1 aTimoti 6:1 - Izere New Testament

¹ Áner aya á ta nye ásam cice̱r ra fok átekasa ba ato ne á ka no̱o̱k ba kuyiik ba nong fan akak bu zhe̱e̱sh riyerek Adakunom ne ike̱ng iya yir tá bo̱so̱p yir.

1 aTimoti 6:1 Referans Kwoze

aTitus 2:5

ne á yiir rice ba ne á sor zhe̱l ne á ni sak riye̱ na nasa ba, be kuse kutek ne á fok átek ba kuto, fan á bu te kye̱re̱ be rife̱ Adakunom.

aRom 2:24

Kyo̱ndi i ta se ni izibir ye, “Kamok yin áner aYahuda ne áya sang á ta nye áner aYahuda baꞌ, zhe̱e̱sh riyerek Adakunom.”

1 aBitrus 3:16

sang be riye̱ gak baꞌ. Nye yin anong nong ase̱ áfe a ta fe̱ imaan'e natoon yin kamok kuse yin kutek kaye̱e̱r aKiristi ta fok isum rife̱ ba.

1 aBitrus 2:12

Sor yin kusor kutek kaye̱e̱r áya sang á ta nye afikuus baꞌ. Ba yiir kunye kukun yin gye̱rtatan, amma ke ba di koakye itek yin ta nye yin ánerawe'me, á ta tiyiik Adakunom katuk a tana be̱ to̱ kazatse amok.

aGalati 5:1

Kamok nong ta sor yir ne̱k ne i sak aKiristi ti tun yir kaye̱e̱r kukuus Itsi. Kamok anong nyeseng yin be agap, sang tu ba sor yin kyo̱ndi ásam baba baꞌ.

Itomong Ámanzo 15:10

To̱, akye̱ sak yin shim yin ta bo̱mo̱ng yin Adakunom be kunyeseng álimazhiri acer aya yir ka átukop yir tan kyem á cer baꞌ e̱?

Itomong Ámanzo 10:22

Áner ame fe̱ ye, “Ako̱k kasho̱o̱n ásozha aRom kak, aya a tú ku yis ye aKoneliyus ne a min tom yir. A nye aner aya a ta se gye̱r nasho̱o̱n Adakunom ne a fok inyim Adakunom dide̱ng. Áner aYahuda cice̱r tú di yiik. Amaleka azhe̱l'e akak fe̱ be wu ye a ra fe̱ be wan ye wan ru tseng kari wu nong ase̱ a ta fok ike̱ng iya wan tana fe̱ be wu.”

Itomong Ámanzo 10:7

Nama amaleka'me tá tseng, aKoneliyus yis ásam wu afa be asozha akak aya a nye afikuus'e, áya tú ku se̱s mo be itomong.

aLuka 17:1

aYeso fe̱ be álimazhiri wu ye, “Ike̱re̱ i tana sak ánerawe tana nye rine̱n tà be̱ dim. Awo̱ be aner aya a tana sak akak tana nye rine̱n.

aMatiyu 11:30

Kamok risam mi gop baꞌ, ne acer'i gaar baꞌ.”

1 aTimoti 5:14

Mi nar ku shim ákumung áya a ta ru nye nanamang ra nye iwe̱ne̱ng nong á ta tes inoon ne á ni sak riye̱ ninasa ba fan á bu no̱o̱k ámudo̱n iren naborok.

1 aKoranti 10:32

Sang tu sak yin akak ta turuk kutak baꞌ, aner'e tu nye aner aYahuda ka aner aYahuda baꞌ, ka afikuus Adakunom ayi.

aMatiyu 11:9

To̱, iyong yin se di yin akye̱ e̱? Aner kuzarap a? Ei, won ta ka tak yin, a nar aner kuzarap.