adakunom se mak be yir, akye̱ ti daam yir ke a ti ra yir e̱?


kamok aner aya a ta nye igon Adakunom n canang kazatse. Ike̱ng i ta sak yir tan canang yir kazatse'me nye kuno̱o̱k katsak yir na aYeso.


Wayo, kaye̱e̱r ike̱re̱ na cice̱r, yir nar yir agap áya a tana fe̱ ye á be agap kaye̱e̱r aYeso aya a tin shim yir.


Kamok anong yir ren yir ne i ni fereng yir nushim Adakunom kufe katsak a ta be natoon yir. Adakunom nye kushim. Koangan afe a ta shim ánerawe se kaye̱e̱r Adakunom ne Adakunom se kaye̱e̱r wu gip.


Yir n shan yir Kabik kaya ka tá ne̱ nufe Adakunom, sang kafe kazatse na baꞌ, nong ase̱ ta ren yir ike̱re̱ Adakunom tin no̱o̱k yir na awarak.


Yir ren yir ye yir nye yir inoon Adakunom ne Ishetan ninye rigwo̱m nazatse na.


Yir ren yir ye yir se yir kaye̱e̱r wu ne wu se kaye̱e̱r aye̱ yir gip, kamok Adakunom ti no̱o̱k yir Kabik wu Kazhe̱l'e.


Ni igang'e cice̱r, nyeseng yin be agap kaye̱e̱r Agwo̱m Ágwo̱m be agbang kukyem wu.


nong ase̱ aKiristi ta sor kaye̱e̱r aye̱ yin kamok kuno̱o̱k katsak yin. Mi nye aduwa ye, kushim ta nyeseng be agap kaye̱e̱r aye̱ yin. Won kushim tu nye ritin'e,


Áronyining yir tú ku canang kamok naso̱k Aturuk'e ne kamok ike̱ng ife ba tá fe̱, kamok á tú ku teng riku baꞌ.


Koangan afe a ta kuus ike̱ng iya itsi Adakunom tá fe̱ a se kaye̱e̱r Adakunom'me ne Adakunom se kaye̱e̱r wu. Yir ren yir ye Adakunom se mak be yir be Kabik Kazhe̱l'e a tin no̱o̱k yir.


Kyo̱o̱rna ne a ta to̱ kazatse na amok. Kyo̱o̱rna ne a tin shan rigwo̱m nufe agwo̱m kazatse.


Mi sor kaye̱e̱r ba ne wan kaye̱e̱r'i. Won ba tù gung rice dide̱ng, nong ase̱ kazatse tà ren ye wan ti tom, ne ka ren ye mi tú shim ba kyo̱ndi wan tin shim.


Amma yir, yir nye yir áfe Adakunom, koangan afe a ta nye afe Adakunom ti fok yir. Aya a ta nye afe Adakunom baꞌ, ti fok yir baꞌ. Anong ne yir kyem i ren yir Kabik kafe ka ta be katsak ne kafe abo̱o̱s.


Akye̱ gung agbang karo̱ kuya Adakunom iben be karo̱ itsi e̱? Kamok yir ne i nye yir karo̱ a tu ku ya Adakunom afe kutser iben, kyo̱ndi Adakunom ta fe̱ ye, “Mi ta sor be ba ne i tsang kar kaye̱e̱r ba, ne mi te Adakunom ba ne ba te ánerawe mi.”


Mi ta zibir yin'e, aya i tan kyem yin ánerawe nabik kamok yin n ren yin aKiristi'me. A se kum ni ime̱se̱ng'e. Mi ta zibir yin'e aya i ta ru nye yin acam nabik, kamok yin n canang yin Ishetan a ta nye Amaan Aner. Mi ta zibir yin'e, aya i ta ru nye yin inoon nabik kamok yin ren yin Adakunom aya a ta nye Ada yir.


Ákak fe̱ ye, “A nye kafa kamok naya, naya kamok kafa,” ikak ta ra sor ma izen izen baꞌ. Adakunom tu ku whe̱se̱ng ba cice̱r. A nye kuro̱m kamok rikuna baꞌ, amma nong a tin tiyiik Adakunom, ne Adakunom ni sak riye̱ nuro̱m'e.


riya yin tin se yin nizen iya yin tá kuus yin kuri kutseng kazatse na ne i kuus yin agwo̱m, aya a tin nye rigwo̱m natoon nabik naya na tase natoon kaza. Wu ne a nye kabik kaya ka ta whap aye̱ ánerawe áya a ta gaar ku kuus Adakunom.


kuto̱ro̱ng ba se gye̱r ba' natoon amok, kamok a tsang an te̱n aner áfe tin nye rigwo̱m nazatse na amok.


Ba kyem a di katsak'e baꞌ, kamok aner aya a tin nye rigwo̱m nazatse na, n whe̱e̱n aye̱ ba. A sak ba kyem á di akanang aya a ta sam'ong baꞌ, a kanang na a ta wuruk kamok Rife̱ Ritek natoon kuyiik aKiristi, wu aya a ta taas Adakunom.


Mi tà ba fe̱ rife̱ be yin dide̱ng baꞌ, kamok aner aya a tin nye rigwo̱m nazatse na saase, amma a tin be kubo̱k ni baꞌ.


Inoon'i, yin aya mi ta shim, mi tá zibir yin ike̱re̱ na fan yin bu nye yin rine̱n. Amma ke akak yin bun a nye rine̱n, Adakunom tu ku re̱ng'e kamok yir be yir akak a tana nyeseng rice yir nasho̱o̱n Adakunom a ta nye Ada'me. Wu ne a nye aYeso Kiristi aya a ta se zhe̱l nasho̱o̱n Adakunom.


tin to̱ yir amok. Kamok Adakunom ren aye̱ yir ne a ni nar yir ne a ren koakye.


Swiv nou:

Piblisite


Piblisite