Biblia Todo Logo
Bib sou entènèt

- Piblisite -




1 aTimoti 4:12 - Izere New Testament

12 Sang tu won akak ta ka zhe̱e̱sh ye kamok wan ta ru nye acam baꞌ, amma sak riye̱ be rife̱ wan be kuri kutseng wan ne kuri kushim wan be kuno̱o̱k katsak wan ne kuse zhe̱l wan nong ase̱ wan ta sor ike̱ng kumaas nufe áfikuus.

Gade chapit la Kopi




1 aTimoti 4:12
19 Referans Kwoze  

Kaye̱e̱r koakye wan sor ike̱ng ba tanin nye kumaas natoon'e be kunye ike̱ng iya i ta nye itek. Kaye̱e̱r kubo̱so̱p wan, nye be riye̱ rizining ne katsak,


Kam be kushim amaan ike̱re̱ kuri ife ricam ne i ni te rice ni itse̱r kusor kuzhe̱l'e, ne kuno̱o̱k katsak be kushim ne kusor caang, mak be áfikuus áfudang wan á ta yis kaye̱e̱r riyerek Adakunom be riye̱ zhe̱l.


Nye koakye kuri ike̱ng iya wan tana kyem i nye nong ta tonong ye wan nye aner aya Adakunom tá kasa. Sang tu sor aner itomong aya a ta fok isum baꞌ, ne i bo̱so̱p rife̱ katsak gye̱r.


Tin nye yin rigwo̱m natoon ba be agap baꞌ, sor yin kusor kuri kuya ba tana kuus ane̱e̱ yin.


Kuus yin ane̱e̱ mi kyo̱ndi mi ta kuus afe Kiristi.


Yin kuus yin ane̱e̱ yir ne afe Agwo̱m Ágwo̱m yir, yin so̱ yin risam gye̱rtatan, amma yin shan yin rife̱ Adakunom'me be riye̱ rikan riya Kabik Kazhe̱l'e tá ka no̱o̱k yin.


Ka bo̱so̱p ba ike̱re̱ na. Ka tsesek ba ne i ka zhe̱e̱r ba be agbang kuto̱. Sang tu won akak ta ka zhe̱e̱sh baꞌ.


“Sak yin riye̱ sang yin tu zhe̱e̱sh yin azining kaye̱e̱r azhizhe̱k'e na baꞌ, kamok mi kun ka tak yin ye, ámaleka ba kaye̱e̱r kaza yiir iye̱re̱k kanyisi Ada mi a ta se kaye̱e̱r kaza.


Ni i nye kuto̱ro̱ng natoon ike̱re̱ iya mi ta sen fe̱ be wan kamok Agwo̱m Ágwo̱m tà ka barang mo akanang nong tà ren koakye ike̱ng.


Angan ne a be kukyem ne a ren ikeng kaye̱e̱r yin e̱? Won a tu tonong be kuse wu kutek, be kunye kutek ne kumees rice riya ri ta ne kaye̱e̱r kukyem.


Amma kukyem ku ta ne naza, nime̱se̱ng'e cice̱r se jel ne kushim kutek be kuto akak, ne kumees rice, be kuro̱ riye̱ kunye kutek kufe katsak dar kushim rice.


To̱, ároneng, nigang'e, koakye ike̱ng i ta nye katsak, koakye ike̱ng ánerawe ta di yiik ne koakye ike̱ng i ta se gye̱r, be koakye ike̱ng i ta se zhe̱l ne koakye ike̱ng ánerawe ta shim be koakye ike̱ng i ta be riyerek ritek, kaꞌ, koakye ike̱ng kuse i ta nye itek dide̱ng ne i be nakerek. To̱ yin natoon ike̱ng kuri iyu.


Yin ta kyem i fe̱ yin be rice yin, Adakunom gip a ren kuri kusor kuya yir tá sor yir nasho̱o̱n yin áfikuus, yir sor yir zhe̱l be katsak a kun ni se̱ yir be kudaam baꞌ.


A ti shining be ritek Agwo̱m Ágwo̱m yir dide̱ng, ne a ni no̱o̱k kuno̱o̱k katsak ne kushim kuya ku ta se kaye̱e̱r aYeso Kiristi.


Swiv nou:

Piblisite


Piblisite