1 aYohana 3:5 - Izere New Testament

⁵ Amma yin ren yin ye ike̱ng i tá sak aYeso tá be̱ nye, nong a ta sok rine̱n yir. A nye rine̱n baꞌ.

1 aYohana 3:5 Referans Kwoze

2 aKoranti 5:21

Adakunom sak wu aya a tá be rine̱n baꞌ, a tá te afe rine̱n, kamok yir nong ase̱ kaye̱e̱r aKiristi yir ta se̱ yir kuse gye̱r nasho̱o̱n Adakunom.

Ibrani 9:28

anong ne a no̱o̱k aKiristi kutak kuzining gip nong a tá sor asidaka kusok rine̱n ánerawe whe̱re̱. A tà bun a be̱ ife afa nong a tà shesh áya a ta sen ku tor, sang kamok nong a tà sok rine̱n baba baꞌ.

1 aBitrus 3:18

Kamok aKiristi so̱ risam ma a ku kamok rine̱n yir cice̱r kutak kuzining tsek, wu nye azhe̱l'e, amma a ku kamok áya sang á ta nye azhe̱l'e baꞌ nong a tà tseng be yir nufe Adakunom. A tú fe̱r nuro̱m amma Adakunom tú sak a dorok kaye̱e̱r kabik be kutser.

1 aBitrus 2:24

A sok rine̱n yir nuro̱m wu be rice wu, nizen a tú ku tigak nukon nong ase̱ a tin kam yir be rine̱n ne i sor yir kusor kuzhe̱l'e. Yin n te yin atser kamok ifor wu.

Ibrani 9:26

A fa fe̱ ye aKiristi nye anong, ke an so̱ risam ne a toos'e kum nizen iya a tá nye kazatse. A be̱ kutak kuzining tsek nigang'e na, a tá no̱o̱k rice wu asidaka kamok rine̱n yir.

aYohana 1:29

Katuk afe afa aYohana di aYeso saase nufu, yong a fe̱ ye, “Di yin, Aturuk Adakunom, aya a tan n sok rine̱n kazatse!

Ike̱ng a ta tonong aYohana 1:5

aYeso Kiristi, aya a ta tonong ike̱re̱ na kaye̱e̱r katsak se mak be yin. Wu ne a ta nye ime̱se̱ng'e kaye̱e̱r aya á ta dorok nure̱k be kutser, ne a ninye rigwo̱m natoon ágwo̱m kazatse cice̱r a ti tonong yir kushim, a tá nyosong naso̱k wu nong a tin shesh yir kaye̱e̱r rine̱n yir.

1 aYohana 1:7

Amma ke yir tseng yir na akanang kyo̱ndi Adakunom ta nye akanang, ne i gung yir rice be koangan afikuus, ne naso̱k Igon wu aYeso ni kusu yir rine̱n yir nong tà te yir zhe̱l.

1 aYohana 1:2

Wu ne a nye aya a ta nyesek kutser, a be̱ nufe ánerawe, yir tú ku di yir. Kamok anong yir sen ka taas yin rife̱ na natoon wu aya a ta nyesek kutser kufe izen izen. A se mak be Adakunom a ta nye Ada'me, amma Adakunom sak yir tú ku di yir.

aTitus 2:14

aYeso ne no̱o̱k rice wu nong a tin sheshek yir kaye̱e̱r amaan kunye yir ne a ni kusu yir nong tá sor yir áfu ne i shim kunye yir ike̱ng iya i ta nye itek.

1 aBitrus 2:22

“Wu kun nye rine̱n ike̱ng ikak baꞌ. A kun fok abo̱o̱s nanu wu baꞌ.”

Ibrani 1:3

Igon'e ne ka nye akanang kuyiik Adakunom, a tas Adakunom kyo̱o̱n. A yiir koakye ike̱ng be kukyem rife̱ wu. Nama a tá sak yir ta te yir zhe̱l kaye̱e̱r rine̱n yir, yong a sonong nubo̱k riya Aya a ta nye a yiik'e kaye̱e̱r kaza.

1 aTimoti 1:15

Rife̱ a tá fe̱ ye, “aYeso Kiristi be̱ kaye̱e̱r kazatse nong a ta shesh áfe rine̱n,” ri nye katsak ne ri nye ike̱ng kushan cice̱r kamok kaye̱e̱r áfe rine̱n cice̱r mi ne i nar'e.

aMatiyu 1:21

A tà tes igon, wan tù ku te riyerek ye aYeso, kamok wu ne a tà shesh ánerawe kaye̱e̱r rine̱n ba.”

1 aYohana 2:1

Inoon'i, yin aya mi ta shim, mi tá zibir yin ike̱re̱ na fan yin bu nye yin rine̱n. Amma ke akak yin bun a nye rine̱n, Adakunom tu ku re̱ng'e kamok yir be yir akak a tana nyeseng rice yir nasho̱o̱n Adakunom a ta nye Ada'me. Wu ne a nye aYeso Kiristi aya a ta se zhe̱l nasho̱o̱n Adakunom.

1 aBitrus 1:20

Wu ne Adakunom tsang a ku kasa nizham a ta ra nye kazatse, amma kamok yin ne a tu tonong nizen igang'e na.

Ibrani 4:15

Agbang atsi aya yir ta be yir nye aya a ta ro̱ riye̱ yir kaye̱e̱r kuraar yir. A tú bo̱mo̱ng kaye̱e̱r koakye iren kyo̱ndi yir, gip be anong a nye rine̱n baꞌ.

Ibrani 7:26

Atsi kuri ayong ne a tin re̱ng yir rine̱n yir. A se zhe̱l dar rine̱n, a be narik baꞌ, a tú kam ze̱e̱r be áfe rine̱n, a tú ku tiyiik a ta tseng kaye̱e̱r kaza.

1 aTimoti 3:16

Akak ta kyem a fe̱ kuri kuyiik ku ta se nune̱re̱ng kaye̱e̱r iren ikuus yir na baꞌ. A tonong rice wu kaye̱e̱r kuro̱m, Kabik ti tonong yir ye a nye afe katsak. Ámaleka tú ku di, á fe̱ itak wu nasho̱o̱n ánerawe ze̱r ze̱r, á ti no̱o̱k katsak ni wu kaye̱e̱r kazatse cice̱r, a tu ku sok a ta tseng'e kaye̱e̱r kaza be kuyiik.

aYohana 14:30

Mi tà ba fe̱ rife̱ be yin dide̱ng baꞌ, kamok aner aya a tin nye rigwo̱m nazatse na saase, amma a tin be kubo̱k ni baꞌ.

aYohana 8:46

Angan kaye̱e̱r yin ta kyem a fe̱ ye mi kun nye rine̱n e̱? Ke i nye ye mi ta taas yin katsak, to̱, akye̱ sak yin ti no̱o̱k yin katsak rife̱ mi baꞌ e̱?

aYohana 1:31

Mi tsang i tú ren gbugbang baꞌ, amma mi be̱ be kunye abatisma be ashi nong ta sak áner Isarela tu ku ren.”

aLuka 23:47

Izen iya aritek ásozha'me akak tá fa di anong yong a kerek Adakunom, ne a fe̱ ye, “Katsak'e aner na nye azhe̱l'e.”

aLuka 23:41

Risam a tin no̱o̱k yir se gye̱r, kamok kunye yir nye kumaan'e, aner na nye rine̱n ike̱ng ikak baꞌ.”

1 aBitrus 1:18

Kamok yin ren yin ye a tá ka shesh yin kaye̱e̱r akpe̱de̱ng igo̱o̱n iya átukop yin tá ka won yin'e. A tá ka shesh yin be ike̱re̱ iya i tana beseng kyo̱ndi azurfa be izinariya baꞌ.

1 aYohana 2:2

Wu ne a nye asidaka kure̱ng rine̱n yir. Kamok yir tsek baꞌ, amma ánerawe kazatse cei.

1 aYohana 2:29

Ke yin ren yin aYeso nye azhe̱l'e. To̱, yin ta ren yin ye koangan a ta nye ike̱re̱ i ta se gye̱r nasho̱o̱n Adakunom gip a tà sor igon Adakunom nabik.

1 aYohana 3:8

Amma aya a ta yiir nye rine̱n nye afe Ishetan kamok Ishetan n me̱ ne a nye rine̱n kum ni ime̱se̱ng'e. Iyu ne i sak Igon Adakunom'me tá be̱ nong a tà yirik ike̱re̱ Ishetan'e tá nye cei.