1 aTimoti 3:3 - Izere New Testament

³ sang a tu nye aner a ta mak a so̱ kugbe̱re̱ baꞌ, sang aner a ta shim kuren baꞌ, a ra nye aner a ta se whiwhe̱ sang a tu nye aner a ta mak a shim itso̱m baꞌ.

1 aTimoti 3:3 Referans Kwoze

aTitus 1:7

Kum ako̱k kasho̱o̱n ta nye aner itomong Adakunom, a ra nye aner aya sang a tana ku se̱ be ike̱ng ikak imaan'e baꞌ. Sang a tu nye aner aya a ta kok rice naza baꞌ, ka afe riye̱ rife ka aner a ta so̱ kugbe̱re̱ ma a ta feng'e, ka aner a ta shim kuren ka aner aya a ta ma ka shim itso̱m baꞌ.

aTitus 3:2

Bun i fe̱ be ba ye sang a tu fe̱ amaan rife̱ baꞌ, á ra shim kusor caang ne á se whiwhe̱ be ánerawe ne á mees rice ba nasho̱o̱n koangan.

Afisa 5:18

Sang tu so̱ yin kugbe̱re̱ ma ta feng yin'e baꞌ, kamok iren kuwei ne i nye iyong, amma shining yin be Kabik Kazhe̱l'e n ingya.

1 aTimoti 3:8

Anong ne ádikon gip, á ra nye aner aya ánerawe tu ku sok ba yiik, sang áya a ta be nanu nafa baꞌ, ka áya a ta mak á so̱ kugbe̱re̱ baꞌ, ka a tu nye aner a ta mak a shim itso̱m baꞌ.

aYakub 4:1

Akye̱ ne be̱s be kuren, be riwo̱ng nanu kaye̱e̱r yin e̱? I be̱s kamok ike̱re̱ yin ta shim yin iya i ta nye itso̱m kaye̱e̱r aye̱ yin aꞌa?

1 aBitrus 5:2

yin rin sak yin riye̱ natoon ánerawe Adakunom áya a ta ma ka won yin'e amana'me nubo̱k. Ni sak yin riye̱ niba be riye̱ rizining kyo̱ndi Adakunom ta shim sang kaye̱e̱r riye̱ kubeseng baꞌ. Sang tu nye yin itomong kamok itso̱m tsek baꞌ, amma kamok ifeng yin ta be yin.

Ibrani 13:5

Kam yin be kuse kumak shim itso̱m, ne i ni fan yin nike̱ng iya yin ta be yin, kamok Adakunom fe̱ ye, “Mi ta ka won baꞌ, ko cie̱k mi ta ka barak nigaan'e baꞌ, ko cie̱k.”

aTitus 2:3

Anong ne anyako, kubo̱so̱p ba'me ye á ra nye kusor kuri kuya ku ta tas kufe ányining áya a ta nye afikuus, sang a tu be imok ka áya a ta mak á so̱ ike̱re̱ ma a ta feng'e baꞌ, amma á ra bo̱so̱p ánerawe ike̱ng iya i ta nye katsak.

Ike̱ng a ta tonong aYohana 1:9

Mi, aYohana, aronyining yin ne afudang yin kaye̱e̱r risam ne kaye̱e̱r rigwo̱m be kaye̱e̱r ku naka tsesek yir ku ta se kaye̱e̱r aYeso, a ti ro i ta tseng natoon rizik rikak a ta yis ye aPatmos kamok kutaas rife̱ Adakunom ne katsak aYeso ta tonong.

aZhud 1:11

Awo̱ be ba! Á sok kuse aKayinu. Kamok ba tá tse̱r ishorong zizirik á wor á kuus kuri rine̱n riya aBalam tá nye kamok kushim itso̱m. A ta ka fe̱s ba kyo̱ndi a tá fe̱r aKora kamok kushonong.

2 aBitrus 2:3

Kamok kuye̱re̱k ba, á tà ka wo̱ro̱k yin nong á ta ka mo̱o̱r yin be rife̱ re̱m re̱m. Amma kum gbugbang Adakunom ma ka te̱n ba amok riku. Amok ba ku se a sen ka tor ba.

aTitus 1:11

Wan ta roon áfe kubo̱so̱p kuri kufe abo̱o̱s'ong dim, kamok á tsang á beseng ánerawe na nasa ba be kubo̱so̱p ike̱ng iya i ta se gye̱r ke ba bo̱so̱p ánerawe'me baꞌ, nong á ta se̱ ike̱ng iya ba ta shim tsek.

1 aTasalonika 5:14

Yir bun i ka yis yin ároneng, zhe̱she̱k yin áya sang á ta shim kunye itomong baꞌ, tsesek yin áya a ta be kutsesek baꞌ, tobok yin áya sang á ta be agap baꞌ, se yin whiwhe̱ be koangan.

aRom 16:18

Kamok sang áner kuri ayong nye Agwo̱m Ágwo̱m yir aKiristi itomong baꞌ. Á nye nafa ba'me tsek. Á ren kanu ne á fe̱ re̱m re̱m ne á ti wo̱ro̱k ánerawe aya sang a ta ren ike̱ng ikak natoon'e baꞌ.

Itomong Ámanzo 20:33

Mi kun min te riye̱ nitso̱m ka ares akak baꞌ.

aMatiyu 21:13

Ne a fe̱ be ba ye, “I se ni izibir ye, ‘A tà yis kasa mi ye, kasa aduwa,’ amma yin n sok yin i ta min nye yin kutas ágbang ákpatang.”

2 aTimoti 3:2

Kamok ánerawe tà te áfe kushim rice, áfe kushim itso̱m dide̱ng, ne á te áfe ku ya kuka ne áfe kukok rice naza, ne á te áfe kukas naro̱ ne á gaar kufok átek ba ne á te dar kutonong riye̱ rikan ne á sor zhe̱l baꞌ,