1 aTimoti 3:1 - Izere New Testament

¹ Rife̱ a tá fe̱ ye, “Koangan afe a ta be ifeng kute ako̱k kasho̱o̱n ikilisiya, aner'e be ifeng itomong itek,” i nye katsak.

1 aTimoti 3:1 Referans Kwoze

aTitus 1:7

Kum ako̱k kasho̱o̱n ta nye aner itomong Adakunom, a ra nye aner aya sang a tana ku se̱ be ike̱ng ikak imaan'e baꞌ. Sang a tu nye aner aya a ta kok rice naza baꞌ, ka afe riye̱ rife ka aner a ta so̱ kugbe̱re̱ ma a ta feng'e, ka aner a ta shim kuren ka aner aya a ta ma ka shim itso̱m baꞌ.

Itomong Ámanzo 20:28

Ni sak yin riye̱ rice yin, ne kukpara kuya Kabik Kazhe̱l'e ta ka sak yin'e nong ta sor yin áko̱k kasho̱o̱n. Ya yin kasho̱o̱n be kufek áfikuus Adakunom áya wu tá shan be naso̱k Igon wu.

1 aBitrus 5:2

yin rin sak yin riye̱ natoon ánerawe Adakunom áya a ta ma ka won yin'e amana'me nubo̱k. Ni sak yin riye̱ niba be riye̱ rizining kyo̱ndi Adakunom ta shim sang kaye̱e̱r riye̱ kubeseng baꞌ. Sang tu nye yin itomong kamok itso̱m tsek baꞌ, amma kamok ifeng yin ta be yin.

1 aTimoti 1:15

Rife̱ a tá fe̱ ye, “aYeso Kiristi be̱ kaye̱e̱r kazatse nong a ta shesh áfe rine̱n,” ri nye katsak ne ri nye ike̱ng kushan cice̱r kamok kaye̱e̱r áfe rine̱n cice̱r mi ne i nar'e.

1 aBitrus 2:25

Kamok yin tsang i se yin kyo̱ndi itsamang iya i ta te shaam, amma kyo̱o̱rna yin mu ku bun yin nufe Afek ne Ako̱k Kasho̱o̱n kutser yin.

Ibrani 12:15

Sak yin riye̱ fan akak bu ni wei ni ritek Adakunom. Sang tu won yin akak tin wuruk kaye̱e̱r yin be amaan kuse nong a ta sak ákak ta wei baꞌ.

2 aTimoti 2:11

Rife̱ na nye katsak, rita fe̱ ye, “Ke yir kus yir mak be wu, yir tà bun i sor yir mak be wu;

1 aTimoti 4:9

Rife̱ na nye katsak, i se gye̱r koangan ta shan ibo̱k ifa.

aFilipi 1:1

Mi, aBulus ne aTimoti, i ta nye yir ásam aYeso Kiristi, ne i sen ka zibir yin kufumung na yin azhe̱l cice̱r áya a tá kuus aYeso Kiristi na aFilipi. Yir bun i nye shou yir áko̱k kasho̱o̱n ikilisiya ne ádikon.

aLuka 15:10

Anong ne i ta se gip, mi ta tak yin, ámaleka Adakunom tà nye riye̱ rikan ke afe rine̱n azining shishing kuse wu nong a ta shan Adakunom.”

aTitus 3:8

Rife̱'me nye katsak. Kamok anong mi shim wan ta fe̱ rife̱'me ne i bun i toos'e, nong áya a ta min no̱o̱k katsak na Adakunom tà ya kasho̱o̱n be kuno̱o̱k rice ba nong á ta nye ike̱ng iya i ta nye itek. Ike̱re̱ na nye itek ne i se gye̱r be koangan.

Afisa 4:12

A nye anong, nong a tá nye kanye̱k áner Adakunom tu ku nye itomong ne a no̱k kuro̱m aKiristi.

Itomong Ámanzo 1:20

“Kamok a zibir kaye̱e̱r kufumung aZabura ye, “ ‘Kasa wu ra sor kakoor, sang akak tin sor kaye̱e̱r'e baꞌ.’ “Ne a bun a zibir kaye̱e̱r aZabura'me ye, “ ‘Won akak tu ku nye itomong rice wu.’

1 aBitrus 4:15

Amma ke yin ta so̱ yin risam sang ri tu se kamok yin tá fe̱s yin ákak ka kamok i nye yin itsang ka ike̱ng ikak imaan'e, ka kamok yin tin no̱o̱s yin nike̱re̱ ánerawe baꞌ.

1 aTasalonika 5:14

Yir bun i ka yis yin ároneng, zhe̱she̱k yin áya sang á ta shim kunye itomong baꞌ, tsesek yin áya a ta be kutsesek baꞌ, tobok yin áya sang á ta be agap baꞌ, se yin whiwhe̱ be koangan.

aRom 11:13

To̱, yin áya sang i ta nye yin áner aYahuda baꞌ, mi fe̱ be yin. Kum mi ta nye amanzo nufe yin, mi tin ya kuka ni itomong'i.