1 aYohana 1:5 - Izere New Testament

⁵ Rife̱ yir tá fok yir nufu ne yir sen ka taas yin ye; Adakunom nye akanang, awhi kuse kaye̱e̱r wu, ko cie̱k baꞌ.

1 aYohana 1:5 Referans Kwoze

aYohana 8:12

Ayong aYeso bun a fe̱ be ánerawe'me ye, “Mi ne i nye akanang kazatse. Koangan afe a ta sen nikuus, a tà tseng nawhi baꞌ, amma a tà se̱ akanang afe kutser.”

aYakub 1:17

Koakye kuri ritek ne kuno̱o̱k kutek kuya ku ta ne naza se gye̱r nufe Ada afe a ta be akanang aya a ta be kaben, aya afe sang a ta shishing kyo̱ndi nawu ta sesek baꞌ.

aYohana 1:9

Akanang afe katsak aya a ta nyeseng ánerawe akanang cice̱r kaye̱e̱r kazatse saase.

aYohana 1:4

Kaye̱e̱r wu kutser kuse, kutser na be̱e̱n be akanang nufe ánerawe.

aYohana 9:5

Kum mi ta rusek kaye̱e̱r kazatse, mi ne i nye akanang kazatse.”

Ike̱ng a ta tonong aYohana 22:5

Karo̱ ba sen te katuk baꞌ. Ánerawe tà ba tse̱r akanang kunom ka apitila nong a tin di karo̱ baꞌ, kamok Adakunom, Agwo̱m Ágwo̱m ne a tà nye akanang ba. Á tà nye rigwo̱m ma izen izen.

Ike̱ng a ta tonong aYohana 21:23

Agbang kuwo̱p'e tse̱r akanang kunom ka kufe̱n baꞌ, kamok kuyiik Adakunom ne kunye akanang'e ne Aturuk'e ne a nye apitila'me

1 aTimoti 6:16

Wu ze̱e̱r ne a ku baꞌ a sor na akanang aya akak tana kyem a tseng bubarak be wu baꞌ, aya akak ta kun ku di ka a ta kyem a ku di baꞌ. Kuyiik be kukyem nye kufu ma izen izen. Anong.

1 aYohana 3:11

Rife̱ yir tá fok yir kum ni ime̱se̱ng'e se ye i ra naka shim yir.

1 aKoranti 11:23

Ike̱ng na mi ta ka no̱o̱k yin, mi shan nufe aYeso a ta nye Agwo̱m Ágwo̱m ye; Agwo̱m Ágwo̱m yir aYeso natuk a tú ku re̱p, a sok abiredi.

aYohana 1:19

Iyu ne i nye ike̱ng ife aYohana tá fe̱ nizen iya áner aYahuda aya a tase na aUshalima tá tom átsi ne áner aLawi ye á ra su ku rip ye, “Wan nye angan e̱?”