1 aYohana 3:3 - Izere New Testament

³ Kamok anong, koangan a tin te riye̱ wu ye wu ta se kyo̱ndi aYeso ne a won kunye rine̱n nong a ta sor zhe̱l kyo̱ndi aYeso'me.

1 aYohana 3:3 Referans Kwoze

2 aKoranti 7:1

Ároneng afe riye̱ mi, kum yir tan se̱ yir rife̱ Adakunom anong. Kamok anong, won i tu kam yir be ike̱ng i tana sak kuro̱m yir ne kabik yir tana won dar se zhe̱l, won i tu sor yir zhe̱l dar rizik kamok inyim Adakunom.

1 aYohana 2:6

Aner aya a ta fe̱ ye wu sor kaye̱e̱r Adakunom ta sor kyo̱ndi aYeso tá sor dim.

2 aBitrus 3:14

Kamok anong, ároneng áfe riye̱ mi, kum yin ta sen tor yin Kunom'ong, to̱ nye yin koakye ike̱ng iya yin tana kyem i nye yin nong ta sor yin nasho̱o̱n Adakunom dar rizik ka rine̱n ayi. Sor yin nasho̱o̱n wu caang.

aMatiyu 5:48

Kamok anong, shining yin, kyo̱ndi Ada yin afe a ta se kaye̱e̱r kaza ta shining.

Ibrani 12:14

Nye yin koakye ike̱ng yin tana kyem a nye yin nong ta sor yin caang be ánerawe cice̱r ne i sor yin zhe̱l kamok aner akak ta kyem a di Agwo̱m Ágwo̱m baꞌ, sang ke a se zhe̱l baꞌ.

Ibrani 7:26

Atsi kuri ayong ne a tin re̱ng yir rine̱n yir. A se zhe̱l dar rine̱n, a be narik baꞌ, a tú kam ze̱e̱r be áfe rine̱n, a tú ku tiyiik a ta tseng kaye̱e̱r kaza.

aKolosi 1:5

Yin nye yin anong kamok yin min te yin riye̱ natoon ike̱re̱ itek iya a ta ma ka sak yin'e kaye̱e̱r kaza. Iyuna ne i nye itak katsak iya a tá ka tak yin kum ni ime̱se̱ng'e, Rife̱ Ritek, a tá ka tak yin ame.

Itomong Ámanzo 15:9

Sang Adakunom ti tonong ye yir áner aYahuda se yir ze̱e̱r be ba baꞌ, a sak aye̱ ba te zhe̱l kamok ba ti no̱o̱k katsak.

aTitus 3:7

A nye anong, nong ase̱ kamok ritek wu yir ta se̱ yir ku te zhe̱l nasho̱o̱n Adakunom ne i te yir áya a tana ya kutse kutser kufe izen izen kuya yir ta min te yir riye̱.

2 aBitrus 1:4

Kamok ike̱re̱ iyong ne wu ti no̱o̱k yir ágbang ike̱re̱ i ta be kuyiik dide̱ng iya wu tá tsang a fe̱ ye wu tin no̱o̱k yir, nong ta gung yir rice be kuri kuse Adakunom nong ta wher yir amaan kuse kazatse na ku ta be̱s'e kaye̱e̱r aye̱ yir.

aLuka 6:36

Be yin kuro̱ riye̱ kyo̱ndi Ada yin ta be kuro̱ riye̱.

1 aYohana 4:17

Be anong ne kushim yir tà shining kaye̱e̱r aye̱ yir nong ase̱ tà se yir dar inyim nasho̱o̱n Adakunom katuk wu tana to̱ kazatse amok. Kamok yir se yir kyo̱ndi wu nazatse na.

Ibrani 6:18

Adakunom nye anong kaye̱e̱r ike̱ng ifa a tana shishing'e baꞌ, iya Adakunom tanin bo̱ abo̱o̱s baꞌ. Yir áfe i ta te yir gbashak i ta shan yir ike̱ng iya i tá min te yir riye̱ ta tsesek yir. In yiir yir ike̱ng iya i tá min te yir riye̱ be agap ma aye̱ yir n kpa nafa.

2 aTasalonika 2:16

To̱, won Agwo̱m Ágwo̱m yir aYeso Kiristi be rice wu ne Ada Adakunom yir, aya a tin shim yir, ne a bun a ni no̱o̱k yir kutsesek dar gang, ne ku te riye̱ kutek kamok ritek wu,

aRom 15:12

Ishaya bun a fe̱ gbak ye, “Akak kaye̱e̱r kuri aZhese ta wuruk, a ta dorok a tin nye rigwo̱m natoon áya sang á ta nye áner aYahuda baꞌ, ne áya sang á ta nye áner aYahuda baꞌ, tin te riye̱ ni wu.”

aYohana 17:19

Kamok ba ne mi no̱o̱k rice mi zhe̱l nong ase̱ ba gip ta se̱ kute zhe̱l kufe katsak.

aYakub 4:8

Be̱ yin bubarak be Adakunom nong wu ta be̱ bubarak be yin, kusu yin ibo̱k yin, yin áfe rine̱n, nye yin aye̱ yin tu te jel, yin áfe agak aye̱.

1 aBitrus 1:3

Nakerek nye nafe Adakunom ne a nye Ada Agwo̱m Ágwo̱m yir aYeso Kiristi, wu ne a ro̱ riye̱ yir dide̱ng a ta bun a ti dorok yir be riku aYeso Kiristi nure̱k kute riye̱ kufe katsak kamok kudorok aKiristi nure̱k.

1 aBitrus 1:15

Amma wu Adakunom afa a tá ka yis yin se zhe̱l, yin gip ma sor yin zhe̱l kaye̱e̱r koakye.