1 aTimoti 3:6 - Izere New Testament

⁶ Sang aner'e tu nye aner afas nikuus baꞌ, ke anong baꞌ, a ta tsor kafok ma a no̱ kaye̱e̱r kuri amok a tá to̱ Amaan Aner'e.

1 aTimoti 3:6 Referans Kwoze

1 aTimoti 6:4

aner kuri ayong be kuka ne a ra ren ike̱ng ikak baꞌ. A be amaan ise ne a shim nanan be akikar natoon abaan azhizhe̱k rife̱ naya na tana be̱e̱n be rishishim be kuren ne ritok be amaan kuto̱ natoon akak,

1 aBitrus 5:5

Anong ne yin ácam gip, kuus yin ike̱ng iya ako̱k kasho̱o̱n ikilisiya yin ta ka tak yin. Cice̱r yin, mees yin rice nong ta naka nye yin itomong kamok i se ni izibir ye, “Adakunom rawu áya a ta kok rice naza, amma a nyesek áya a ta mees rice ritek wu.”

1 aBitrus 2:2

Se yin kyo̱ndi inoon nazhizhe̱k'e na ta shim kuso̱ ribasang. Anong ne yin gip be yin ifeng rife̱ Adakunom, kamok be anong ne yin tà rasak yin nong ta se̱ yin kashesh yin.

2 aKoranti 12:7

Nong fan mi bin ya kuka be ayiik ike̱re̱ mi tá dis'ong, ayong a ti tomong ike̱ng ikak kyo̱ndi ikiritsan kaye̱e̱r kuro̱m'i. Iyuna se kyo̱ndi aner kutom Ishetan nong a ta yiir ni nyesek risam.

1 aKoranti 8:1

To̱, natoon naya a tá nye kamok itsi, yir ren yir ye yir cice̱r yir ren ike̱re̱ dide̱ng. Kuren ike̱ng dide̱ng sak anerawe ta ya kuka, amma kushim be̱e̱n kuya kasho̱o̱n.

1 aKoranti 3:1

Katsak'e ároneng, mi kyem i fe̱ be yin kyo̱ndi áner aya a tan kyem ánerawe nabik baꞌ, mi fe̱ be yin kyo̱ndi áner aya a ta be kuto̱ro̱ng rinerawe, kyo̱ndi inoon nazhizhe̱k'e kaye̱e̱r aKiristi.

aZhud 1:6

Bun i yiring yin be ámaleka áya sang á tá kuus itsik rigwo̱m baꞌ, amma á won itsik ba ife ime̱se̱ng'e. Kuri ayong Adakunom ma ka te̱ne̱ng ba kaye̱e̱r awhi nong a tú ku rosom ba be idun atso̱m ife ma izen izen nong a tú ku to̱ ba amok katuk Agbang Kunom'e.

2 aBitrus 2:4

Ko ámaleka agbugbang, nizen á tá nye rine̱n, Adakunom tá won ba kyo̱o̱n baꞌ, a tú ku barak ba kaye̱e̱r ribong kuro̱ng. A tú rosom ba kaye̱e̱r ibong i tá se tsik ne i se whi. Á ta tor kunom amok.

2 aTimoti 3:4

ne á naka mo̱o̱r ne á shim kunye ike̱re̱ gbashak ne á kok rice naza ne á shim ike̱re̱ kazatse ne inar Adakunom,

aLuka 10:18

Ayong aYeso fe̱ be ba ye, “Mi di Ishetan ta samang a ta kpa ni itsik wu kyo̱ndi iza ta tarang karo̱.

1 aTimoti 3:7

Ako̱k kasho̱o̱n ikilisiya ra nye aner aya áfurin ta fe̱ itek natoon wu, fan á bu ku te isum ne a kpa nubo̱k Amaan Aner.