1 aYohana 2:5 - Izere New Testament

⁵ Amma koangan ne a nye ike̱re̱ iya Adakunom'me tá fe̱, i nye ye a shim Adakunom be katsak riye̱ wu. Be anong ne yir ta ren yir ye yir sor yir kaye̱e̱r Adakunom.

1 aYohana 2:5 Referans Kwoze

aYohana 14:23

aYeso fe̱ be wu ye, “Koangan afe a tin shim a tà kuus ike̱ng iya mi tá bo̱so̱p. Ada mi tù ku shim, ne yir be yir nufu ne i sor yir mak be wu.

aYohana 14:21

Koangan afe a tá fok rife̱ mi ne a kuus, wu ne a tin shim. Aner aya a tin shim, Ada mi tu ku shim, mi gip mi tù ku shim ne i tonong rice mi nufu.”

aLuka 11:28

Amma aYeso fe̱ be wu ye, “Wayo, aner a ta be riye̱ rikan nye aner a tá fok rife̱ Adakunom ne a ninye itomong.”

1 aYohana 3:24

Koangan afe a ta kuus ike̱ng iya itsi Adakunom tá fe̱ a se kaye̱e̱r Adakunom'me ne Adakunom se kaye̱e̱r wu. Yir ren yir ye Adakunom se mak be yir be Kabik Kazhe̱l'e a tin no̱o̱k yir.

Ike̱ng a ta tonong aYohana 14:12

Kamok anong, ázhe̱l'e áya a tá kuus itsi Adakunom ra naka tsesek ne a yir rife̱ aYeso be agap.

1 aYohana 5:2

Ana ne yir ren yir ye yir shim yir inoon Adakunom, ke yir shim yir Adakunom ne yir bun i nye yir ike̱re̱ wu ta fe̱ ye i ra nye yir.

aYohana 15:5

“Mi ne i nye ritin kakon anap'e, yin nye yin íwhang'e. Aner aya a sor kaye̱e̱r'i ne mi ma se kaye̱e̱r wu, wu ne a tà tes dide̱ng. Kamok sang ke be mi baꞌ, yin tà kyem i nye yin ike̱ng ikak baꞌ.

1 aYohana 4:18

Ke kushim kuse inyim tu kuse baꞌ, kamok kushim katsak tu ro inyim. Aner aya a ta fok inyim to̱ ye a tu ku to̱ amok. Aner aya a ta fok inyim be kushim kufe katsak baꞌ.

2 aKoranti 5:17

Kamok anong, koangan afe a ta se kaye̱e̱r aKiristi, a te kunye kufas, ike̱re̱ izen cice̱r titei, koakye te ifas.

Ike̱ng a ta tonong aYohana 12:17

Iyong riye̱ Kuwhen ame ti barang kubeseng be abining'e dide̱ng, iyong a tseng a ta se ko̱n itsom be ribir afe iri abining'e áya a ta kuus Itsi Adakunom ne á yiir itak natoon aYeso.

1 aYohana 5:20

Yir ren yir gip ye Igon Adakunom m be̱ nong a tin no̱o̱k yir kuren ike̱ng nong ta ren yir aya a ta nye katsak. Yir se yir kaye̱e̱r Adakunom a ta nye katsak, kamok yir se yir kaye̱e̱r Igon wu aYeso Kiristi. Wu ne a nye Adakunom afe katsak ne a nye kutser kufe izen izen.

1 aKoranti 1:30

Kamok wu ne yin se yin kaye̱e̱r aYeso Kiristi aya a ta sor kukyem Adakunom nufe yir, wu ne a ti sak yir i ta se yir gye̱r, ne i se yir zhe̱l, ne i se̱ yir kashesh.

aRom 8:1

Kamok anong, amok bu kuse natoon áya a ta se kaye̱e̱r aYeso Kiristi baꞌ.

aYakub 2:22

yin di yin kuno̱o̱k katsak wu, be itomong wu, ta tseng mak, ne kuno̱o̱k katsak wu shining be ikeng iya wu ta nye.

2 aKoranti 5:21

Adakunom sak wu aya a tá be rine̱n baꞌ, a tá te afe rine̱n, kamok yir nong ase̱ kaye̱e̱r aKiristi yir ta se̱ yir kuse gye̱r nasho̱o̱n Adakunom.

aYohana 6:56

Koangan afe a ta ya rinam kuro̱m mi ne a so̱ naso̱k'i, ne a sor kaye̱e̱r'e ne mi sor kaye̱e̱r wu.

1 aYohana 4:17

Be anong ne kushim yir tà shining kaye̱e̱r aye̱ yir nong ase̱ tà se yir dar inyim nasho̱o̱n Adakunom katuk wu tana to̱ kazatse amok. Kamok yir se yir kyo̱ndi wu nazatse na.

2 aYohana 1:6

Kushim kufe katsak nye kunye ike̱ng iya Adakunom tá fe̱ ye i ra nye yir. Kyo̱ndi yin tá fok yin Adakunom tá fe̱ kum ni ime̱se̱ng'e, ye i ra yiir naka shim yir.