1 aTimoti 4:4 - Izere New Testament

⁴ Kamok koakye Adakunom ta nye, i nye itek, i ta se gye̱r ta gaar yir ike̱ng ikak baꞌ, ke i shan yir be riye̱ rikan.

1 aTimoti 4:4 Referans Kwoze

aRom 14:20

Sang i tu beseng yin itomong Adakunom kamok itak naya baꞌ. Koakye kuri naya se zhe̱l, amma i se gye̱r anerawe ta ya ike̱ng i tana sak afudang wu tanin turuk kutak baꞌ.

1 aKoranti 10:25

Ya yin koakye kuri rinam i ta shan yin naro̱ a ta re̱e̱s dar kurip fan riye̱ yin bu se gak.

aRom 14:14

Mi ren, mi bun i no̱o̱k katsak na Agwo̱m Ágwo̱m yir aYeso ye naya nakak kuse na ta won dar na se zhe̱l be kunik wu baꞌ. Amma ke akak ra di ye ike̱ng ikak se zhe̱l baꞌ, to̱, nufu ne i se zhe̱l baꞌ.

1 aKoranti 10:23

“Mi ta kyem i nye koakye mi ta shim,” sang koakye ne i se gye̱r baꞌ. “Mi ta kyem i nye koakye mi ta shim,” sang koakye ne i ta ra be̱e̱n kuya kasho̱o̱n baꞌ.

Itomong Ámanzo 21:25

Amma natoon áfikuus áya sang á ta nye áner aYahuda baꞌ, yir n zibir yir kufumung ye sang a tu ya naya a ta nye kamok itsi baꞌ. A tu nye rikuna baꞌ. A tu ya rinam ike̱ng iya a ta tsibik kuto̱'me ka be naso̱k baꞌ.”

1 aTimoti 4:3

Áner kuri ayong roon ánerawe kunye kuwe̱ne̱ng ne kuya naya kuri nakak. Amma Adakunom nye naya kamok ánerawe áya a tin no̱o̱k katsak ne á ren katsak nong á tà shan be riye̱ rikan.

Itomong Ámanzo 15:29

Won yin kuya rinam a ta min nye itsi, sang tu so̱ yin naso̱k baꞌ, sang tu ya yin ike̱ng ikak dar kutse̱e̱r'e baꞌ, sang tu nye yin rikuna baꞌ. I se gye̱r yin ta won yin kunye ike̱re̱ yir ta fe̱ yir na. Tato̱ yin.

Itomong Ámanzo 10:15

Kuto̱'me bun ku fe̱ be wu ife afa'me ye, “Ike̱ng ikak Adakunom ta nye won dar i se zhe̱l ka i be narik baꞌ.”

aRom 14:6

Koangan afe a ta sok kunom kukak yiik ye ku nar ribir'e nye anong nong a tin tiyiik Agwo̱m Ágwo̱m wu. Koangan afe a ta ya koakye kuri rinam nye anong nong a tin tiyiik Agwo̱m Ágwo̱m wu. Kamok nong a tin tonong riye̱ rikan be Adakunom be rinam'e. Aner aya a ta ya koakye kuri rinam baꞌ, nye anong gip nong a tin tiyiik Agwo̱m Ágwo̱m wu kamok nong a tin tonong riye̱ rikan wu be Adakunom.

1 aKoranti 10:26

Kamok rife̱ Adakunom fe̱ ye, “Kazatse na be ike̱re̱ i ta se kaye̱e̱r'e cice̱r nye ife Adakunom.”

1 aKoranti 10:30

Ke mi tonong Adakunom riye̱ rikan natoon naya mi ta se̱, kamok akye̱ akak ta fe̱ ye awo̱ natoon naya mi tá min tonong Adakunom riye̱ rikan'e e̱?