1 aTimoti 6:3 - Izere New Testament

³ Ke aner akak bo̱so̱p ánerawe ike̱ng ikak ze̱e̱r be iya Agwo̱m Ágwo̱m yir aYeso Kiristi tá bo̱so̱p ne kuri kuya ku ta nye kufe áfikuus Adakunom baꞌ,

1 aTimoti 6:3 Referans Kwoze

1 aTimoti 1:3

Kyo̱ndi mi tá tsang i fe̱ be wan nizen iya mi tá se niren kutseng na aMakidoniya ye, wan ri fan kaye̱e̱r kuwo̱p Afisa nong ta te̱ne̱ng áner'ong á ta bo̱so̱p ánerawe abo̱o̱s.

1 aTimoti 1:10

be áfe kunye rikuna ne átek á ta mereng be átek afudang ba ka ányining á ta mereng be ányining áfudang ba, ne áfe kure̱e̱s ánerawe be áfe abo̱o̱s ne áya a ta ya kushu natoon abo̱o̱s ne koakye kuri ike̱ng i ta se ze̱r be kubo̱so̱p katsak.

aTitus 1:9

Ako̱k kasho̱o̱n ikilisiya ra nye aner aya a tana yiir rife̱ Adakunom riya a tu ku tak be agap kyo̱ndi a tu ku bo̱so̱p'e nong a tin tsesek ákak be awazi ne kubo̱so̱p kufe katsak, ne a gaar áya a ta raba kubo̱so̱p'e.

2 aTimoti 4:3

Kamok izen ta be̱ iya sang ánerawe tana baꞌ, shim kufoos kubo̱so̱p kufe katsak baꞌ. Amma á ta nar kushim kufoos ike̱re̱ iya aye̱ ba tà shim ne kamok kuwhaan ato ba a tse̱r áner kubo̱so̱p nong á tu ku taas ba ike̱re̱ iya ba ta shim á ta foos.

aRom 16:17

Kusuk yin ároneng, sak yin riye̱ be áfe a ta shim á ta shik kugung rice yin ne á ka sak yin ta kpas yin nike̱ng iya á tá ma ka bo̱so̱p yin'e. Kam yin be ba.

aTitus 1:1

Mi, aBulus, asam Adakunom ne i bun i nye amanzo aYeso Kiristi. A tin sak mi ta te amanzo nong ta tsesek kuno̱o̱k katsak áya Adakunom tá kasa, ne i kutobok ba nong á ta ren katsak kaye̱e̱r ikuus Adakunom,

2 aTimoti 1:13

Yiir kuri kubo̱so̱p na kufe katsak kuya wan tá fok nunaan, i tu sor ike̱ng wan tanin nye kumaas. Yiring ta sor kaye̱e̱r kuno̱o̱k katsak ne kushim kuya wan ta be kaye̱e̱r aYeso Kiristi.

1 aTimoti 1:6

Ánerawe'me ákak n taam an won iren itek á tá mu ku bun nikuus akpe̱de̱ng rife̱.

1 aTasalonika 4:8

Kamok anong ke aner aya ne a gaar rife̱ na, sang a gaar anerawe baꞌ, amma a gaar Adakunom, aya a ta ka no̱o̱k yin Kabik wu Kazhe̱l'e.

aMatiyu 28:20

Ne i ku bo̱so̱p yin ba iren á tana kuus koakye mi tá ka tak yin. Yiring yin ye mi se mak be yin koakye izen ma ni igang izen.”

aTitus 3:8

Rife̱'me nye katsak. Kamok anong mi shim wan ta fe̱ rife̱'me ne i bun i toos'e, nong áya a ta min no̱o̱k katsak na Adakunom tà ya kasho̱o̱n be kuno̱o̱k rice ba nong á ta nye ike̱ng iya i ta nye itek. Ike̱re̱ na nye itek ne i se gye̱r be koangan.

aMatiyu 22:21

Á tú ku shim'e ye, “Nafe aKaisar.” Ayong aYeso fe̱ be ba ye, “To̱, no̱o̱k yin aKaisar ike̱ng iya i ta nye ife aKaisar ne i no̱o̱k yin Adakunom ike̱ng iya i ta nye ife Adakunom.”