1 aYohana 3:10 - Izere New Testament

¹⁰ Ana ne yir tà ren yir áya a ta nye inoon Adakunom be inoon Ishetan. Koangan afe a ta nye ike̱ng i ta se gye̱r baꞌ, ka aya a ta shim aronyining wu afikuus baꞌ, a nye igon Adakunom baꞌ.

1 aYohana 3:10 Referans Kwoze

1 aYohana 4:8

Koangan afe a ta shim ánerawe baꞌ, a ren Adakunom baꞌ kamok Adakunom nye kushim.

3 aYohana 1:11

Are̱, wan aya mi ta shim, sang tu kuus ike̱re̱ iya i ta nye imaan'e baꞌ, kuus iya i ta nye itek. Koangan a ta nye ike̱ng i ta se gye̱r tonong ye wu nye igon Adakunom. Amma aner a ta nye amaan ike̱re̱ tonong ye sang wu ren Adakunom baꞌ.

1 aYohana 4:21

Adakunom fe̱ be yir ye, koangan afe a tu ku shim ra shim áronyining wu dim gip.

aYohana 8:44

Yin nye yin áfe ada yin, Ishetan. Kamok anong, yin shim tà nye yin ike̱ng iya wu tá shim. Wu nye aner kufe̱s ánerawe kum ni ime̱se̱ng'e. A shim katsak baꞌ, kamok a be katsak'e baꞌ. Izen iya ne a bo̱ naborok, a fe̱ ike̱ng ife i ta nye igo̱o̱n wu, kamok wu nye aner abo̱o̱s, ne a nye ada áfe abo̱o̱s.

aMatiyu 13:38

Riko̱'me nye kazatse, ne izha itek'e sor inoon rigwo̱m Adakunom. Agam'me nye inoon amaan aner'e.

aYohana 8:47

Aya a ta nye afe Adakunom foos ike̱ng iya Adakunom ta fe̱. Yin wesek yin kuto baꞌ, kamok yin nye yin áfe Adakunom baꞌ.”

aLuka 6:35

Shim yin ámudo̱n yin ingya, ku tonong yin ba ritek. Ku nyesek yin ba iko̱p dar ku ni te riye̱ ye á tà ka karang yin, nong ishorong yin tà se whe̱r, ne i te yin inoon Ada Adakunom ayiik'e, kamok wu se gye̱r be áfe a ta won dar á tonong riye̱ rikan ba, ne áya a ta nye imaan'e.

1 aYohana 4:6

Amma yir, yir nye yir áfe Adakunom, koangan afe a ta nye afe Adakunom ti fok yir. Aya a ta nye afe Adakunom baꞌ, ti fok yir baꞌ. Anong ne yir kyem i ren yir Kabik kafe ka ta be katsak ne kafe abo̱o̱s.

Afisa 5:1

Kamok anong, kum yin ta nye yin inoon na áya Adakunom ta shim, to̱, kuus yin ane̱e̱ Adakunom.

1 aYohana 5:2

Ana ne yir ren yir ye yir shim yir inoon Adakunom, ke yir shim yir Adakunom ne yir bun i nye yir ike̱re̱ wu ta fe̱ ye i ra nye yir.

1 aYohana 2:29

Ke yin ren yin aYeso nye azhe̱l'e. To̱, yin ta ren yin ye koangan a ta nye ike̱re̱ i ta se gye̱r nasho̱o̱n Adakunom gip a tà sor igon Adakunom nabik.

Itomong Ámanzo 13:10

“Wan nye igon Ishetan, wan shim ike̱ng iya i ta nye itek nigaan'e baꞌ. Wan mak i shim kuwo̱ro̱k ánerawe nong ta ka mo̱o̱r ba. Wan ta won kuburuk katsak rife̱ Adakunom aꞌa?

1 aYohana 5:19

Yir ren yir ye yir nye yir inoon Adakunom ne Ishetan ninye rigwo̱m nazatse na.

aYohana 1:12

Amma cice̱r áfe a tú ku shan ne á ni no̱o̱k katsak riyerek wu, a tá no̱o̱k ba iren kute inoon Adakunom.

aYohana 11:52

Sang kamok áner aYahuda tsek baꞌ, amma nong a tà tusung áner Adakunom aya a tá te shaam tà te azining.

aRom 13:8

Sang tu yiir yin ike̱ng akak baꞌ, amma yiir naka shim yin inga kamok aner aya a ta shim afudang shining ike̱ng iya Itsi ta fe̱.

aKolosi 3:14

Natoon ike̱re̱'ong, nibarang yin kushim iyong ne i gung ike̱re̱'me cice̱r kaye̱e̱r kugung rice kutek.

1 aTimoti 1:5

Ike̱ng i ta sak mi ta fe̱ anong be agbang kuto̱ se ye nong áfikuus tà shim ánerawe be kushim kuri kuya ku ta ne kaye̱e̱r riye̱ rizhe̱l'e ne riye̱ rizining be kuno̱o̱k katsak kufe katsak baꞌ.

1 aYohana 3:1

Ye̱re̱k yin ta di yin kuri kushim Adakunom tin shim yir ma a ti yis yir ye inoon wu. Ike̱ng yir ta nye yir'ong! Kazatse ti ren yir baꞌ, kamok ba tu ren baꞌ.

1 aYohana 3:2

Aro̱, kyo̱o̱rna yir nye yir inoon Adakunom. Yir ren yir ike̱ng yir tana te yir nasho̱o̱n baꞌ. Amma yir ren yir ye izen iya aYeso tana bun a be̱, yir tà te yir kyo̱ndi wu ne i di yir kuse wu.