1 aYohana 3:11 - Izere New Testament

¹¹ Rife̱ yir tá fok yir kum ni ime̱se̱ng'e se ye i ra naka shim yir.

1 aYohana 3:11 Referans Kwoze

aYohana 15:12

Itsi mi se ye: Naka shim yin kyo̱ndi mi tá ka shim yin.

2 aYohana 1:5

Kamok anong angasneng, sang natoon itsi ifas ne mi sen ka zibir'e baꞌ, amma iya yir tá fok yir kum ni ime̱se̱ng'e. Mi shim ta ka tak ye i ra naka shim yir.

1 aYohana 4:7

Aro̱, yin aya mi ta shim, won i tu naka shim yir, kamok kushim ne nufe Adakunom. Koangan afe a ta shim ánerawe nye igon Adakunom ne a ren Adakunom.

1 aYohana 4:21

Adakunom fe̱ be yir ye, koangan afe a tu ku shim ra shim áronyining wu dim gip.

1 aBitrus 4:8

Ike̱ng iya i ta nye igbang'e cice̱r nye, naka shim yin dide̱ng, kamok kushim be̱e̱n kure̱ng rine̱n whe̱re̱.

1 aBitrus 3:8

Ni igang'e, won yin cice̱r kuto̱ro̱ng yin tu se kuzining. Be yin kuro̱ riye̱ ne i naka shim yin kyo̱ndi aner be aronyining, ne i se yin gye̱r ne i mees yin rice yin.

Afisa 5:2

Sor yin kusor ku naka shim kyo̱ndi aKiristi tin shim yir, a tá no̱o̱k rice wu kamok yir, kyo̱ndi asidaka aya a ta be iko̱o̱n itek, aya a ta nye kamok Adakunom.

1 aYohana 1:5

Rife̱ yir tá fok yir nufu ne yir sen ka taas yin ye; Adakunom nye akanang, awhi kuse kaye̱e̱r wu, ko cie̱k baꞌ.

1 aTasalonika 4:9

Kyo̱o̱rna, natoon kushim áronyining yin áfikuus, yir be yir ike̱ng ikak i tana ka zibir yin'e natoon iyong baꞌ, kamok yin be rice yin, Adakunom ne a tá ka bo̱so̱p yin'e ye yin ra naka shim yin.

1 aBitrus 1:22

Kyo̱o̱rna yin tan sak yin rice yin nong i tá te yin zhe̱l kamok yin tá kuus yin rife̱ Adakunom, shim yin áronyining yin be riye̱ rizining, naka shim yin anong be katsak.

1 aTimoti 1:5

Ike̱ng i ta sak mi ta fe̱ anong be agbang kuto̱ se ye nong áfikuus tà shim ánerawe be kushim kuri kuya ku ta ne kaye̱e̱r riye̱ rizhe̱l'e ne riye̱ rizining be kuno̱o̱k katsak kufe katsak baꞌ.

aGalati 6:2

Naka tobok yin kaye̱e̱r risam yin, be anong ne yin ta shining yin ike̱ng iya Itsi aKiristi ta fe̱.

aYohana 13:4

Nizen iya ba tá se be iya naya'me, aYeso dorok a tá tun kukpiin wu kufe katoon'e, ne a rosom atawul nutin wu.

1 aYohana 4:11

Aro̱, yin aya mi ta shim, kum Adakunom tin tonong yir kushim wu dide̱ng ana, i tá ma se gye̱r ke yir ma naka shim yir gip.