1 aYohana 4:10 - Izere New Testament

¹⁰ Iyu ne i nye kushim'e. Sang yir ne i shim yir Adakunom baꞌ, wu ne a ti shim yir, ne a tom Igon wu nong ka tá be̱ ku kyo̱ndi asidaka kure̱ng rine̱n yir.

1 aYohana 4:10 Referans Kwoze

1 aYohana 2:2

Wu ne a nye asidaka kure̱ng rine̱n yir. Kamok yir tsek baꞌ, amma ánerawe kazatse cei.

1 aYohana 4:19

Yir shim yir Adakunom kamok wu ne a san ku ni shim yir.

aYohana 15:16

Sang yin ne i ti kasa yin baꞌ, amma mi ne i tá ka kasa yin, nong ta se tes yin kutes kutek, kuya ku tana sor ma izen izen. Be anong ne Ada mi tà ka no̱o̱k yin koakye ike̱ng iya yin ta rip yin kaye̱e̱r riyerek'i.

aYohana 3:16

“Kamok kushim afe Adakunom ta shim kazatse dide̱ng, ma a no̱o̱k asuze̱r Igon wu, kamok koangan afe a tin no̱o̱k katsak ni wu, tà wei baꞌ, amma a ta se̱ kutser kufe izen izen.

1 aYohana 3:1

Ye̱re̱k yin ta di yin kuri kushim Adakunom tin shim yir ma a ti yis yir ye inoon wu. Ike̱ng yir ta nye yir'ong! Kazatse ti ren yir baꞌ, kamok ba tu ren baꞌ.

1 aBitrus 3:18

Kamok aKiristi so̱ risam ma a ku kamok rine̱n yir cice̱r kutak kuzining tsek, wu nye azhe̱l'e, amma a ku kamok áya sang á ta nye azhe̱l'e baꞌ nong a tà tseng be yir nufe Adakunom. A tú fe̱r nuro̱m amma Adakunom tú sak a dorok kaye̱e̱r kabik be kutser.

1 aBitrus 2:24

A sok rine̱n yir nuro̱m wu be rice wu, nizen a tú ku tigak nukon nong ase̱ a tin kam yir be rine̱n ne i sor yir kusor kuzhe̱l'e. Yin n te yin atser kamok ifor wu.

aYohana 6:51

Mi ne i nye naya kutser naya na ta ne naza, ke akak ya naya na, a ta sor ma izen izen, naya'me nye kuro̱m'i kuya mi tana no̱o̱k nong kazatse ta se̱ kutser.”

aYohana 13:34

“Itsi ifas ne mi ta tak yin ye; Yin ra naka shim yin. Kyo̱ndi mi tá ka shim yin, anong ne yin tana ka shim yin dim.

Ibrani 2:17

Kamok anong ne wu te kyo̱ndi áronyining wu kaye̱e̱r koakye iren, nong ase̱ a tá te agbang atsi afe a ta be kuro̱ riye̱ ne a nye katsak ni itomong Adakunom. A nye asidaka'ong nong a tin sok rine̱n ánerawe.

1 aYohana 5:11

Ike̱ng'e se ye, Adakunom min no̱o̱k yir kutser kufe izen izen. Kutser'e se be Igon wu aYeso.