1 aYohana 3:12 - Izere New Testament

¹² I tuse yir kyo̱ndi aKayinu baꞌ. A tá nye afe Ishetan ma a fe̱r aronyining wu. Akye̱ sak a tá fe̱r aronyining e̱? Kamok kunye wu nye kumaan'e ne kufe aronyining se gye̱r nasho̱o̱n Adakunom.

1 aYohana 3:12 Referans Kwoze

Ibrani 11:4

Natoon kuno̱o̱k katsak ne aHabila ti nye Adakunom asidaka afe a tá nar afe aKayinu. Be anong ne a se̱ kushim Adakunom ye wu nye aner atek nasho̱o̱n Adakunom kamok a shan asidaka wu. aHabila n ku, amma kamok kuno̱o̱k katsak wu a ru fe̱ kanu ma kyo̱o̱rna.

aZhud 1:11

Awo̱ be ba! Á sok kuse aKayinu. Kamok ba tá tse̱r ishorong zizirik á wor á kuus kuri rine̱n riya aBalam tá nye kamok kushim itso̱m. A ta ka fe̱s ba kyo̱ndi a tá fe̱r aKora kamok kushonong.

aLuka 11:51

kum nizen a tá fe̱r aHabila ma nizen aZakariya, aya a tá fe̱r natite abagadi ne karo̱ azhe̱l'e. Katsak'e ne mi tá ka tak yin, á tà to̱ áner izam iyu amok kamok ba cei.”

aMatiyu 23:35

Kamok anong, natoon ace yin ne a tà tse̱r naso̱k aner aya a ta se zhe̱l nasho̱o̱n Adakunom cei, áfe yin tú ku fe̱s yin ba kaye̱e̱r kazatse kum be aHabila aner azhe̱l'e nasho̱o̱n Adakunom ma nizen aZakariya igon aBerikiya, aya yin tá fe̱r yin natite agbang kutu kuya Adakunom iben be karo̱ kunye asidaka.

1 aBitrus 4:4

Ike̱ng'e tá no̱o̱k ba azhing, ba ta di sang yin tá ba gung yin rice be ba nong ta nye yin akpe̱rde̱k kunye'ong be ba baꞌ. Iyong á ma ka barak yin ritok makong.

Ibrani 12:24

Yin n be̱ yin nufe aYeso a ta igaas kushu kufas, ne nufe naso̱k a ta mis na ta be ritek ne na nar naso̱k aHabila.

1 aYohana 3:8

Amma aya a ta yiir nye rine̱n nye afe Ishetan kamok Ishetan n me̱ ne a nye rine̱n kum ni ime̱se̱ng'e. Iyu ne i sak Igon Adakunom'me tá be̱ nong a tà yirik ike̱re̱ Ishetan'e tá nye cei.

Itomong Ámanzo 7:52

Aner Kuzarap anyaka ne átukop yin won dar a ku nyeen e̱? Átukop yin fe̱s aner aya a tá zarap kube̱ Azhe̱l'e. Kyo̱o̱rna yin mu ku fe̱r yin.

aYohana 10:32

Iyong aYeso fe̱ be ba ye, “Mi ma ka tonong yin itomong azhing dide̱ng i tá ne nufe Ada, kamok anong, inyaka ne yin shim tin barak yin mo e̱?”

aMatiyu 27:23

Ne aBilatus fe̱ ye, “Kamok akye̱ e̱? A nye rine̱n akye̱ e̱?” Ánerawe bun a te barang kutasak ingya ye, “A ku tigak.”

aMatiyu 13:38

Riko̱'me nye kazatse, ne izha itek'e sor inoon rigwo̱m Adakunom. Agam'me nye inoon amaan aner'e.

aMatiyu 13:19

Ke anerawe fok rife̱ natoon rigwo̱m kaza, a ra ren ike̱ng iya i ta sor baꞌ. Amaan aner'e be̱ nong a ta turung ike̱ng iya a tan tuus kaye̱e̱r riye̱ aner'e. Ayong ne a nye íca'me iya i ta kpas niren.

Ike̱ng a ta tonong aYohana 17:6

Mi di abining'e tan feng be naso̱k áfikuus ázhe̱l'e wu tan so̱, ne nafe áner á ta no̱o̱k asheda natoon aYeso. Nizen iya mi tú ku di mi fok azhing dide̱ng.

1 aTasalonika 2:14

Ároneng, kamok yin te yin ike̱ng kumaas nufe ánerawe, ikilisiya Adakunom niben aYahudiya kaye̱e̱r aYeso Kiristi, yin n so̱ yin risam nubo̱k áner iben yin, kyo̱ndi ba tá so̱ risam nubo̱k áronyining ba áner aYahuda.

aMatiyu 5:37

Ike̱ng iya yin tana fe̱ yin tsek nye, ‘Ei’ ka ‘Wayo’ ayi. Koakye i ta bun i nar anong ne nufe Amaan aner.

aYohana 8:40

Mi nye aner aya mi ta fe̱ katsak kaya mi tá fok nufe Adakunom. amma yin shim tin fe̱r yin. To̱, Ibrahim'me nye ike̱re̱ kuri iyong baꞌ.

aYohana 8:41

Kamok anong, yin nye yin ike̱re̱ iya ada yin ta nye.” Amma áner aYahuda fe̱ ye, “Yir nye yir inoon rikuna baꞌ. Adakunom ne a nye Ada yir, wu wu ze̱r ne yir be yir.”