1 aTimoti 2:7 - Izere New Testament

⁷ Kamok ike̱re̱ iyong ne a ti kasa nong a ta te amanzo ne aner awazi. Mi te aner aya i ta bo̱so̱p áner aya a ta nye áner aYahuda baꞌ, itak kuno̱o̱k katsak ne katsak. Katsak ne mi fe̱ be wan sang abo̱o̱s baꞌ.

1 aTimoti 2:7 Referans Kwoze

Itomong Ámanzo 9:15

Amma Agwo̱m Ágwo̱m fe̱ be Ananiya'me ye, “Tseng, aner na nye ares itomong'i aya mi tá kasa nong a tà tseng be riyerek'i nufe áya sang a ta nye áner aYahuda baꞌ be ágwo̱m ba ne áner Isarela ren.

2 aTimoti 1:11

Kamok Rife̱ Ritek'e ne Adakunom ti kasa mi nong tá te aner kunye awazi ne i te amanzo ne i te aner kubo̱so̱p ánerawe'me.

aRom 9:1

Katsak'e, ne mi fe̱ kamok aKiristi, sang mi bo̱ abo̱o̱s baꞌ, kaye̱e̱r kuto̱ro̱ng'i ne ike̱ng iya Kabik Kazhe̱l'e tin tonong, mi no̱o̱k katsak ye i nye katsak.

aRom 15:16

nong ta te aner itomong aYeso Kiristi nufe áya sang á ta nye áner aYahuda baꞌ. Mi nye itomong ritsi i ta taas Rife̱ Ritek Adakunom, nong aya sang a ta nye áner aYahuda baꞌ, ta sor asidaka Adakunom tana shan, áya Kabik Kazhe̱l'e tu ku sak ba á ta te zhe̱l.

aGalati 2:9

aYakub be aBitrus ne aYohana áya a ta sor itsik'e ti shan be aBarnabas ibo̱k ifa nizen iya ba tá di ritek Adakunom tin no̱o̱k yir. Á shim ye yir ri tseng yir nufe áner aya a ta nye áner aYahuda baꞌ, nong ba ta tseng nufe áner aYahuda.

aGalati 1:20

Mi be Adakunom mi, ike̱ng iya mi ta sen ka zibir yin'e na nye abo̱o̱s baꞌ.

aGalati 1:16

nong a tin karak anyisi nong tá ren Igon wu aYeso, nong ase̱ mi ta nye awazi Rife̱ Ritek natoon wu nufe áner aya sang á ta nye áner aYahuda baꞌ. A tá nye anong sang mi tse̱r ibo̱ro̱ng nufe akak baꞌ.

aRom 11:13

To̱, yin áya sang i ta nye yin áner aYahuda baꞌ, mi fe̱ be yin. Kum mi ta nye amanzo nufe yin, mi tin ya kuka ni itomong'i.

2 aBitrus 2:5

Nizen agbugbang, áner aya a tá nye anyas gip, Adakunom tú ku won ba baꞌ. Adakunom tu ku fe̱s ba be amaan ashi nizen aNuhu. Amma a shesh aNuhu, aner a nye awazi katsak be ribir ánerawe kanataar ne a gaar tsek.

aGalati 3:9

Ibrahim tin no̱o̱k katsak na Adakunom yong a tú ku te kuce̱, anong ne koangan ne ke a ti no̱o̱k katsak na Adakunom, a tu ku te kuce̱ mak be Ibrahim.

2 aKoranti 11:31

Adakunom ne a nye Ada Agwo̱m Ágwo̱m yir aYeso, aya a tana ku kerek ma izen izen, ren ye mi sen bo̱s abo̱o̱s baꞌ.

aRom 10:14

To̱, ane̱ ne ba ta yis aner aya afe sang ba tin no̱o̱k katsak baꞌ e̱? A ta nye ane̱ á tin no̱o̱k katsak na aner aya ba ta kum ku fok baꞌ e̱? Ne á nye ane̱ á ta fok ke akak tu ku nye ba awazi baꞌ e̱?

Itomong Ámanzo 26:20

Ni ime̱se̱ng'e, mi san kutaas áner aDamaskus rife̱ Adakunom ne áya a ta se na aUshalima ne áfe iben aYahuda cice̱r. Mi bun i taas áya sang á ta nye áner aYahuda baꞌ, ye á ra shishing kuse ba nong á tu ku bun nufe Adakunom ne á nye ike̱re̱ iya i tana tonong ye ba n shishing kuse ba.

Itomong Ámanzo 22:21

“Iyong Agwo̱m Ágwo̱m'me fe̱ be mi ye, ‘Mi ta ka tom tsik nufe áner aya sang a ta nye áner aYahuda baꞌ.’ ”

Itomong Ámanzo 14:27

Á tá fa se no̱ na Antakiya'me ne á tusung áfikuus á ta ka taas ba ike̱re̱ iya Adakunom tan nye nubo̱k ba. Á tá taas ba kuri iren iya Adakunom tá karak nong ase̱ áner aya a tá nye áner aYahuda baꞌ tin no̱o̱k katsak.

aYohana 7:35

Áner aYahuda'me fe̱ awan ba ye, “Ake̱ ne wu be, yir tana kyem i tseng yir baꞌ e̱? Ka a be nufe ánerawe yir áya a ta te shaam á ta sor be áner aHeleni, nong a bo̱so̱p áner aHeleni'me a?

aGalati 2:16

Yir ren yir ye sang ánerawe te aner azhe̱l'e nasho̱o̱n Adakunom ke a kuus Itsi aMusa baꞌ, amma kamok ku nino̱o̱k katsak wu na aYeso Kiristi. Yir gip yir min no̱o̱k yir katsak na aYeso Kiristi'me nong ta te yir ázhe̱l'e nasho̱o̱n Adakunom. Yir te yir zhe̱l kamok ku ni no̱o̱k katsak yir na Kiristi, sang kamok ku kuus Itsi baꞌ. Kamok kukuus Itsi ne ku ta sak aner akak ta te azhe̱l'e nasho̱o̱n Adakunom baꞌ.

aRom 1:9

Adakunom aya mi tu ku nye itomong be riye̱ rizining kaye̱e̱r kutaas Rife̱ Ritek Igon wu aYeso, ren kuri aduwa mi ta yiir nye ne i yiring be yin.

1 aKoranti 9:1

Yin ren yin ye mi se washak aꞌa? Mi nye amanzo aꞌa? Ka yin di yin ye mi di Agwo̱m Ágwo̱m yir aYeso be anyisi mi aꞌa? Yin nye yin inoon'i kaye̱e̱r Agwo̱m Ágwo̱m yir aYeso aꞌa?