1 aTimoti 6:2 - Izere New Testament

² Ásam áya atekasa ba ta nye áfikuus, sang ásam'me ta ka zhe̱e̱sh ba kamok á ta nye ároneng ba baꞌ. Amma i se gye̱r ke asam'me ka nye ba itomong gye̱r ne á nar ingya kamok áner á ta ya nubo̱k ba nye áfikuus ne á shim átekasa ba. Iyu ne inye ike̱re̱ iya wan tana ka bo̱so̱p ba'me ne wan ku no̱o̱k ba itabak nong a ta kuus.

1 aTimoti 6:2 Referans Kwoze

aKolosi 4:1

Yin átekasa nye yin be ásam yin gye̱r ne i se yin whiwhe̱ kamok yin ren yin ye yin gip yin be yin Atekasa akak kaye̱e̱r kaza.

1 aTimoti 4:11

Fe̱ ike̱re̱ na be agbang kuto̱ ne i bo̱so̱p ánerawe'me.

aZhud 1:8

Anong ne á tà nye be áfe nabos abo̱o̱s na gip, ma á beseng iro̱m ba be ike̱re̱ iyong, á raba kukuus rigwo̱m ne a kas ámaleka Adakunom.

2 aBitrus 2:10

Amok na ta nar natoon áner aya a tá shim ike̱re̱ kuri ife rinerawe ne á zhe̱e̱sh rigwo̱m. Áner kubo̱so̱p áfe abo̱o̱s na, a be isum, ko cie̱k baꞌ. Á kok rice naza dide̱ng. Á fok inyim akak ba, ma á a kas áfe a ta se nasho̱o̱n Adakunom.

1 aBitrus 5:1

Mi ako̱k kasho̱o̱n ikilisiya, mi aya mi tá di kuri risam riya aKiristi tá so̱ be anyisi mi. Mi aya i tana se̱ ishorong'i nasho̱o̱n kaye̱e̱r kuyiik a tana tonong, mi nye áko̱k kasho̱o̱n ikilisiya áfudang'i a ta se kaye̱e̱r yin akusuk ye,

Ibrani 3:14

Yir ta te yir azining be aYeso ke i yiir yir katsak yir ta be yir kum ni ime̱se̱ng'e kpa ma nigang'e.

Ibrani 3:1

Kamok anong, ároneng azhe̱l'e, yin áya i tin se yin kaye̱e̱r kuyis kufe kaza na, to̱, yin tsik natoon aYeso, a ta nye Amanzo ne Agbang Atsi niren yir ta min no̱o̱k yir katsak.

aTitus 3:8

Rife̱'me nye katsak. Kamok anong mi shim wan ta fe̱ rife̱'me ne i bun i toos'e, nong áya a ta min no̱o̱k katsak na Adakunom tà ya kasho̱o̱n be kuno̱o̱k rice ba nong á ta nye ike̱ng iya i ta nye itek. Ike̱re̱ na nye itek ne i se gye̱r be koangan.

aTitus 2:15

Ka bo̱so̱p ba ike̱re̱ na. Ka tsesek ba ne i ka zhe̱e̱r ba be agbang kuto̱. Sang tu won akak ta ka zhe̱e̱sh baꞌ.

aTitus 2:1

Amma wan, bo̱so̱p ánerawe ike̱ng iya i ta se gye̱r dim be katsak.

1 aTimoti 5:1

Sang tu zhe̱e̱r aner asho̱n hash baꞌ, amma fe̱ be wu kyo̱ndi a nye ada wan. Nye be ácam kyo̱ndi áronyining wan.

2 aTasalonika 1:3

Ároneng, i se gye̱r yir ta yiir i tonong yir Adakunom riye̱ rikan yir ye̱rye̱r kamok yin. Anong se gye̱r kamok kuno̱o̱k katsak yin ta ya kasho̱o̱n dide̱ng, kushim yin tana ka shim yin nye ne kuni barang.

aKolosi 1:4

Kamok yir n fok yir kuri kuno̱o̱k katsak yin ta be yin kaye̱e̱r aYeso Kiristi ne kuri kushim kuya yin ta shim yin ázhe̱l'e cice̱r.

aKolosi 1:2

yin ároneng ázhe̱l'e, aya a ta be katsak áya a ta se na aKolosi. Ritek be kameneng riye̱ Adakunom a ta nye Ada yir se mak be yin.

Afisa 3:6

Kanye̱k'e se ye kamok kutaas Rife̱ Ritek Adakunom, nong áner aya a ta nye áner aYahuda baꞌ ta se̱ kuya kutse mak be áner Isarela. Ba te kyo̱ndi aner azining ne á se̱ kukap mak be áner Isarela, kaye̱e̱r ike̱ng iya Adakunom tá tsang a fe̱ ye wu ta no̱o̱k kamok aYeso Kiristi.

Afisa 1:15

Kamok anong, kum mi tá fok itak kuno̱o̱k katsak yin natoon Agwo̱m Ágwo̱m yir aYeso be kuri kushim yin tá shim yin ázhe̱l'e cice̱r.

Afisa 1:1

Mi aBulus, aya i ta te amanzo aYeso Kiristi nushim Adakunom, mi ne i sen ka zibir yin kufumung na yin ázhe̱l'e áya a ta se kaye̱e̱r kuwo̱p Afisa, áya a ta kuus aYeso Kiristi be katsak.

aGalati 5:6

Kamok ke yir se yir kaye̱e̱r aYeso Kiristi, ku nye yir izhak ka ku won dar ku nye'me, sor ike̱ng ikak baꞌ, ike̱ng i ta nar nye kuno̱o̱k katsak a ta kyem a di kaye̱e̱r kushim.

aRom 11:17

Ke a bo̱ iwhang rifar riya ri ta ta, to̱, yin aya i ta se yin kyo̱ndi iwhang'e iya i ta ta baꞌ, a ta sok a tin gung mo, kyo̱o̱rna yin ma se̱s yin ashi'me aya a ta ta,

aRom 8:29

Kamok aya Adakunom tá tsang a kasa gbugbang ne a ku sak ba ze̱e̱r nong a tá sok kuse Igon wu, Igon'e ta sor asho̱n kaye̱e̱r ároneng whe̱re̱.

aMatiyu 25:40

“Ne Agwo̱m ame fe̱ ye, ‘Katsak'e ne mi ta ka tak yin, kum yin tá nye yin ároneng'e akak kaye̱e̱r áfe agap kuraar'ong, yin ti nye yin'e.’

aMatiyu 23:8

“Amma yin, sang a ta ka yis yin ye, ‘Áner kubo̱so̱p’ baꞌ, kamok aner kubo̱so̱p yin se azining tsek. Yin nye yin áner be áronyining.

aMatiyu 6:24

“Koakak kuse a tana kyem a nye átekasa afa itomong ni izen izining baꞌ. Ke a nye anong, a ta shim akak ne a rawu akak, ka ne a tiyiik akak ne a zhe̱e̱sh akak. Yin ta kyem i ti te yin riye̱ ni ikuus Adakunom ne i bun i ni te yin riye̱ ni itso̱m baꞌ.

Itomong Ámanzo 1:15

Kaye̱e̱r inom iyong, áfikuus kyo̱ndi áner kuso̱k inyak be iso̱k ifa nyim (120). Iyong aBitrus dorok a tá nyeseng