1 aTimoti 3:16 - Izere New Testament

¹⁶ Akak ta kyem a fe̱ kuri kuyiik ku ta se nune̱re̱ng kaye̱e̱r iren ikuus yir na baꞌ. A tonong rice wu kaye̱e̱r kuro̱m, Kabik ti tonong yir ye a nye afe katsak. Ámaleka tú ku di, á fe̱ itak wu nasho̱o̱n ánerawe ze̱r ze̱r, á ti no̱o̱k katsak ni wu kaye̱e̱r kazatse cice̱r, a tu ku sok a ta tseng'e kaye̱e̱r kaza be kuyiik.

1 aTimoti 3:16 Referans Kwoze

aYohana 1:14

Rife̱'me te anerawe ne a sor kaye̱e̱r yir. Yir n di yir kuyiik wu, kuyiik kuya ku ta nye kufe asuze̱r Igon ku ta ne nufe Ada wu tsek, a ta shining be ritek ne katsak.

Ibrani 1:3

Igon'e ne ka nye akanang kuyiik Adakunom, a tas Adakunom kyo̱o̱n. A yiir koakye ike̱ng be kukyem rife̱ wu. Nama a tá sak yir ta te yir zhe̱l kaye̱e̱r rine̱n yir, yong a sonong nubo̱k riya Aya a ta nye a yiik'e kaye̱e̱r kaza.

aMarkus 16:19

Nama aYeso tá fe̱ anong be ba, a tú sok a tá tseng'e kaye̱e̱r kaza nong a ta se sonong nubo̱k riya Adakunom.

aRom 16:25

Won kuyiik tu sor kufe Adakunom, wu afe a tana kyem a tana ka sak yin ta nyeseng yin be agap kaye̱e̱r kuno̱o̱k katsak yin, natoon Rife̱ Ritek na mi ta taas natoon aYeso Kiristi, Rife̱ Ritek riya ri tin tonong yir ike̱re̱ iya sang a ta tsang a ren gbugbang baꞌ,

aLuka 24:4

Kum ne ba ru to̱ natoon'e, ne áner ákak ba afa be ares akan á tá gye̱se̱m ti wuruk nukim ba.

aKolosi 1:23

ke yin ya yin kasho̱o̱n be kuno̱o̱k katsak yin, ne i nyeseng yin kpa natoon'e. Sang tu won yin a ta ka zuur yin ma ta won yin ku ni te riye̱ riya yin ta min te yin nizen iya yin tá fok yin Rife̱ Ritek'e baꞌ. Rife̱ Ritek yin tá tsang i fok yin'ong ne a taas koakye kuri ánerawe á ta se nazatse ne mi aBulus ti te aner itomong'e.

1 aYohana 1:2

Wu ne a nye aya a ta nyesek kutser, a be̱ nufe ánerawe, yir tú ku di yir. Kamok anong yir sen ka taas yin rife̱ na natoon wu aya a ta nyesek kutser kufe izen izen. A se mak be Adakunom a ta nye Ada'me, amma Adakunom sak yir tú ku di yir.

1 aBitrus 3:22

aKiristi tseng kaye̱e̱r kaza, a se nubo̱k riya Adakunom, ámaleka cice̱r ne ribir áya a tin nye rigwo̱m natoon kaza se nubo̱k wu.

1 aBitrus 1:12

Adakunom tú ku tak ba ye sang ba nye itomong rice ba baꞌ, amma á tá nye yin'e nizen ba tá nye kuzarap'ong cice̱r. Kyo̱o̱rna áya a tá ka taas yin Rife̱ Ritek na, á tá ka taas yin kyo̱ndi Kabik Kazhe̱l'e kaya Adakunom tá tom'e kaye̱e̱r kaza ta ka tees ba. Ámaleka gip á shim kuren ike̱re̱ na dide̱ng.

aKolosi 2:2

Mi nye anong, nong ase̱ ba ta se̱ kutsesek kaye̱e̱r aye̱ ba, ne kushim kugung rice, kamok a nong á ta se̱ agbang kurum'ong, ku ta nye kuren ike̱ng cei, nong á ta ren kanye̱k Adakunom ka ta se nune̱re̱ng ka ta nye aKiristi.

aKolosi 1:27

Ba di ye Adakunom tá kasa ba nong á ta taas áner aya sang á nye áner aYahuda baꞌ, ku yiik ku ta se nune̱re̱ng, ike̱ng iya a ta ren'e baꞌ, nye aKiristi a ta se kaye̱e̱r yin. Iyong tonong ye yin ta sor yin mak be wu kaye̱e̱r kuyiik'e.

aKolosi 1:6

Rife̱ Ritek na sak ánerawe shining ne áya kasho̱o̱n kaye̱e̱r kazatse cei, kyo̱ndi ri tá nye kaye̱e̱r yin kum nizen ife yin tá san ku fok yin itak ritek Adakunom, ne i ren yin ye i nye katsak.

aLuka 22:43

Ayong amaleka ne naza nong a tú ku tsesek.

aMatiyu 3:16

Kum a tá fa nye aYeso abatisma ame ne a wuruk kaye̱e̱r ashi'me, ne kaza wor ka karak ne a di Kabik Adakunom kyo̱ndi abo̱p ti tiik ni wu.

1 aYohana 3:5

Amma yin ren yin ye ike̱ng i tá sak aYeso tá be̱ nye, nong a ta sok rine̱n yir. A nye rine̱n baꞌ.

Ibrani 12:2

Won tin sak yir anyisi na aYeso wu ne a ta nye ritin kuno̱o̱k katsak yir ne a nye aner aya a tana sak kuno̱o̱k katsak yir tanan mumak. A tsesek kaye̱e̱r risam riku wu kamok ike̱ng riye̱ rikan i ta se nasho̱o̱n. A fok isum riku wu natoon kukon baꞌ. Kyo̱o̱rna a se nusonong nubo̱k riya itsik rigwo̱m Adakunom.

1 aTimoti 3:9

Á ra nyeseng be agap natoon kunik kuno̱o̱k katsak a tin tonong yir dim be riye̱ rizining.

aYohana 20:12

Ne a di ámaleka afa nusonong be ares akan naro̱ kaya kukom aYeso'me tú ku se, akak nabas rice'me ne akak nabas atak'e.

aMatiyu 1:23

“Di yin, kanamang tà be kafa, a tà tes igon, a tù ku yis ye Imanuwel. (Imanuwel sor, Adakunom se mak be yir.)”

Ike̱ng a ta tonong aYohana 7:9

Nama anong, mi tá fa ye̱re̱k ne mi di rigwo̱m ánerawe whe̱re̱ riya sang akak tana kyem a fa baꞌ. Ánerawe'me nes kaye̱e̱r koakye kaben, ne kaye̱e̱r koakye irem be koakye kuri áner ne koakye izere, an nyeseng nasho̱o̱n itsik rigwo̱m ame nasho̱o̱n Aturuk'e. Á tes akpiin akan be afumung atarkai nibo̱k ba.

1 aBitrus 1:20

Wu ne Adakunom tsang a ku kasa nizham a ta ra nye kazatse, amma kamok yin ne a tu tonong nizen igang'e na.

Ibrani 7:7

Katsak'e, aner aya a ta te akak kuce̱ se yiik ne a ku nar aya a tu ku te'me.

Afisa 6:19

Nye yin aduwa kamok'i gip, nong ase̱ Adakunom tin no̱o̱k ike̱ng iya mi tana fe̱ nong mi tà taas ánerawe Rife̱ Ritek riya ri ta se nune̱re̱ng dar inyim dim.

Afisa 1:9

Adakunom sak yir ren yir ike̱ng wu iya i ta se nune̱re̱ng kyo̱ndi wu ta shim, iya a ta nye kanye̱k'e kaye̱e̱r aKiristi.

aGalati 4:4

Amma izen'e ta fa shining Adakunom tom igon wu, aner abining tá tes nizen Itsi aner aYahuda tá ru nye itomong,

1 aKoranti 15:47

A nye anerawe afe ime̱se̱ng'e be iben tsek, aner afe afa'me ne naza a tá be̱.

1 aKoranti 2:7

Wayo, yir fe̱ yir itak kukyem Adakunom kuya ku ta se nune̱re̱ng, kuya anerawe ta ren baꞌ, kuya Adakunom tá tsang a sak kum ni ime̱se̱ng'e nong ase̱ yir tin se̱ yir kuyiik.

aRom 10:18

Mi rip ana'ong, katsak'e ba fok aꞌa? A fok ko̱! Kyo̱ndi rife̱ Adakunom ta fe̱ ye, “Kuto̱ ba n tseng koake̱ kaye̱e̱r kazatse, rife̱ ba n tseng nigang kazatse.”

Itomong Ámanzo 20:28

Ni sak yin riye̱ rice yin, ne kukpara kuya Kabik Kazhe̱l'e ta ka sak yin'e nong ta sor yin áko̱k kasho̱o̱n. Ya yin kasho̱o̱n be kufek áfikuus Adakunom áya wu tá shan be naso̱k Igon wu.

aGalati 2:8

Adakunom aya a tin te kubo̱k ni itomong aBitrus ta nye kamok a ta nye amanzo nufe áner aYahuda, wu ne a ti te kubo̱k ni itomong'i nufe áner aya a ta nye áner aYahuda baꞌ.

aRom 9:5

Kunik ba ne kaye̱e̱r átukop átukop áya a tá ren dide̱ng. aKiristi, kaye̱e̱r kuto̱ro̱ng rinerawe wuruk kaye̱e̱r kuri ba. Won Adakunom aya a ti nye rigwo̱m natoon koakye tu se̱ nakerek ma izen izen. Anong!

Itomong Ámanzo 10:34

Ayong aBitrus kpaan rife̱ ye, “Kyo̱o̱rna ne mi ra ma ren ye i nye katsak, Adakunom kasa baꞌ.

aRom 8:3

Kamok ike̱ng iya Itsi aMusa tá kyem i nye baꞌ, be kuse kufe rinerawe, nye ike̱ng Adakunom tá nye nizen a tá tom igon wu kaye̱e̱r kuro̱m. A no̱o̱k nong a ta te asidaka rine̱n ne a yirik kukyem rine̱n kaye̱e̱r kuro̱m.

Itomong Ámanzo 14:27

Á tá fa se no̱ na Antakiya'me ne á tusung áfikuus á ta ka taas ba ike̱re̱ iya Adakunom tan nye nubo̱k ba. Á tá taas ba kuri iren iya Adakunom tá karak nong ase̱ áner aya a tá nye áner aYahuda baꞌ tin no̱o̱k katsak.

aYohana 16:28

Mi ne nufe Ada'me, i ta be̱ nazatse. Kyo̱o̱rna mi sen won kazatse'me nong tù ku bun nufe Ada'me.”

aYohana 13:3

aYeso ren ye Ada'me n won ike̱re̱ cice̱r nubo̱k wu ne a ren ye wu ne nufe Adakunom, nufu Adakunom'me ne wu tù ku bun.

aLuka 24:51

Kum ne an gang ku ka te ba kuce̱'me baꞌ, nong a ta kam be ba. A tú sok a tá tseng'e kaye̱e̱r kaza.

Ike̱ng a ta tonong aYohana 17:7

Ayong amaleka'me fe̱ be mi ye, “Kamok akye̱ ne wan fok azhing e̱? Mi tà ka te̱s ikpang abining na ne afe kukewum wu tin ngarak na, i ta be ace kanataar be atom kuso̱k.

Ike̱ng a ta tonong aYohana 17:5

A ti zibir riyerek rikak nati wu rife̱ sang akak ta ren ike̱ng i ta sor baꞌ ye, ababila ayiik'e, anyining inyak ágwo̱m cice̱r, anyining ike̱re̱ akye̱re̱ nazatse.

Ibrani 8:1

Rice rife̱ yir tin fe̱ yir se ye, yir be yir agbang atsi akak kyo̱ndi ayong afe a tá sonong nubo̱k riya itsik rigwo̱m Adakunom ayiik'e kaye̱e̱r kaza.

2 aTasalonika 2:7

Kamok amaan aner'ong n kpaan kunye itomong wu kyo̱o̱n kyo̱o̱n amma aner aya a tu ku te̱ne̱ng iren'e ta ya kasho̱o̱n be ku kute̱ne̱ng ma izen iya a tana ku tun azong.

2 aTasalonika 1:10

Katuk a tana be̱'ong, ázhe̱l'e afu tù ku tiyiik, áya a tin no̱o̱k katsak cice̱r tà te zhing be wu Katuk kayong mak be yin kamok yin ti no̱o̱k yin katsak natoon ike̱ng iya yir tá ka tak yin.

Itomong Ámanzo 1:19

Koangan a tá sor na aUshalima fok itak iyong, kamok anong a yis karo̱'me ni izere ba ye, “Akeldama” (i ta sor karo̱ naso̱k).

aYohana 17:5

To̱, kyo̱o̱rna Ada, ni tiyiik be kuyiik kuya mi tá be nasho̱o̱n wan nizham a tá ra nye kazatse.

aYohana 15:26

“Izen iya ne Aner Kutobok'ong be̱, aya a tana ne nufe Ada. Wu ne a nye Kabik kafe katsak. A tà fe̱ itak natoon'i.

aYohana 6:62

To̱, ke yin di yin Igon Anerawe sen kubun naro̱ wu tú ku ne ane̱ e̱?

aLuka 2:32

A ta nye akanang afe a tana tonong áner aya sang a ta nye áner aYahuda baꞌ, katsak, ne a be̱e̱n ánerawe wan Isarela kuyiik.”

aMarkus 16:5

Á tá fa no̱ kaye̱e̱r kure̱k'e, ne á di acam akak a tan te ares akan nusonong nabas kubo̱k riya, ne azhing tu yiir ba.

aMarkus 1:13

a sor azong kuko̱s iso̱k inaas ne Ishetan yiir kubo̱so̱p. aYeso se be ámaan ikewum azong ne ámaleka ni sak riye̱ ni wu.

aMatiyu 28:2

Iyong kaben wor ka zuur kamok amaleka Adakunom akak ne naza nong á tá be̱ tomong kuta'me ne á ni sonong natoon'e.

aMatiyu 13:11

aYeso fe̱ be ba ye, “Yin a ta no̱o̱k yin kukyem kuren ike̱re̱ rigwo̱m kaza, ike̱re̱ i ta se nune̱re̱ng. Amma ba a tu shim ba'me baꞌ.

aMatiyu 4:11

Iyong Ishetan tú ku won. Ámaleka be̱ nong a tin sak riye̱ na aYeso ame.

1 aBitrus 3:18

Kamok aKiristi so̱ risam ma a ku kamok rine̱n yir cice̱r kutak kuzining tsek, wu nye azhe̱l'e, amma a ku kamok áya sang á ta nye azhe̱l'e baꞌ nong a tà tseng be yir nufe Adakunom. A tú fe̱r nuro̱m amma Adakunom tú sak a dorok kaye̱e̱r kabik be kutser.

aRom 10:12

Kamok áner aYahuda be áya sang a ta á nye áner aYahuda baꞌ se ze̱e̱r baꞌ. Agwo̱m Ágwo̱m'me se azining, a ti nye rigwo̱m natoon koangan, ne a no̱o̱k koangan afe a ta yis kaye̱e̱r riyerek wu kurum wu washak,

aRom 3:4

Ko cie̱k, i se anong baꞌ. Adakunom ne a nye afe katsak dim; ánerawe be abo̱o̱s. Kyo̱ndi i ta se kaye̱e̱r izibir ye, “Nong ase̱ a ta ren ye, wan be katsak ke wan fe̱ kanu Ne wan tonong kanang ye wan nye aner katsak nizen iya a ta sen ka to̱ amok.”

aRom 16:26

amma kyo̱o̱rna a min tonong yir. Adakunom afe izen izen fe̱ be áner kuzarap wu ye a ra zibir natoon Rife̱ Ritek'e nong áfurin tin no̱o̱k katsak ne a ku kuus.

2 aKoranti 1:19

Kamok Igon Adakunom, aYeso Kiristi, aya yir be aSila ne aTimoti, tá fe̱ yir itak natoon wu ye, “Ei” ka “Wayo” baꞌ, amma koakye izen a nye “Ei.”

1 aBitrus 1:21

Kamok Adakunom tú ku dorok nure̱k a tú ku no̱o̱k kuyiik, iyong sak yir ti no̱o̱k yir katsak ne i ni te yir riye̱ na Adakunom'me.

1 aYohana 3:8

Amma aya a ta yiir nye rine̱n nye afe Ishetan kamok Ishetan n me̱ ne a nye rine̱n kum ni ime̱se̱ng'e. Iyu ne i sak Igon Adakunom'me tá be̱ nong a tà yirik ike̱re̱ Ishetan'e tá nye cei.

aLuka 20:44

“aDauda tú yis ye, ‘Agwo̱m Ágwo̱m.’ To̱, ne a bun a nye ane̱ a tà nye igon wu e̱?”