1 aYohana 4:1 - Izere New Testament

¹ Aro̱, yin aya mi ta shim, tin no̱o̱k yin katsak natoon koakye kuri kabik baꞌ, bo̱mo̱ng yin kuri nabik'e nizham nong ta di yin ka na ne nufe Adakunom'me. Kamok áner kuzarap áfe abo̱o̱s kuse whe̱re̱ nazatse kyo̱o̱rna.

1 aYohana 4:1 Referans Kwoze

1 aTasalonika 5:21

Maas yin koakye kuri ike̱ng ne i yiir yin iya i ta nye itek.

2 aBitrus 2:1

Kyo̱ndi áner kuzarap áfe abo̱o̱s tú ku se kaye̱e̱r ánerawe Adakunom'me gbugbang, anong ne áner kubo̱so̱p áfe abo̱o̱s ákak tà wuruk kaye̱e̱r yin. Á ta be̱s be kubo̱so̱p kukak kyo̱o̱n, á ta bo̱so̱p ánerawe abo̱o̱s ma á tù ku beseng ba ma ánerawe tà gaar Agwo̱m Ágwo̱m aya a tá ka shesh ba. Ku nye anong ta sak ba be rice ba ta kpa zizirik.

1 aTimoti 4:1

To̱, Kabik ti tonong yir kanang ye kaye̱e̱r inom igang'e, ánerawe ákak ta won kuno̱o̱k katsak kufe áfikuus nong á ta kuus nabik nafe na ta wo̱ro̱k ánerawe ne ike̱re̱ iya amaan nabik ta bo̱so̱p ánerawe'me.

2 aYohana 1:7

Áfe kuwo̱ro̱k ánerawe whe̱re̱ ye sang aYeso Kiristi be̱ nuro̱m baꞌ, án no̱ kaye̱e̱r kazatse. Ke aner akak fe̱ anong i nye ye a be abo̱o̱s ne i nye ye a nye amudo̱n aYeso Kiristi.

1 aKoranti 14:29

Áfe a tana nye kuzarap tu nar áner afa ka ataar á tana fe̱ kanu baꞌ, ribir'e ra ye̱re̱k tatan nong a ta di ike̱ng ba ta sen fe̱'me.

1 aYohana 2:18

Inoon'i, yin aya mi ta shim, won ta ka tak yin, inom na nye izen gang'e. Kyo̱ndi yin tá fok yin ye ámudo̱n aYeso Kiristi tà be̱, kyo̱o̱rna gip ámudo̱n'e m be̱ whe̱re̱. Kamok anong yir ren yir ye inom igang'e m be̱ bubarak.

aLuka 12:57

“Akye̱ sak yin to̱ yin be rice yin ike̱ng i ta se gye̱r nong tá nye yin baꞌ e̱?

aLuka 21:8

Ayong aYeso fe̱ be ba ye, “Sak yin riye̱, fan akak ba ka wo̱ro̱k yin. Kamok ánerawe whe̱re̱ tà be̱s kaye̱e̱r riyerek'i ne á fe̱ ye, ei, ba ne á nye mi, ne á bun á fe̱ ye, ‘Izen m be̱ bubarak.’ Sang tu kuus yin baꞌ.

2 aTimoti 3:13

Amma ámaan aner ne áner á ta sok rice ba á ta gor karo̱ ba tu kuse tin barang kute amaan'e dide̱ng ma a tà wo̱ro̱k ánerawe whe̱r ne á ma ka wo̱ro̱k ba.

Ike̱ng a ta tonong aYohana 2:2

Mi ren kuse wan cei. Mi ren iso̱r wan ne itomong wan ne i ren kutsesek wan. Mi ren wan won akardak aner tá bo̱so̱p ánerawe'me baꞌ. Wan bo̱mo̱ng áya a tá sok ace ba ye ba nye ámanzo aYeso, amma sang á ra nye baꞌ, á nye ámanzo abo̱o̱s.

1 aKoranti 12:10

Akak a tu ku no̱o̱k kunang kunye ike̱re̱ azhing, akak a tu ku no̱o̱k kunang kunye kuzarap. Akak a tu ku no̱o̱k kunang kukaas iriri nabik. Akak a tu ku no̱o̱k kunang kukyem kufe̱ ni írem iduk, akak gbak a tu ku no̱o̱k kunang kutaas ike̱ng ákak tá fe̱ ni írem iduk'e.

Itomong Ámanzo 20:29

Mi ren ye nama mi tana tseng, amaan ágabu tà be̱ no̱ kaye̱e̱r yin nong á tin kpa nukpara'me.

aMarkus 13:21

Nizen iyong koangan ne a fe̱ be yin ye, ‘Di yin, aKiristi'me na! Ka, aya aza'me!’ Sang tin no̱o̱k yin katsak baꞌ.

Itomong Ámanzo 17:11

To̱, áner aYahuda á tá se na aBiriya be kuse kutek ne á nar aya a tá se na aTasalonika, kamok á shan Rife̱ Ritek'e be ifeng dide̱ng. Á ti sak riye̱ á tá fa kufumung rife̱ ye̱r ye̱r ne á maas á tá di ka ike̱ng iya aBulus tá fe̱ nye katsak'e.

1 aTasalonika 5:20

Sang tu zhe̱e̱sh yin rife̱ kuzarap baꞌ.

2 aTasalonika 2:2

sang tu te yin titak, ka aye̱ yin tu dorok baꞌ. Kunom kube̱ Agwo̱m Ágwo̱m n nye baꞌ. Kashim akak fe̱ anong nizen iya yir tá se yir be kunye kuzarap ka izen iya yir tá se yir be kutaas rife̱ Adakunom'me ka kaye̱e̱r i zibir yir ayi, ye kunom kube̱ Agwo̱m Ágwo̱m n nye.

1 aYohana 2:7

Aro̱, ike̱ng mi ta sen ka zibir yin'e na nye itsi ifas baꞌ i nye iya Adakunom tá tsang a fe̱ be yin, iya yin tá fok yin kum ni ime̱se̱ng'e. Itsi na nye rife̱ Adakunom riya yin tá kun fok yin.

3 aYohana 1:11

Are̱, wan aya mi ta shim, sang tu kuus ike̱re̱ iya i ta nye imaan'e baꞌ, kuus iya i ta nye itek. Koangan a ta nye ike̱ng i ta se gye̱r tonong ye wu nye igon Adakunom. Amma aner a ta nye amaan ike̱re̱ tonong ye sang wu ren Adakunom baꞌ.