1 aTimoti 4:1 - Izere New Testament

¹ To̱, Kabik ti tonong yir kanang ye kaye̱e̱r inom igang'e, ánerawe ákak ta won kuno̱o̱k katsak kufe áfikuus nong á ta kuus nabik nafe na ta wo̱ro̱k ánerawe ne ike̱re̱ iya amaan nabik ta bo̱so̱p ánerawe'me.

1 aTimoti 4:1 Referans Kwoze

2 aBitrus 2:1

Kyo̱ndi áner kuzarap áfe abo̱o̱s tú ku se kaye̱e̱r ánerawe Adakunom'me gbugbang, anong ne áner kubo̱so̱p áfe abo̱o̱s ákak tà wuruk kaye̱e̱r yin. Á ta be̱s be kubo̱so̱p kukak kyo̱o̱n, á ta bo̱so̱p ánerawe abo̱o̱s ma á tù ku beseng ba ma ánerawe tà gaar Agwo̱m Ágwo̱m aya a tá ka shesh ba. Ku nye anong ta sak ba be rice ba ta kpa zizirik.

aZhud 1:18

Á tá ka tak yin ye, “Kaye̱e̱r inom igang'e, áner ákak tu ku se áya a tana ka kok yin'e ne á kuus ike̱re̱ riye̱ ba sang ife Adakunom baꞌ.”

2 aBitrus 3:3

Agbang ike̱ng mi ta shim yin tu ren yin ye kaye̱e̱r inom igang'e, áner ákak á tana nye áfe zhe̱e̱sh karo̱ tà wuruk ne á nye ámaan ike̱re̱ aye̱ ba ta shim. Á tà ka mas yin,

aZhud 1:4

Mi fe̱ anong, kamok áner kuri ákak n no̱ kaye̱e̱r yin kyo̱o̱n. Á fok inyim Adakunom baꞌ. Á sok ritek Adakunom nong ri ta te iren kunye kpe̱de̱ng. Á ton'e aYeso Kiristi ye sang wu ne a nye Atekasa ne a nye Agwo̱m Ágwo̱m yir baꞌ. Kum gbugbang a tsang a zibir ye a tú ku to̱ ba amok.

2 aKoranti 11:3

Amma mi fok inyim ye ike̱ng iya i tase aHawa ta ka se̱ yin. Iwhen tu wo̱ro̱k be ritse̱ng wu ma a nye rine̱n. Anong ne a ta kyem a sak kuto̱ro̱ng yin ta te kpe̱de̱ng, fan yin bun won dar i no̱o̱k yin rice yin cice̱r nong ta se yin zhe̱l nasho̱o̱n aKiristi baꞌ.

2 aTimoti 3:13

Amma ámaan aner ne áner á ta sok rice ba á ta gor karo̱ ba tu kuse tin barang kute amaan'e dide̱ng ma a tà wo̱ro̱k ánerawe whe̱r ne á ma ka wo̱ro̱k ba.

1 aYohana 4:6

Amma yir, yir nye yir áfe Adakunom, koangan afe a ta nye afe Adakunom ti fok yir. Aya a ta nye afe Adakunom baꞌ, ti fok yir baꞌ. Anong ne yir kyem i ren yir Kabik kafe ka ta be katsak ne kafe abo̱o̱s.

aYohana 16:13

Amma izen iya ife Kabik kafe katsak'e be̱, a tà ka tonong yin iren katsak cei kamok sang, a tà fe̱ rife̱ rice wu baꞌ. Ike̱ng iya wu ta foos tsek ne wu tà fe̱. A tà bun a tà ka taas yin ike̱re̱ iya i ta rusek, nong a tà ra nye.

1 aYohana 2:18

Inoon'i, yin aya mi ta shim, won ta ka tak yin, inom na nye izen gang'e. Kyo̱ndi yin tá fok yin ye ámudo̱n aYeso Kiristi tà be̱, kyo̱o̱rna gip ámudo̱n'e m be̱ whe̱re̱. Kamok anong yir ren yir ye inom igang'e m be̱ bubarak.

Ike̱ng a ta tonong aYohana 2:11

Aner aya a ta be ato kufok a ra fok ike̱ng iya Kabik ta fe̱ be ikilisiya. Aner aya a ta canang kazatse, riku rife̱ afa tu ku se̱ baꞌ, ko cie̱k.

2 aTimoti 4:4

Ánerawe ta raba kufok katsak, amma á ta ban á shim kufoos atin afekasho̱o̱n ingya.

Ike̱ng a ta tonong aYohana 20:10

Ne amaan aner, aya a tá ka wo̱ro̱k ba ame, a tù ku barak kaye̱e̱r icen kuro̱ng kuya ku ta cishek dide̱ng ne itong ikan kyo̱ndi ife abindiga. A tù ku barak naro̱ kazining be kukewum ame ne áner kuzarap afe abo̱o̱s ame. Á tà so̱ risam azong kunom be katuk ma izen izen.

Ike̱ng a ta tonong aYohana 3:6

Aner aya a ta be ato kufok a ra fok ike̱ng iya Kabik ta fe̱ be ikilisiya.

Ike̱ng a ta tonong aYohana 2:29

Aner aya a ta be ato kufok a ra fok ike̱ng iya Kabik ta fe̱ be ikilisiya.

1 aBitrus 1:20

Wu ne Adakunom tsang a ku kasa nizham a ta ra nye kazatse, amma kamok yin ne a tu tonong nizen igang'e na.

Ike̱ng a ta tonong aYohana 18:2

A ta kuto̱ naza a tá fe̱ ye, “Kun kpa, ayiik kuwo̱p aBabila n kpa! Kun te karo̱ ítseng tu ku sor ne kasa koakye kuri amaan kabik be karo̱ kusor koakye kuri akpe̱rde̱k nanon naya na ta se kye̱re̱.

aKolosi 2:18

Aner akak shim ku tonong kuri kumees rice ba ta be ne á tonong ye ba ya ámaleka iben ne á shim ku ka zhe̱e̱sh yin ye kamok yin ta nye yin anong baꞌ, tin daam yin natoon ba baꞌ. Áner kuri ayong fe̱ ye ba ye̱re̱k ike̱ng ikak kyo̱ndi nabos, amma amaan kuto̱ro̱ng ba tu ku sak ba ta ya kuka kpe̱de̱ng tsek.

1 aKoranti 10:20

Wayo, asidaka áfurin ta nye, a nye kamok ámaan nabik sang kamok Adakunom baꞌ. Mi shim yin ta gung yin rice be amaan nabik baꞌ.

Ike̱ng a ta tonong aYohana 20:8

a tà wo̱ro̱k ánerawe cice̱r nikes kazatse inaas a ta yis ye aGok be aMagok. Ishetan tà ka tusung ba naro̱ kazining nong a tà ko̱n itsom. Rigwo̱m ánerawe'me ta se kyo̱ndi rize̱k isho̱ng.

Ike̱ng a ta tonong aYohana 19:20

Ayong a yiir kukewum ame mak be aner kuzarap abo̱o̱s aya a ta nye ike̱re̱ azhing be riyerek kukewum ame. Kamok ike̱re̱ azhing'e iyong ne i wo̱ro̱k áfe a tá be izizo̱ kukewum ame ne á ya ike̱ng kukewum'me ta nye iben. Cice̱r ba a tá barak ba be kutser kaye̱e̱r icen kuro̱ng kuya ku ta cishek dide̱ng ne itong ikak kyo̱ndi ife abindiga.

Ike̱ng a ta tonong aYohana 18:23

Akanang ta ba ya kaye̱e̱r kuwo̱p'e baba baꞌ. A tà ba fok akak ta sen nye riye̱ rikan kuwe̱ne̱ng kufas baba baꞌ. Agbang ázhik wan ne á nye ágbang áner kaye̱e̱r kazatse. Wan ne i bun i wo̱ro̱k ánerawe kazatse be kubok wan.

Ike̱ng a ta tonong aYohana 13:14

A no̱o̱k kukewum kufe afa'ong kukyem a tin nye ike̱re̱ azhing ne a ni wo̱ro̱k ánerawe kazatse dide̱ng nong a ta kare̱p kukewum kufe ime̱se̱ng'e riye̱. A ta sak ba á ta no̱k ike̱ng ikak i ta tas kukewum kufe ime̱se̱ng ame nong a tin tiyiik kukewum'me a tu ku man be kutsor gip be anong ku bun ku nye kutser.

Ike̱ng a ta tonong aYohana 9:20

Ribir ánerawe áfe sang á ta ka fe̱s ba be amaan ike̱re̱'ong baꞌ, gaar kushishing kuse ba nong á tà kam be ike̱re̱ ba tá nye be ibo̱k ba. Á ya kasho̱o̱n be kuya amaan nabik iben ne ike̱re̱ ba ta nye be izinariya ne azurfa be atso̱m ne ata be ikon ba tá nye be ibo̱k ba. Ike̱re̱'ong di karo̱ baꞌ, i fok kuto baꞌ, i kyem i tseng baꞌ.

Ike̱ng a ta tonong aYohana 3:22

Aner aya a ta be ato kufok a ra fok ike̱ng iya Kabik ta fe̱ be ikilisiya.”

Ike̱ng a ta tonong aYohana 3:13

Aner aya a ta be ato kufok a ra fok ike̱ng iya Kabik ta fe̱ be áfikuus.

Ike̱ng a ta tonong aYohana 2:17

Aner aya a ta be ato kufok a ra fok ike̱ng iya Kabik ta fe̱ be ikilisiya. Aner aya a ta canang kazatse, mi tù ku no̱o̱k naya a ta ne̱r a ta yis ye, amanna. Mi tù ku no̱o̱k kuta kukan a ta min zibir riyerek rifas natoon'e. Akak kuse a ta ren riyerek'e baꞌ, ma ke aner aya afe a ta shan kuta'me.

Ike̱ng a ta tonong aYohana 2:7

Aner aya a ta be ato kufok a ra fok ike̱ng iya Kabik ta fe̱ be ikilisiya. Aner aya a ta canang kazatse, mi tù ku no̱o̱k iren nong a tà ya kutes kakon kafe kutser kaya ka ta se riko̱ Adakunom.

1 aKoranti 12:11

Kabik kazining ne a nye ike̱re̱ na cice̱r, ne a no̱o̱k koangan kyo̱ndi wu ta shim.

Itomong Ámanzo 28:25

Kamok anong nanan ti no̱ kaye̱e̱r ba yong á san ku naka kaas nama aBulus ta fe̱ rife̱ be ba ye, “Aser, Kabik Kazhe̱l'e fe̱ katsak be átukop yin, a tá fe̱ be Ishaya aner kuzarap ye,

Itomong Ámanzo 17:18

Anong ne áner Abikuriya ákak ne áfe aSitoyik'e akak aya a tá ren ike̱ng dide̱ng nyim nong á tá ya nanan be wu. Ákak ba fe̱ ye, “Akye̱ ne agwo̱m riwo̱ng na shim a tá fe̱ e̱?” Ákak bun á fe̱ ye, “A shim ke ánerawe kuus itsi iduk gak ayi.” Á fe̱ anong kamok ba tá fok aBulus ta fe̱ rife̱ natoon aYeso ne itak kudorok ikom nure̱k.

Itomong Ámanzo 13:2

Nizen ba tá sen ya Adakunom iben ne á nye azumi yong Kabik Kazhe̱l'e fe̱ be ba ye, “Ni sak yin aBarnabas be Ashawulu nukim nong ase̱ á tin nye itomong iya mi tan sak ye ba tin nye'me.”

Ike̱ng a ta tonong aYohana 16:14

Ámaan nabik'e nye ítseng i tá nye ike̱re̱ azhing. Á tsees nufe ágwo̱m kazatse na cice̱r nong a ta ka tusung ba naro̱ kazining kamok itsom a tana ko̱n katuk agbang kunom Adakunom afe kukyem cice̱r.

aMatiyu 18:7

“Awo̱ be kazatse kamok ike̱re̱ i ta sak ánerawe ta nye rine̱n. Ike̱re̱'me tà be̱s dim, amma awo̱ be aner aya a tana sak akak ta nye rine̱n.

aLuka 17:1

aYeso fe̱ be álimazhiri wu ye, “Ike̱re̱ i tana sak ánerawe tana nye rine̱n tà be̱ dim. Awo̱ be aner aya a tana sak akak tana nye rine̱n.

Itomong Ámanzo 20:23

Igak ike̱ng iya mi ta ren nye, Kabik Kazhe̱l'e min tá ye kaye̱e̱r koakye agbang kuwo̱p kuya mi tú ku sor, mi ta so̱ risam dide̱ng ne a ni rosom itso̱m.

Itomong Ámanzo 21:11

A tá fa be̱ nufe yir ne a sok kudun aBulus tin rosom kutin wu a tin rosom ibo̱k be atak wu a tá fe̱ ye, “Kabik Kazhe̱l'e fe̱ ye ana ne áner aYahuda a ta se na aUshalima tà rosom atek kudun na, ne á no̱o̱k áner aya a ta nye áner aYahuda baꞌ.”

1 aKoranti 2:10

Amma Adakunom be Kabik wu ne a ti tonong yir ike̱re̱ na. Kabik'e ne ka ye̱re̱k koakye, be ike̱re̱ ife Adakunom i ta se tsik gip.

1 aKoranti 11:19

Anong gye̱r, nanan tin no̱ kaye̱e̱r yin nong ase̱ a ta ren áfe a ta nye áfe Adakunom be katsak.

aYakub 3:15

“Kukyem” kuyu ne naza baꞌ. amma kazatse, kuse jel baꞌ, kunye kufe amaan kabik.