1 aTimoti 4:16 - Izere New Testament

¹⁶ Sak riye̱ be kutseng wan ne i sak riye̱ be ike̱ng iya wan tá bo̱so̱p. Na ka tsesek ta nye ike̱re̱'ong kamok ke wan ti nye itomong be ike̱re̱'me, wan ta shesh rice wan be áfe a ta ka foos.

1 aTimoti 4:16 Referans Kwoze

aTitus 1:9

Ako̱k kasho̱o̱n ikilisiya ra nye aner aya a tana yiir rife̱ Adakunom riya a tu ku tak be agap kyo̱ndi a tu ku bo̱so̱p'e nong a tin tsesek ákak be awazi ne kubo̱so̱p kufe katsak, ne a gaar áya a ta raba kubo̱so̱p'e.

aTitus 2:7

Kaye̱e̱r koakye wan sor ike̱ng ba tanin nye kumaas natoon'e be kunye ike̱ng iya i ta nye itek. Kaye̱e̱r kubo̱so̱p wan, nye be riye̱ rizining ne katsak,

2 aTimoti 4:2

wan ri tsesek ninye awazi rife̱ Adakunom, ko be izen ko dar izen. Nees ánerawe, kuzhe̱e̱r ba ne i kutsesek ba ne i ka bo̱so̱p ba'me kaye̱e̱r awhiwhe̱.

Afisa 4:14

Yir ta ba se yir kyo̱ndi inoon nazhizhe̱k'e, á tana kuzim ba baꞌ, a ta ka zim ba aze be aza be koakye kuri kubo̱so̱p ne kuri rife̱ ritse̱ng a tin wo̱ro̱k ánerawe baꞌ.

Ibrani 13:9

Sang tu won yin kubo̱so̱p kuduk ta ko̱ro̱k aye̱ yin baꞌ. I se gye̱r aye̱ yir ta se̱ agap kaye̱e̱r ritek Adakunom sang be kukuus itsi kuya naya baꞌ. Kukuus itsi kuya naya ti barang áner aya a ta kuus itsi iyong ike̱ng ikak baꞌ.

Ibrani 12:15

Sak yin riye̱ fan akak bu ni wei ni ritek Adakunom. Sang tu won yin akak tin wuruk kaye̱e̱r yin be amaan kuse nong a ta sak ákak ta wei baꞌ.

2 aTimoti 3:14

Amma, wan aTimoti, ya kasho̱o̱n be ike̱ng iya a tá ka bo̱so̱p'e, wan ren kunye katsak kamok wan ren kuri áner aya wan tá bo̱so̱p nufuba.

aLuka 21:34

“Sak yin riye̱, so̱. Sang tu won yin kuso̱ ike̱re̱ ne kuya kanu be kushim ike̱re̱ kazatse na ta sok kuto̱ro̱ng yin baꞌ, sang ke anong baꞌ, kunom'e tin be̱ ni yin niburum.

1 aTimoti 4:6

Ke wan bo̱so̱p ároneng itak na, to̱, wan ta te aner itomong aYeso Kiristi afe katsak, aya a tan rasak kaye̱e̱r rife̱ natoon kuno̱o̱k katsak be kubo̱so̱p kutek wan ta kuus'ong.

1 aTimoti 1:3

Kyo̱ndi mi tá tsang i fe̱ be wan nizen iya mi tá se niren kutseng na aMakidoniya ye, wan ri fan kaye̱e̱r kuwo̱p Afisa nong ta te̱ne̱ng áner'ong á ta bo̱so̱p ánerawe abo̱o̱s.

aRom 16:17

Kusuk yin ároneng, sak yin riye̱ be áfe a ta shim á ta shik kugung rice yin ne á ka sak yin ta kpas yin nike̱ng iya á tá ma ka bo̱so̱p yin'e. Kam yin be ba.

2 aTimoti 2:10

Kamok anong mi tsesek kaye̱e̱r koakye kamok áya Adakunom tá kasa nong ba gip ta ma se̱ kashesh na a ta se̱ kaye̱e̱r aYeso Kiristi ne kuyiik kufe izen izen.

1 aKoranti 9:27

Wayo, mi no̱o̱k kuro̱m'i risam nong ase̱ ku tin me̱ ninye ike̱ng iya riye̱ mi ta shim, fan mi be rice mi a bin won kpe̱de̱ng nama mi tan taas ákak Rife̱ Ritek aYeso'me.

Itomong Ámanzo 6:4

Yir tin te yir rice ni inye aduwa be kubo̱so̱p ánerawe rife̱ Adakunom.”

aMarkus 13:9

“Sak yin riye̱ be rice yin, á tà ka yising yin ne á tsees be yin ninaro̱ amok ne á ka tsosok yin natu aduwa. A ta tseng be yin nufe ágwomna ne ágwo̱m, kamok mi nong ta se̱ yin iren tú ku taas yin ba Rife̱ Ritek natoon'i.

aYakub 5:20

Yiring yin iyu, koangan ne a tu bun be aner rine̱n na amaan kunye wu, a tu ku shesh riku ne a kis rine̱n ri ta se gaan.

aTitus 2:15

Ka bo̱so̱p ba ike̱re̱ na. Ka tsesek ba ne i ka zhe̱e̱r ba be agbang kuto̱. Sang tu won akak ta ka zhe̱e̱sh baꞌ.

aKolosi 4:17

Tak yin Akipus ye a ra sak riye̱ nong a ta gang itomong'ong Agwo̱m Ágwo̱m tú ku no̱o̱k.

1 aKoranti 9:22

Nizen iya mi ta se be áner aya a ta be agap nabik baꞌ, mi sok rice mi kyo̱ndi aner a ta be agap nabik baꞌ, nong ase̱ ta ko̱ro̱k aye̱ ba. Mi kirik kuse nasho̱o̱n iriri ánerawe nong ase̱ ta nye koakye mi tana kyem i nye nong ta shesh ákak ba.

aRom 11:14

Be anong ne mi ti te riye̱ ye kashim áner'i, áner Isarela ta ka shishim yin, nong ákak ba ta se̱ kashesh.

aRom 2:7

Áner áya a ta tsesek kaye̱e̱r kunye ike̱re̱ itek nong a ta se̱ nakerek be kuyiik ne kutser kufe izen izen, ba ne Adakunom tà ka no̱o̱k ba ishorong kutser kufe izen izen.

Itomong Ámanzo 26:22

Amma Adakunom ti se̱ mo ma nizen iyu, kamok anong ne mi nyeseng aze i ta taas asho̱n be inoon. Sang mi fe̱ ike̱ng ikak ze̱e̱r be rife̱ áner kuzarap ne iya aMusa tá fe̱ baꞌ.

aFilimon 1:19

Mi, aBulus, ne i sen ka zibir kufumung na be kubo̱k'i, ye mi ta ka karang. Sang tu fe̱ i tak kutser kufas wan tá se̱ kamok mi baꞌ.

1 aTasalonika 2:16

A ti roon yir kutaas ánerawe áya a ta nye áner aYahuda baꞌ rife̱ Agwo̱m Ágwo̱m yir nong fan á bu se̱ kashesh. Be kunye anong ne ba ti barang kutusung rine̱n ba, amma kyo̱o̱rna riye̱ kubeseng Adakunom n min tiik natoon ba.

1 aKoranti 1:21

Be kukyem Adakunom, ánerawe nazatse na kyem a tu ren be kukyem kufe rinerawe baꞌ. Adakunom di i tu se gye̱r a tà shesh aya a ti no̱o̱k katsak ni wu be iren kutaas Rife̱ Ritek riya a ta di kyo̱ndi rifunam.

1 aTimoti 4:15

Nye tatan be ike̱re̱ na, ni te rice wan ninye ike̱re̱'me cei nong koangan ta di kuya kasho̱o̱n wan.