1 aYohana 3:6 - Izere New Testament

⁶ Aner akak kuse a ta se kaye̱e̱r aYeso ne a bun a yiir inye rine̱n baꞌ. Aner akak kuse a ta yiir nye rine̱n, ne a fe̱ ye wu ren aYeso ka wu kun ku di aYeso baꞌ.

1 aYohana 3:6 Referans Kwoze

3 aYohana 1:11

Are̱, wan aya mi ta shim, sang tu kuus ike̱re̱ iya i ta nye imaan'e baꞌ, kuus iya i ta nye itek. Koangan a ta nye ike̱ng i ta se gye̱r tonong ye wu nye igon Adakunom. Amma aner a ta nye amaan ike̱re̱ tonong ye sang wu ren Adakunom baꞌ.

1 aYohana 3:9

Akak kuse a ta nye igon Adakunom ne a bun a yiir nye rine̱n baꞌ, kamok kuse Adakunom kuse kaye̱e̱r wu. A ta bun a ya kasho̱o̱n be rine̱n baꞌ, kamok a nye igon Adakunom.

1 aYohana 2:4

Ke akak fe̱ ye wu ren Adakunom a ra nye ike̱re̱ iya Adakunom'me tá fe̱ ye a ra nye baꞌ, i nye ye a be abo̱o̱s, katsak kuse riye̱ wu baꞌ.

1 aYohana 4:8

Koangan afe a ta shim ánerawe baꞌ, a ren Adakunom baꞌ kamok Adakunom nye kushim.

1 aYohana 3:2

Aro̱, kyo̱o̱rna yir nye yir inoon Adakunom. Yir ren yir ike̱ng yir tana te yir nasho̱o̱n baꞌ. Amma yir ren yir ye izen iya aYeso tana bun a be̱, yir tà te yir kyo̱ndi wu ne i di yir kuse wu.

1 aYohana 5:18

Yir ren yir ye koangan afe a ta nye igon Adakunom ta ya kasho̱o̱n be kunye rine̱n baꞌ, kamok aYeso aya a ta nye Igon Adakunom tà fek aner'e. Ishetan ta kyem a ku nye ike̱ng ikak baꞌ.

2 aKoranti 4:6

Kamok Adakunom fe̱ ye, “Won akanang tu ya kaye̱e̱r awhi.” Wu ne a sak akanang'e ta sam kaye̱e̱r aye̱ yir, nong a ta sam kaye̱e̱r ánerawe nasho̱o̱n nong a ta ren kuyiik Adakunom nanyisi aKiristi.

1 aYohana 2:28

Kyo̱o̱rna inoon'i, yin aya mi ta shim, sor yin kaye̱e̱r aYeso nong ase̱ izen iya a tana bun a be̱, yir ta fok yir inyim ka isum nasho̱o̱n wu baꞌ.

2 aKoranti 3:18

Yir áfe sang a ta kis anyisi yir baꞌ, yir tosong yir kuyiik Agwo̱m Ágwo̱m yir kyo̱ndi amadobi, ne a ni shishing yir nong ta te yir kyo̱ndi wu, kuyiik natoon kuyiik kuya ku ta nes nufe Agwo̱m Ágwo̱m a ta nye Kabik.

1 aYohana 2:3

Ke yir nye yir ike̱re̱ Adakunom tá fe̱ ye i ra nye yir, iyong ne i ta tonong ye koangan yir ren Adakunom.