1 aYohana 2:12 - Izere New Testament

¹² Mi ta zibir yin'e, aya i ta ru nye yin inoon nabik kamok a ma ka re̱ng yin rine̱n yin, kaye̱e̱r riyerek aYeso.

1 aYohana 2:12 Referans Kwoze

Itomong Ámanzo 10:43

Áner kuzarap cice̱r taas rife̱ natoon wu ye, koangan aya a tin no̱o̱k katsak ni wu a tu ku re̱ng rine̱n kaye̱e̱r riyerek wu.”

Itomong Ámanzo 13:38

“Kamok anong ároneng, mi shim ke yin ren yin ye ike̱ng iya aYeso ta nye ne i sak a ta taas yin itak kure̱ng rine̱n.

Afisa 1:7

Kamok wu Adakunom ti sheshek yir be kunyosong naso̱k aYeso, ne yir se̱ yir kure̱ng rine̱n. A nye anong kamok agbang ritek wu,

Itomong Ámanzo 4:12

“A se̱ kashesh nufe akak ze̱e̱r baꞌ, kamok riyerek rikak kuse ze̱e̱r a tá no̱o̱k anerawe natoon kaza nong a tin se̱ kashesh baꞌ.”

aKolosi 1:14

Kamok wu ne yir tin se̱ yir kashesh a tin re̱ng yir rine̱n yir.

1 aYohana 1:7

Amma ke yir tseng yir na akanang kyo̱ndi Adakunom ta nye akanang, ne i gung yir rice be koangan afikuus, ne naso̱k Igon wu aYeso ni kusu yir rine̱n yir nong tà te yir zhe̱l.

1 aYohana 1:4

Yir tá zibir yin kufumung na nong ase̱ riye̱ rikan yir tà shining mumak dide̱ng.

aLuka 24:47

A ta taas ánerawe ninaro̱ ze̱r ze̱r itak natoon kushishing kuse be kure̱ng rine̱n kaye̱e̱r riyerek wu, A ta san'e na aUshalima.

aLuka 5:20

aYeso tá fa di kuno̱o̱k katsak ba, yong a fe̱ ye, “Are̱, a ma ka re̱ng rine̱n wan.”

1 aYohana 2:21

Sang mi ta zibir yin'e ye kamok yin ta dun yin katsak'e baꞌ, hiir, amma kamok yin ta ren yin katsak'e ne i bun i ren yin ye a gung abo̱o̱s be katsak baꞌ.

1 aYohana 2:7

Aro̱, ike̱ng mi ta sen ka zibir yin'e na nye itsi ifas baꞌ i nye iya Adakunom tá tsang a fe̱ be yin, iya yin tá fok yin kum ni ime̱se̱ng'e. Itsi na nye rife̱ Adakunom riya yin tá kun fok yin.

1 aYohana 2:1

Inoon'i, yin aya mi ta shim, mi tá zibir yin ike̱re̱ na fan yin bu nye yin rine̱n. Amma ke akak yin bun a nye rine̱n, Adakunom tu ku re̱ng'e kamok yir be yir akak a tana nyeseng rice yir nasho̱o̱n Adakunom a ta nye Ada'me. Wu ne a nye aYeso Kiristi aya a ta se zhe̱l nasho̱o̱n Adakunom.

1 aYohana 1:9

Amma ke yir taas yir Adakunom rine̱n yir, a tin re̱ng yir'e kamok wu be katsak ne a be kuse kutek, ne a ni kusu yir kaye̱e̱r koakye ike̱ng imaan'e.

Afisa 4:32

Sor yin gye̱r be áfudang yin, naka di yin be kuro̱ riye̱ ne i naka nye yin igaas kyo̱ndi Adakunom ta ka re̱ng yin rine̱n yin kaye̱e̱r aKiristi.

1 aKoranti 6:11

Anong ne ákak yin tsang a se, a ra ka kusu yin nong a ta sak yin n te yin zhe̱l. Yin n te yin gye̱r nasho̱o̱n Adakunom kaye̱e̱r riyerek Agwo̱m Ágwo̱m yir aYeso Kiristi ne Kabik Adakunom yir.