1 aTimoti 4:7 - Izere New Testament

⁷ Tin te rice wan nifoos ákpe̱de̱ng atin áfe kasho̱o̱n baꞌ. Amma yiir no̱o̱k rice wan nong ta bo̱so̱p kuse kuri kufe Adakunom.

1 aTimoti 4:7 Referans Kwoze

1 aTimoti 1:4

Ku tak ba ye á ra won ku foos atin natoon átukop ba agbugbang'e ne ku kuus á ye̱re̱k ba dar igak. Kunye anong ti barang nanaan tsek sang ku tà be̱e̱n kuya kasho̱o̱n kanye̱k Adakunom kuya a ta se̱ kamok kuno̱o̱k katsak.

2 aTimoti 2:16

Kam be akpe̱de̱ng rife̱, rife̱ kuzhe̱e̱sh Adakunom, kamok kuse kuri kuyong tà tseng be ánerawe kaye̱e̱r kuse kuri kuya Adakunom ta shim baꞌ.

aTitus 2:12

Ritek'e ti bo̱so̱p yir iren kufe̱ ye, wayo be kuse kuri kuya Adakunom ta shim baꞌ, ne amaan kushim ike̱re̱ kazatse, nong ta yiir yir rice yir, ne i se yir zhe̱l ne i be yir kuse kuri kufe Adakunom kaye̱e̱r izam iyuna.

aTitus 3:9

Amma kam be akikar afe rifunam ne aduk atin ne kafa iriri ízam atukop atukop be kuya nanan ne kuren natoon Itsi kamok ike̱re̱ kuri iyong nye ikpe̱de̱ng'e, i tin barang ike̱ng ikak baꞌ.

Ibrani 5:14

Naya na ta se kpakarak nye nafe áner aya a tan te anerawe, áner kuri ayong ne á ninye itomong be kuto̱ro̱ng ba nong á ta kyem á ren ike̱ng iya i ta nye itek be imaan'e.

2 aTimoti 2:23

Sang ike̱ng ikak ta ka gung be kuya aduk nanan baꞌ, kamok wan ren anong be̱ be aduk riwo̱ng.

2 aTimoti 4:4

Ánerawe ta raba kufok katsak, amma á ta ban á shim kufoos atin afekasho̱o̱n ingya.

1 aTimoti 6:11

Amma wan, aner Adakunom, kuteng ike̱re̱ na cei ni te rice wan ni itse̱r ike̱ng iya i ta se gye̱r nasho̱o̱n Adakunom, ike̱ng iya Adakunom ta shim, be kuno̱o̱k katsak ne kushim be ku naka tsesek ne kuse tatan.

Itomong Ámanzo 24:16

Iyong ne i sak, koakye izen mi shim ta sor be agak riye̱ nasho̱o̱n Adakunom ka ánerawe baꞌ.

1 aTimoti 6:20

aTimoti, ni sak riye̱ be ike̱ng iya a ta ka no̱o̱k amana'me. Kam be akpe̱de̱ng itak ne rife̱ kuzhe̱e̱sh Adakunom ra wan abo̱o̱s a ta yis ye kuren ike̱ng,

aTitus 1:14

nong á tà won kufoos atin afekasho̱o̱n áner aYahuda ne ku kuus itsi ánerawe áya a ta gaar katsak.

2 aTimoti 3:12

Katsak'e koangan afe a ta shim a ta sor kusor kuri kufe Adakunom kaye̱e̱r aYeso Kiristi ta so̱ risam.

1 aTimoti 3:16

Akak ta kyem a fe̱ kuri kuyiik ku ta se nune̱re̱ng kaye̱e̱r iren ikuus yir na baꞌ. A tonong rice wu kaye̱e̱r kuro̱m, Kabik ti tonong yir ye a nye afe katsak. Ámaleka tú ku di, á fe̱ itak wu nasho̱o̱n ánerawe ze̱r ze̱r, á ti no̱o̱k katsak ni wu kaye̱e̱r kazatse cice̱r, a tu ku sok a ta tseng'e kaye̱e̱r kaza be kuyiik.

1 aTimoti 2:10

Amma á ra nye kunye kutek, kamok i se gye̱r be ányining aya a ta fe̱ ye ba fok inyim Adakunom.

1 aTimoti 1:9

Yir bun i ren yir gip ye, sang a nye Itsi kamok áner á ta tseng gye̱r baꞌ, amma kamok áner aya a ta shonong ne á gaar kukuus Itsi'me. Itsi se kamok áya a ta raba iren Adakunom ne áfe rine̱n be áya a ta se zhe̱l baꞌ, ne áfurin ne áfe ku fe̱s ánerawe ne áya a tá fe̱s ada be ango̱ ba,

1 aTimoti 4:8

Kamok kutabak kuro̱m se gye̱r nizen ikak, amma kutabak kabik anerawe se gye̱r ne ku nar'e kamok ku ta ka tobok kaye̱e̱r kusor kyo̱o̱rna be kusor kufe kasho̱o̱n nama riku.

1 aTimoti 6:3

Ke aner akak bo̱so̱p ánerawe ike̱ng ikak ze̱e̱r be iya Agwo̱m Ágwo̱m yir aYeso Kiristi tá bo̱so̱p ne kuri kuya ku ta nye kufe áfikuus Adakunom baꞌ,

1 aTimoti 6:5

ne á ya nanan be áya a ta be akpe̱de̱ng kuto̱ro̱ng ne katsak kam be ba. Ba di ye kusor kuri kuya Adakunom ta shim nye iren ikak ife ba tana se̱ itso̱m.

2 aTimoti 3:5

a tu ku ye̱re̱k ba kyo̱ndi á ren Adakunom, amma á raba kukyem Adakunom kuya ku ta tonong kuse kutek baꞌ. Kam be áner kuri ayong.