1 aTimoti 3:4 - Izere New Testament

⁴ A ra nye aner a ta kyem a ni sak riye̱ na áfekari wu, ne inoon wu ku no̱o̱k kuyiik wu ne á ku fok kuto.

1 aTimoti 3:4 Referans Kwoze

aTitus 1:6

Ako̱k kasho̱o̱n ikilisiya ra nye aner aya a se gye̱r nasho̱o̱n ánerawe, aner a ta be abining azining, inoon wu ra nye afikuus sang á tu se kpe̱rde̱k ka á tu shonong baꞌ.

1 aTimoti 3:12

aDikon ra nye aner aya a ta be abining azining ne a ren ku ni sak riye̱ ni inoon wu be áfekasa wu gye̱r.

aTitus 2:2

Bo̱so̱p ásho̱n iren kuse tatan, á ra be kuyiik, á ra be kuyiir rice ne á se gye̱r kaye̱e̱r kuno̱o̱k katsak ba, be kushim kufe katsak ne kutsesek dide̱ng.

Itomong Ámanzo 10:2

Wu be áfe kasa wu cice̱r nye áfikuus'e, ne a fok inyim Adakunom. Á tobok áfe rizor áya a tá nye áner aYahuda dide̱ng, á kam be kunye aduwa baꞌ.

aTitus 2:7

Kaye̱e̱r koakye wan sor ike̱ng ba tanin nye kumaas natoon'e be kunye ike̱ng iya i ta nye itek. Kaye̱e̱r kubo̱so̱p wan, nye be riye̱ rizining ne katsak,

aFilipi 4:8

To̱, ároneng, nigang'e, koakye ike̱ng i ta nye katsak, koakye ike̱ng ánerawe ta di yiik ne koakye ike̱ng i ta se gye̱r, be koakye ike̱ng i ta se zhe̱l ne koakye ike̱ng ánerawe ta shim be koakye ike̱ng i ta be riyerek ritek, kaꞌ, koakye ike̱ng kuse i ta nye itek dide̱ng ne i be nakerek. To̱ yin natoon ike̱ng kuri iyu.

Afisa 5:24

To̱, kyo̱ndi áfikuus ta kuus aKiristi anong ne ányining ta ma kuus atek ba kaye̱e̱r koakye.