1 aYohana 2:11 - Izere New Testament

¹¹ Amma aner aya a ta rawu aronyining wu afikuus a se na awhi, a tseng na awhi. Kamok anong a ren karo̱ wu tu ku be baꞌ, kamok awhi'me tu ku whe̱e̱n anyisi.

1 aYohana 2:11 Referans Kwoze

aYohana 12:35

aYeso fe̱ be ba ye, “Akanang se mak be yin nizen cie̱k tsek. Kamok anong, kutseng yin kum ne akanang'e rusek, fan awhi ba ka se̱ yin. Aner aya a ta tseng nawhi ren karo̱ wu tu ku be baꞌ.

aTitus 3:3

Yir gip gbugbang i tsang i nye yir áfunam'e ne i shonong yir, a tsang a ni wo̱ro̱k yir, ma i te yir ásam áfe kushim kunye amaan ike̱re̱ iya aye̱ yir ta shim be kushim kufok kusas kusor. Kusor yir tsang kunye kunye ike̱re̱ imaan'e ne rishishim. Ánerawe ti rayir ne yir ma ka rayir ba.

Ike̱ng a ta tonong aYohana 3:17

Wan fe̱ ye, ‘Mi nye arum mi be kurum dide̱ng, mi ba tse̱r ike̱ng ikak baꞌ.’ Wan ra ren baꞌ, wan n te riye̱ riye̱, wan be rizor, wan n te ike̱ng kuro̱ riye̱, wan nye akpato̱o̱n'e ne i se ica'me gip.

1 aYohana 1:6

Kamok anong, ke yir fe̱ yir ye yir n gung yir rice be wu amma ne yir ra bun i sor yir kyo̱ndi áfe awhi, i nye ye yir be yir abo̱o̱s, i be yir katsak baꞌ.

1 aYohana 2:9

Koangan ne a fe̱ ye wu se kaye̱e̱r akanang'e, amma ne a rawu aronyining wu afikuus, i nye ye a rusek na awhi.

2 aKoranti 4:4

Ba kyem a di katsak'e baꞌ, kamok aner aya a tin nye rigwo̱m nazatse na, n whe̱e̱n aye̱ ba. A sak ba kyem á di akanang aya a ta sam'ong baꞌ, a kanang na a ta wuruk kamok Rife̱ Ritek natoon kuyiik aKiristi, wu aya a ta taas Adakunom.

aYohana 12:40

“A sak ba tá te ákpato̱o̱n'e, ne a whe̱e̱n aye̱ ba, fan á bu ye̱re̱k be anyisi ba, ne á ren be aye̱ ba, fan á bu kirik nunaan nong mi tà ka sak ba á tá te atser.”

2 aKoranti 3:14

Amma ánerawe'me tá shonong, yong ma katuur ike̱ng ikak kuse i tu ku te̱ne̱ng ba kudi katsak'ong kaye̱e̱r kushu kuzen. Ike̱ng ku naka kis ma kyo̱o̱rna an wuruk baꞌ, kamok a kyem a tun baꞌ, ma ke be aKiristi tsek.

2 aBitrus 1:9

Kamok koangan aya a ta dun kuse kutek kuri kuyu di karo̱ tsik baꞌ, a nye akpato̱o̱n'e. A tiburum ye Adakunom mu ku re̱ng rine̱n wu tá tsang a nye.

1 aYohana 2:10

Aner aya ne a shim aronyining wu afikuus, i nye ye aner'e se na akanang. Ike̱ng ikak kuse i tana ku sak nong a tana won iren'e baꞌ.

1 aYohana 3:15

Koangan a ta rawu aronyining wu se kyo̱ndi aner a ta fe̱s ánerawe. Yin ren yin ye akak kuse a ta fe̱s ánerawe a ta be kutser kufe izen izen baꞌ.

1 aYohana 4:20

Ke akak fe̱ ye wu shim Adakunom ne a rawu áronyining wu, i nye ye a be abo̱o̱s, kamok aner aya a ta shim áronyining wu aya wu tu ku di baꞌ, a ta kyem a shim Adakunom aya wu ta won dar a di baꞌ.