1 aTimoti 5:1 - Izere New Testament

¹ Sang tu zhe̱e̱r aner asho̱n hash baꞌ, amma fe̱ be wu kyo̱ndi a nye ada wan. Nye be ácam kyo̱ndi áronyining wan.

1 aTimoti 5:1 Referans Kwoze

aTitus 2:2

Bo̱so̱p ásho̱n iren kuse tatan, á ra be kuyiik, á ra be kuyiir rice ne á se gye̱r kaye̱e̱r kuno̱o̱k katsak ba, be kushim kufe katsak ne kutsesek dide̱ng.

1 aBitrus 5:1

Mi ako̱k kasho̱o̱n ikilisiya, mi aya mi tá di kuri risam riya aKiristi tá so̱ be anyisi mi. Mi aya i tana se̱ ishorong'i nasho̱o̱n kaye̱e̱r kuyiik a tana tonong, mi nye áko̱k kasho̱o̱n ikilisiya áfudang'i a ta se kaye̱e̱r yin akusuk ye,

aGalati 6:1

Ároneng, ke yin se̱ yin akak afe a ta yiir kunye rine̱n, yin áfe i ta nye yin afe Kabik, ku bun yin be wu niren kaye̱e̱r awhiwhe̱, amma sak yin riye̱ be rice yin, ke anong baꞌ, yin gip ta bun tin no̱ yin kaye̱e̱r rine̱n'e.

aTitus 2:6

Anong ne ácam gip, ku bo̱so̱p ba'me ye á ra yiir rice ba.

aMatiyu 23:8

“Amma yin, sang a ta ka yis yin ye, ‘Áner kubo̱so̱p’ baꞌ, kamok aner kubo̱so̱p yin se azining tsek. Yin nye yin áner be áronyining.

1 aTimoti 5:17

A rin sak riye̱ dide̱ng na áko̱k kasho̱o̱n ikilisiya áya a ta nye itomong ba gye̱r, abanang áya itomong ba ta nye awazi rife̱ Adakunom be kubo̱so̱p ánerawe'me ba.

aRom 13:7

Karang yin koangan ike̱ng iya a ta ka kuus yin. Ke a ta kuus yin koakye kuri itso̱m iben ne i karang, ke itso̱m ares yin ne yin karang yin. Fok yin inyim aya a ta tas ke a fok inyim wu, ne i tiyiik yin aya a ta tas ke a ku tiyiik.

Itomong Ámanzo 15:4

Nizen á ta se no̱ ba na aUshalima, áfikuus cice̱r ne ámanzo be áko̱k kasho̱o̱n tú ku shan ba niren. Iyong aBulus be aBarnabas tú ku taas ba cice̱r ike̱re̱ iya Adakunom ta nye be ba.

Itomong Ámanzo 14:23

aBulus be aBarnabas tú kasa ba áko̱k kasho̱o̱n ikilisiya be kunye aduwa ne azumi ne á ku won ba nubo̱k Agwo̱m Ágwo̱m aya ba tin no̱o̱k katsak.

Ike̱ng a ta tonong aYohana 4:4

Ítsik rigwo̱m íkak iso̱k ifa be anaas gorok itsik rigwo̱m'e, be áko̱k kasho̱o̱n iso̱k ifa be anaas á tan sosok natoon ítsik rigwo̱m'e. áko̱k kasho̱o̱n'e n tes ares akan be abong izinariya.

3 aYohana 1:1

Mi, ako̱k kasho̱o̱n ikilisiya, wan aGayus, i ta nye aferime̱ mi. Mi ta shim dide̱ng.

2 aYohana 1:1

Mi, ako̱k kasho̱o̱n ikilisiya, angasneng be inoon wan Adakunom tá ka kasa nong tu ku kuus. Mi ta shim yin be riye̱ rizining. Mi tsek ne i ta shim yin baꞌ, cice̱r áya a ta ren katsak natoon Adakunom ta shim yin.

aYakub 5:14

Akak yin kuse a ta nye atser baꞌ, kaye̱e̱r yin a? A ra yis asho̱n ikilisiya nong a tu ku nye aduwa ne á ni kon name niwu kaye̱e̱r riyerek Agwo̱m Ágwo̱m yir aYeso.

aYakub 3:17

Amma kukyem ku ta ne naza, nime̱se̱ng'e cice̱r se jel ne kushim kutek be kuto akak, ne kumees rice, be kuro̱ riye̱ kunye kutek kufe katsak dar kushim rice.

Itomong Ámanzo 20:17

Izen iya aBulus ta se na aMilitus, a tom ye a ru ku yis áko̱k kasho̱o̱n áfikuus Afisa.

Itomong Ámanzo 15:6

Iyong ámanzo ame ne áko̱k kasho̱o̱n ikilisiya ame nyim nong ase̱ á tin sak natoon itak'ong.

1 aTimoti 5:2

Nye be anyako kyo̱ndi á nye ángo̱ wan, nye be nanamang kyo̱ndi ángasnyining wan be kuto̱ro̱ng kutek natoon ba.