1 aYohana 1:6 - Izere New Testament

⁶ Kamok anong, ke yir fe̱ yir ye yir n gung yir rice be wu amma ne yir ra bun i sor yir kyo̱ndi áfe awhi, i nye ye yir be yir abo̱o̱s, i be yir katsak baꞌ.

1 aYohana 1:6 Referans Kwoze

1 aYohana 4:20

Ke akak fe̱ ye wu shim Adakunom ne a rawu áronyining wu, i nye ye a be abo̱o̱s, kamok aner aya a ta shim áronyining wu aya wu tu ku di baꞌ, a ta kyem a shim Adakunom aya wu ta won dar a di baꞌ.

1 aYohana 2:4

Ke akak fe̱ ye wu ren Adakunom a ra nye ike̱re̱ iya Adakunom'me tá fe̱ ye a ra nye baꞌ, i nye ye a be abo̱o̱s, katsak kuse riye̱ wu baꞌ.

1 aYohana 1:10

Ke yir fe̱ yir ye yir n nye yir rine̱n baꞌ, i nye ye yir sok yir ye Adakunom be abo̱o̱s ne rife̱ wu kuse kaye̱e̱r aye̱ yir baꞌ.

aYohana 8:12

Ayong aYeso bun a fe̱ be ánerawe'me ye, “Mi ne i nye akanang kazatse. Koangan afe a ta sen nikuus, a tà tseng nawhi baꞌ, amma a tà se̱ akanang afe kutser.”

aYohana 12:35

aYeso fe̱ be ba ye, “Akanang se mak be yin nizen cie̱k tsek. Kamok anong, kutseng yin kum ne akanang'e rusek, fan awhi ba ka se̱ yin. Aner aya a ta tseng nawhi ren karo̱ wu tu ku be baꞌ.

aYakub 2:14

Aroneng, akye̱ se gye̱r azong e̱? Ke anerawe nye di wu n no̱o̱k katsak, a ra nye itomong i ta tonong kuno̱o̱k katsak'e baꞌ e̱? Kuno̱o̱k katsak'ong tu ku shesh a?

aYohana 12:46

Mi be̱ nazatse kyo̱ndi akanang, nong ase̱ aya a tin no̱o̱k katsak ni mi ta sor nawhi baꞌ.

1 aYohana 1:3

Yir sen ka taas yin rife̱ natoon aya yir tá di yir ne yir ku fok yir, nong ase̱ yir tà te yir kyo̱ndi aner azining ne kusor yir se kuzining be Adakunom a ta nye Ada'me ne Igon wu aYeso Kiristi.

aYohana 11:10

Amma aner aya afe a ta tsang a tseng natuk, a tà turuk kutak, kamok akanang kuse baꞌ.”

aYakub 2:18

Amma akak ta fe̱ ye, “Wan be kuno̱o̱k katsak; mi be kunye itomong.” Ni tonong kuno̱o̱k wan dar kunye itomong, nong mi ta ka tonong kuno̱o̱k katsak'i be itomong'a mi ta nye.

1 aYohana 1:8

Ke yir fe̱ yir ye yir be yir rine̱n baꞌ, i nye ye yir wo̱k yir rice yir, katsak kuse kaye̱e̱r yir baꞌ.

aYakub 2:16

Ne akak yin fe̱ be wu ye, “Tseng, mi ta mok ritek, te ares ta joosh ne iya naya ta wha,” a ra nye ikeng ikak natoon kudaam wu baꞌ, i nye akye̱ itek ne wu nye e̱?

aMatiyu 7:22

Katuk kayong ánerawe whe̱re̱ tà fe̱ be mi ye, ‘Agwo̱m Ágwo̱m, yir nye yir awazi kaye̱e̱r riyerek wan aꞌa? Yir turung yir amaan nabik kaye̱e̱r riyerek wan aꞌa? Yir nye yin itomong azhing dide̱ng kaye̱e̱r riyerek wan aꞌa?’

1 aTimoti 4:2

Kubo̱so̱p na ta ne nufe ákardak áner afe abo̱o̱s áya aye̱ ba tan kus cei.

aYohana 8:55

Yin tu ren yin baꞌ, amma mi tu ku ren. Ke mi fe̱ ye mi tu ku ren baꞌ, i nye ye mi nye aner abo̱o̱s kyo̱ndi yin, amma mi tu ku ren ne i kuus rife̱ wu.