1 aTimoti 4:6 - Izere New Testament

⁶ Ke wan bo̱so̱p ároneng itak na, to̱, wan ta te aner itomong aYeso Kiristi afe katsak, aya a tan rasak kaye̱e̱r rife̱ natoon kuno̱o̱k katsak be kubo̱so̱p kutek wan ta kuus'ong.

1 aTimoti 4:6 Referans Kwoze

aKolosi 3:16

Won rife̱ aKiristi tu nyeseng be agap dide̱ng kaye̱e̱r aye̱ yin, ne i naka bo̱so̱p yin'e, ne i naka nyesek yin ibo̱ro̱ng, be koakye kuri kukyem, ne i bom yin abom aZabura, ne i kerek yin Adakunom, ne i bom yin abom afe a ta nye afe Kabik, ne i nye yin riye̱ rikan kaye̱e̱r aye̱ yin be Adakunom.

aTitus 2:1

Amma wan, bo̱so̱p ánerawe ike̱ng iya i ta se gye̱r dim be katsak.

aKolosi 4:7

aTikikus ta ka tak yin koakye kuri ike̱ng iya i ta sen tseng natoon'i. A nye agbang aroneng, aya a ta nye itomong be katsak ne a nye asam afudang itomong'i kaye̱e̱r itomong Agwo̱m Ágwo̱m yir.

aMatiyu 13:52

Ayong aYeso fe̱ be ba ye, “Kamok anong, koangan aner kubo̱so̱p Itsi aya a ta mu ku tak itak rigwo̱m kaza se kyo̱ndi atekasa a tana turung ike̱re̱ izen be ifas wu tan tusung nong a tin nye itomong.”

aZhud 1:5

Mi ren yin ren yin ike̱re̱ na cei gye̱rtatan amma mi shim ta ka yiring yin'e ye Agwo̱m Ágwo̱m shesh áner Isarela niben aMasar nizen iya a tá ka tun ba azong amma nama anong, a fe̱s áya sang á tá no̱o̱k katsak baꞌ.

2 aYohana 1:9

Katsak'e, mi ta ka tak yin, koangan afe sang a ta kuus kubo̱so̱p aKiristi ta shim baꞌ, a yiir nye ike̱re̱ wu ta shim tsek, an te azining be Adakunom baꞌ. Aner aya a ta yiir kuus kubo̱so̱p aYeso Kiristi an te azining be Ada ne aYeso Igon Adakunom'me.

1 aBitrus 2:2

Se yin kyo̱ndi inoon nazhizhe̱k'e na ta shim kuso̱ ribasang. Anong ne yin gip be yin ifeng rife̱ Adakunom, kamok be anong ne yin tà rasak yin nong ta se̱ yin kashesh yin.

2 aTimoti 4:3

Kamok izen ta be̱ iya sang ánerawe tana baꞌ, shim kufoos kubo̱so̱p kufe katsak baꞌ. Amma á ta nar kushim kufoos ike̱re̱ iya aye̱ ba tà shim ne kamok kuwhaan ato ba a tse̱r áner kubo̱so̱p nong á tu ku taas ba ike̱re̱ iya ba ta shim á ta foos.

2 aTimoti 3:10

Kyo̱o̱rna wan ren kuri ibo̱so̱p'i ne kuse mi ne ike̱ng mi ta se be kanye̱k'e, ne kuno̱o̱k katsak'i, be kuwhiwhe̱ mi, ne kushim'i be ku naka tsesek mi ta be.

2 aTimoti 1:6

Kamok anong ne mi bun i ka yiring'e ye i rin nye itomong dide̱ng be kunang kuya Adakunom tá ka no̱o̱k kum nizen mi tin sak kubo̱k ritek natoon wan.

1 aTimoti 6:3

Ke aner akak bo̱so̱p ánerawe ike̱ng ikak ze̱e̱r be iya Agwo̱m Ágwo̱m yir aYeso Kiristi tá bo̱so̱p ne kuri kuya ku ta nye kufe áfikuus Adakunom baꞌ,

1 aTimoti 4:16

Sak riye̱ be kutseng wan ne i sak riye̱ be ike̱ng iya wan tá bo̱so̱p. Na ka tsesek ta nye ike̱re̱'ong kamok ke wan ti nye itomong be ike̱re̱'me, wan ta shesh rice wan be áfe a ta ka foos.

1 aTimoti 1:10

be áfe kunye rikuna ne átek á ta mereng be átek afudang ba ka ányining á ta mereng be ányining áfudang ba, ne áfe kure̱e̱s ánerawe be áfe abo̱o̱s ne áya a ta ya kushu natoon abo̱o̱s ne koakye kuri ike̱ng i ta se ze̱r be kubo̱so̱p katsak.

1 aTasalonika 3:2

Yir tom yir aTimoti, aronyining yir aya a ta nye itomong Adakunom mak be yir ne a taas Rife̱ Ritek aKiristi. Yir tú ku tom yir nong a tà be̱ a tà ka barang mo yin agap ne a ka tsesek yin, kaye̱e̱r kuno̱o̱k katsak yin,

aKolosi 2:19

Aner kuri ayong n kam be aner a ta nye rice'me, wu aya kuro̱m'e cice̱r ti fereng natoon wu ne ku se nagung ne ku rasak kyo̱ndi Adakunom ta shim.

aFilipi 3:16

Ike̱ng iya i ta nye igbang'e nye, yir tu sor yir kyo̱ndi Adakunom ta shim.

Afisa 6:21

aTikikus, agbang aronyining yir ne a bun a nye asam Agwo̱m Ágwo̱m, aya a ta be katsak, tà be̱ nufe yin nong a tà ka tak yin koakye natoon kutser'i be kuri ike̱ng mi ta sen nye'me aze.

2 aKoranti 6:4

Yir ban i nye yir koakye kuri ike̱ng nong ta tonong yir ye, yir nye yir ásam Adakunom. Yir naka tsesek yir dide̱ng kaye̱e̱r risam be kuro̱'me ne ike̱re̱ i tin se̱s yir;

2 aKoranti 3:6

Wu ne a sak yir ta kyem i te yir áfe itomong kushu kufas, kuya ku ta ne nufe Kabik sang kufe Itsi baꞌ. Kamok Itsi be̱e̱n be riku, amma Kabik nyesek kutser.

1 aKoranti 4:17

Kamok anong, mi tà ka tom yin aTimoti, igon mi kaya mi ta shim, aya a ta be katsak nikuus aYeso. Wu tà ka yiring yin kuri kutseng mi ni ikuus aYeso aKiristi, kuya ku ta se tite̱re̱ be ike̱ng iya mi tá bo̱so̱p áfikuus'e koake̱ ne mi tseng naro̱ kuya Adakunom iben.

aRom 15:15

Mi ma ka zibir yin ike̱re̱ ikak de̱s nong ta bun ta ka yiring yin'e gbak. Mi nye anong kamok ritek Adakunom tin no̱o̱k,

Itomong Ámanzo 20:35

Kaye̱e̱r koakye ike̱ng mi tá nye, mi ta ka tonong yin ye be kunye itomong ana dar karuur ne i se̱ yir áner aya a ta agap dim. Yiring yin be rife̱ Agwo̱m Ágwo̱m yir aYeso a tá fe̱ ye, ‘Aner kuno̱o̱k ike̱ng be riye̱ rikan ne a nar aya a tu ku no̱o̱k.’ ”

Itomong Ámanzo 20:31

Kamok anong, sak yin riye̱. Yiring yin, mi n te aye̱ ataar ne i ka nyesek yin itabak katuk be kunom be nanyisi rice.

aLuka 1:3

Kamok anong, mi be rice mi n nye nong tá ren koakye kum ni ime̱se̱ng'e. I ti se gye̱r gip, nong ta ka zibir ike̱re̱ na nye̱k nye̱k, wan aTiyofilus ako̱k kasho̱o̱n,

Itomong Ámanzo 1:15

Kaye̱e̱r inom iyong, áfikuus kyo̱ndi áner kuso̱k inyak be iso̱k ifa nyim (120). Iyong aBitrus dorok a tá nyeseng

2 aKoranti 11:23

Ke ba di ye ba nye ásam aKiristi, mi tu nar ba! (Mi fe̱ kyo̱ndi aner aya rice ta kirik so̱!) Mi n nye itomong ne i ka nar ba, a min tes nitso̱m ne a toos'e, ne a ni whereng dide̱ng, mi n dis riku niren ze̱r ze̱r.

aFilipi 2:20

Akak kuse aze kyo̱ndi wu baꞌ, a daam be yin dide̱ng.

aFilipi 2:22

Amma yin ren yin ye, aTimoti tonong rice wu ye wu be katsak, kamok a nye itomong kutaas Rife̱ Ritek be mi kyo̱ndi igon ta nye itomong be atek wu.