1 aTimoti 4:3 - Izere New Testament

³ Áner kuri ayong roon ánerawe kunye kuwe̱ne̱ng ne kuya naya kuri nakak. Amma Adakunom nye naya kamok ánerawe áya a tin no̱o̱k katsak ne á ren katsak nong á tà shan be riye̱ rikan.

1 aTimoti 4:3 Referans Kwoze

1 aTimoti 4:4

Kamok koakye Adakunom ta nye, i nye itek, i ta se gye̱r ta gaar yir ike̱ng ikak baꞌ, ke i shan yir be riye̱ rikan.

Ibrani 13:4

Koangan ra tor kuwe̱ne̱ng yiik, koangan ra tor kuwe̱ne̱ng wu zhe̱l'e, kamok Adakunom tà to̱ aner a tá nye rikuna be áya a nye kpe̱de̱ng amok.

aRom 14:6

Koangan afe a ta sok kunom kukak yiik ye ku nar ribir'e nye anong nong a tin tiyiik Agwo̱m Ágwo̱m wu. Koangan afe a ta ya koakye kuri rinam nye anong nong a tin tiyiik Agwo̱m Ágwo̱m wu. Kamok nong a tin tonong riye̱ rikan be Adakunom be rinam'e. Aner aya a ta ya koakye kuri rinam baꞌ, nye anong gip nong a tin tiyiik Agwo̱m Ágwo̱m wu kamok nong a tin tonong riye̱ rikan wu be Adakunom.

aKolosi 2:16

Kamok anong tu won yin akak ta ka to̱ yin amok natoon ike̱ng yin ta ya yin ka ike̱ng iya i ta so̱ yin, ka natoon riye̱ rikan igo̱o̱n áner aYahuda, ka natoon riye̱ rikan kunyeseng kufe̱n kufas, ka natoon kunom Asabar baꞌ.

1 aKoranti 8:8

Sang naya ne na ta sak ta be̱ yir bubarak be Adakunom baꞌ. Ko yir tu ya yir ko i tu won dar i ya yir, na tin barang mo yir ike̱ng ikak baꞌ.

aKolosi 3:17

Koakye ike̱ng iya yin tana nye yin, ko kaye̱e̱r kufe̱ kanu ko kaye̱e̱r kunye ike̱ng, nye yin cice̱r kaye̱e̱r riyerek aYeso Agwo̱m Ágwo̱m, ne i tonong yin Adakunom riye̱ rikan kamok wu.

1 aKoranti 7:28

Aner aya a tan nye kuwe̱ne̱ng, a nye rine̱n baꞌ. Ke kanamang n nye kuwe̱ne̱ng, ka nye rine̱n baꞌ. Áner áfe a tan nye kuwe̱ne̱ng tà se̱s kudaam iriri'me kaye̱e̱r kuwe̱ne̱ng nazatse na. Mi shim yin tu se̱ yin kudaam anong baꞌ.

aRom 14:3

Aner aya a ta kyem a ya koakye kuri naya afe wu ta shim, a tu zhe̱e̱sh aner aya a ta won dar a kyem a ya koakye kuri baꞌ. Anong ne aner aya a ta won dar aya koakye kuri naya tu di rine̱n aner aya a ta ya koakye kuri naya baꞌ, kamok Adakunom mu ku shan.

Ibrani 13:9

Sang tu won yin kubo̱so̱p kuduk ta ko̱ro̱k aye̱ yin baꞌ. I se gye̱r aye̱ yir ta se̱ agap kaye̱e̱r ritek Adakunom sang be kukuus itsi kuya naya baꞌ. Kukuus itsi kuya naya ti barang áner aya a ta kuus itsi iyong ike̱ng ikak baꞌ.

1 aTimoti 2:4

Wu shim ánerawe cice̱r ta se̱ kashesh ne á ren iren katsak.

1 aKoranti 6:13

Ákak fe̱ ye, “A nye kafa kamok naya, naya kamok kafa,” ikak ta ra sor ma izen izen baꞌ. Adakunom tu ku whe̱se̱ng ba cice̱r. A nye kuro̱m kamok rikuna baꞌ, amma nong a tin tiyiik Adakunom, ne Adakunom ni sak riye̱ nuro̱m'e.

aRom 14:17

Kamok itak rigwo̱m Adakunom nye itak kuya ne a so̱ baꞌ, amma itak kuse gye̱r nasho̱o̱n Adakunom ne kusor caang be riye̱ rikan kaye̱e̱r Kabik Kazhe̱l'e.

aMatiyu 15:36

Ne a sok ágbang abiredi kanataar ame be ízos'e a tin tonong riye̱ rikan wu be Adakunom, ne a te̱se̱ng a tá no̱o̱k álimazhiri wu nong á ta se nyesek ánerawe'me.

aMatiyu 14:19

Ne aYeso fe̱ be ánerawe'me ye á ra sosok kaben natoon agam. A sok ágbang abiredi atoon ame be izos ifa'me, a tá sok rice naza a tá tonong riye̱ rikan wu be Adakunom ne a te̱se̱ng. Ne a no̱o̱k álimazhiri wu nong álimazhiri wu'me ta kasap ánerawe'me.

Itomong Ámanzo 27:35

aBulus'e ta fa fe̱ anong ne a sok abiredi a ta tonong riye̱ rikan'e be Adakunom nasho̱o̱n ba cice̱r. Ne a te̱se̱ng, a tá kpaan kuya'me.

aYohana 6:23

Ne akpara ákak a ta nye azhizhe̱k'e a tá ne na aTibariya be̱ azong bubarak be karo̱ kaya ánerawe tú ku ya abiredi aya aYeso tin nye aduwa natoon ame.

aLuka 24:30

Nizen aYeso tá se be iya naya mak be ba, a sok abiredi, a tá tonong Adakunom riye̱ rikan, ne a te̱se̱ng ne a san ku nyesek ba.

aMatiyu 15:11

Sang ike̱ng i ta no̱ nanu ánerawe ne i ku sak a ta won dar a se zhe̱l baꞌ, ma ike̱ng i ta wuruk nanu wu.”

1 aTimoti 5:14

Mi nar ku shim ákumung áya a ta ru nye nanamang ra nye iwe̱ne̱ng nong á ta tes inoon ne á ni sak riye̱ ninasa ba fan á bu no̱o̱k ámudo̱n iren naborok.