1 aTimoti 2:8 - Izere New Testament

⁸ Mi shim koake̱, atek ra kok ibo̱k ba naza nong á ta nye aduwa dar riye̱ kubeseng ka be nanaan baꞌ.

1 aTimoti 2:8 Referans Kwoze

Ibrani 10:22

Won tu be̱ yir bubarak be Adakunom be riye̱ rizining, be kuno̱o̱k katsak kamok aYeso ti mis naso̱k wu na agak aye̱ yir. A bun a kusu iro̱m yir be ashi a ta se zhe̱l.

aTitus 3:8

Rife̱'me nye katsak. Kamok anong mi shim wan ta fe̱ rife̱'me ne i bun i toos'e, nong áya a ta min no̱o̱k katsak na Adakunom tà ya kasho̱o̱n be kuno̱o̱k rice ba nong á ta nye ike̱ng iya i ta nye itek. Ike̱re̱ na nye itek ne i se gye̱r be koangan.

aYakub 4:8

Be̱ yin bubarak be Adakunom nong wu ta be̱ bubarak be yin, kusu yin ibo̱k yin, yin áfe rine̱n, nye yin aye̱ yin tu te jel, yin áfe agak aye̱.

aLuka 24:50

Ayong aYeso tú ko̱k ba kasho̱o̱n nong á tá wuruk niren bubarak be aBetani, ne a sok ibo̱k naza a tú ku te ba kuce̱.

1 aBitrus 3:7

Yin átek gip, ren yin kuri kusor kuya yin tana sor yin be ányining yin. Ba be agap kyo̱ndi yin baꞌ. Ku tiyiik yin ba kamok yin be ba cice̱r, yin shan yin ayiik kutser Adakunom nawarak mak. Nye yin anong fan ike̱ng ikak bu te̱ne̱ng aduwa yin.

1 aTimoti 5:14

Mi nar ku shim ákumung áya a ta ru nye nanamang ra nye iwe̱ne̱ng nong á ta tes inoon ne á ni sak riye̱ ninasa ba fan á bu no̱o̱k ámudo̱n iren naborok.

Itomong Ámanzo 21:5

Amma izen kudorok yir tá fa nye ne yir ya yir kasho̱o̱n be kutseng yir. Áfikuus ányining ba atek ne inoon cice̱r ti te yir niren ma nama kuwo̱p'e. I tigbok yir akuur i ta nye yir aduwa nanu agbang kudung.

Itomong Ámanzo 10:4

Iyong aKoneliyus'e tisak anyisi ni wu be inyim a tá fe̱ ye, “Akye̱ de̱ Agwo̱m Ágwo̱m e̱?” Ayong amaleka'me shim ye “Adakunom n yiring be wan, aduwa aya wan tá nye be kutobok kuya wan ta tobok áfe rizor n ngarak nufe Adakunom.

Itomong Ámanzo 10:2

Wu be áfe kasa wu cice̱r nye áfikuus'e, ne a fok inyim Adakunom. Á tobok áfe rizor áya a tá nye áner aYahuda dide̱ng, á kam be kunye aduwa baꞌ.

Itomong Ámanzo 7:60

Ayong a tigbok akuur a tá ta kuto̱ naza ye, “Agwo̱m Ágwo̱m, tu fa rine̱n na natoon ba baꞌ.” A tá fa fe̱ anong ne a kpa kaben a tá ku.

1 aKoranti 7:7

Ánerawe cice̱r fa se kyo̱ndi mi ke iwe̱r. Koangan anerawe ra be kunang kuya Adakunom tu ku no̱o̱k, akak be kuri kuyu ne akak be kuri kukya.

Itomong Ámanzo 10:31

A tá fe̱ ye, ‘aKoneliyus, Adakunom n fok aduwa wan ne a yiring be kutobok kuya wan tá tobok áfe rizor.

aYohana 4:21

Ne aYeso fe̱ be wu ye, “Ni no̱o̱k katsak ni mi, aner abining, izen saase ife yin tana ya yin Ada'me iben nawhanang na ka na aUshalima baꞌ.

aLuka 23:34

Ne aYeso fe̱ ye, “Ada, ku re̱ng ba'me, kamok á ren ike̱ng ba ta nye baꞌ.” Ne á kasap ares wu be ku ni barak ica ikiriwhe̱r.

aMatiyu 21:21

aYeso fe̱ be ba ye, “Katsak'e ne mi ta ka tak yin, yin gip ke yin no̱o̱k yin katsak sang ke riye̱ yin se gak baꞌ, yin ta kyem i nye yin ike̱ng iya i ta nar iya mi tá nye be ritin atafo na, yin ta kyem fe̱ yin be rifan na ye, ‘Dorok ta se kpa kaye̱e̱r agbang kudung,’ ku tà nye anong.

aMatiyu 5:44

Amma mi fe̱ be yin kyo̱o̱rna'me ye: Shim yin ámudo̱n yin, ne nye yin áfe á ta ka tabak yin aduwa.

aMatiyu 6:12

Ni re̱ng yir rine̱n yir, kyo̱ndi yir tá re̱ng yir áya afe a tin nye yir rine̱n.

1 aKoranti 1:2

Yin áfikuus Adakunom i ta se yin na aKoranti áya a tá te ázhe̱l'e, áya a tá ka yis ba nong á tà sor zhe̱l kaye̱e̱r aYeso aKiristi, mak be áner aya a ta se koake̱, á ta yis riyerek Agwo̱m Ágwo̱m yir aYeso Kiristi, a ta nye Agwo̱m Ágwo̱m ba, ne a nye Agwo̱m Ágwo̱m yir cice̱r.

2 aKoranti 2:14

Amma mi be riye̱ rikan be Adakunom, wu aya a tin ko̱k yir kasho̱o̱n ye̱r ye̱r nong yir ta canang yir kazatse kamok aKiristi. A tin nye itomong be yir nong tà tseng yir be itak aKiristi koakye kyo̱ndi name na ta be iko̱o̱n itek ta nyus dide̱ng.

aFilipi 1:12

Ároneng, mi shim ke yin ren yin ye, ike̱ng iya i tin se̱ sak iren kutaas Rife̱ Ritek tin barang kuya kasho̱o̱n.

1 aTasalonika 1:8

Yin sak yin rife̱ Agwo̱m Ágwo̱m tá no̱ koake̱ sang kaye̱e̱r iben aMakidoniya ne Akaya tsek baꞌ, amma koake̱ ren kuri kuno̱o̱k katsak yin ta be yin kaye̱e̱r Adakunom sang ma yir ba bun i fe̱ yir ike̱ng ikak natoon'e baꞌ.