1 aTimoti 2:6 - Izere New Testament

⁶ Wu ne a no̱o̱k rice wu nong a tá sheshek ánerawe cice̱r, ike̱ng ife Adakunom ta tak kazatse nizen i tá se gye̱r'ong.

1 aTimoti 2:6 Referans Kwoze

aMatiyu 20:28

Anong ne Igon Anerawe be̱ nong a tu ku nye itomong baꞌ, amma nong a ta nye anerawe'me, ne a no̱o̱k kutser wu kamok kashesh ánerawe whe̱re̱.”

1 aBitrus 3:18

Kamok aKiristi so̱ risam ma a ku kamok rine̱n yir cice̱r kutak kuzining tsek, wu nye azhe̱l'e, amma a ku kamok áya sang á ta nye azhe̱l'e baꞌ nong a tà tseng be yir nufe Adakunom. A tú fe̱r nuro̱m amma Adakunom tú sak a dorok kaye̱e̱r kabik be kutser.

aGalati 4:4

Amma izen'e ta fa shining Adakunom tom igon wu, aner abining tá tes nizen Itsi aner aYahuda tá ru nye itomong,

Ike̱ng a ta tonong aYohana 1:5

aYeso Kiristi, aya a ta tonong ike̱re̱ na kaye̱e̱r katsak se mak be yin. Wu ne a ta nye ime̱se̱ng'e kaye̱e̱r aya á ta dorok nure̱k be kutser, ne a ninye rigwo̱m natoon ágwo̱m kazatse cice̱r a ti tonong yir kushim, a tá nyosong naso̱k wu nong a tin shesh yir kaye̱e̱r rine̱n yir.

1 aYohana 4:10

Iyu ne i nye kushim'e. Sang yir ne i shim yir Adakunom baꞌ, wu ne a ti shim yir, ne a tom Igon wu nong ka tá be̱ ku kyo̱ndi asidaka kure̱ng rine̱n yir.

aTitus 2:14

aYeso ne no̱o̱k rice wu nong a tin sheshek yir kaye̱e̱r amaan kunye yir ne a ni kusu yir nong tá sor yir áfu ne i shim kunye yir ike̱ng iya i ta nye itek.

1 aKoranti 1:6

Kamok ike̱re̱ iya yir tá fe̱ yir natoon aKiristi, a di kaye̱e̱r kuse yin.

1 aTimoti 6:15

Kube̱ aYeso ta se nizen iya Adakunom ta di i tu se gye̱r. Adakunom ne a nye aya ánerawe tu ku kerek, ne wu ne a be kukyem cei, agbang Agwo̱m Ágwo̱m, Agwo̱m natoon ágwo̱m cei.

Afisa 5:2

Sor yin kusor ku naka shim kyo̱ndi aKiristi tin shim yir, a tá no̱o̱k rice wu kamok yir, kyo̱ndi asidaka aya a ta be iko̱o̱n itek, aya a ta nye kamok Adakunom.

1 aBitrus 2:24

A sok rine̱n yir nuro̱m wu be rice wu, nizen a tú ku tigak nukon nong ase̱ a tin kam yir be rine̱n ne i sor yir kusor kuzhe̱l'e. Yin n te yin atser kamok ifor wu.

aTitus 1:3

Nizen iya wu ta di i ta se gye̱r, a tana tonong kaye̱e̱r rife̱ wu riya mi ta sen nye awazi'me riya a ti no̱o̱k amana'me kaye̱er rife̱ wu be agbang kuto̱ Adakunom Aner kashesh yir.

2 aKoranti 5:21

Adakunom sak wu aya a tá be rine̱n baꞌ, a tá te afe rine̱n, kamok yir nong ase̱ kaye̱e̱r aKiristi yir ta se̱ yir kuse gye̱r nasho̱o̱n Adakunom.

aRom 5:6

Kamok nizen'e dim, kum ne yir ta kyem i naka tobok yir baꞌ, aKiristi ku kamok yir, yir afe i ta rayir Adakunom.

aYohana 10:15

Kyo̱ndi Ada'me tin ren, anong ne mi ren Ada'me. Mi no̱o̱k rice mi kamok itsamang'me.

aYohana 6:51

Mi ne i nye naya kutser naya na ta ne naza, ke akak ya naya na, a ta sor ma izen izen, naya'me nye kuro̱m'i kuya mi tana no̱o̱k nong kazatse ta se̱ kutser.”

aMarkus 10:45

kamok Igon Anerawe be̱ nong a tu ku nye itomong baꞌ, amma nong a ta nye anerawe itomong, ne a no̱o̱k kutser wu nong a tin sheshek ánerawe whe̱re̱.”

Ike̱ng a ta tonong aYohana 5:9

Iyong á bom abom afas ne á fe̱ ye, “Wan kyem ta sok kufumung'e, wan kyem ta bisik idun'e kamok a tà ka tse̱e̱r. A ta nyosong naso̱k wan nong i tin shan ánerawe a ta te afe Adakunom. Wan shan Adakunom ánerawe cice̱r kaye̱e̱r koakye irem ne koakye izere ne koakye kaben.

Ibrani 9:12

A no̱ be naso̱k izha ka amung baꞌ. A no̱ naro̱ ka ta nar Kuse Zhe̱l be naso̱k wu kutak kuzining tsek nama a tin se̱ yir kashesh kafe izen izen.

2 aTimoti 1:8

Kamok anong sang tú fok isum kufe̱ itak natoon Agwo̱m Ágwo̱m yir baꞌ, ka isum'i kamok a tin te nitso̱m kamok wu baꞌ. Amma gung rice be mi kaye̱e̱r risam'me kamok Rife̱ Ritek'e ne i ni fereng nukyem Adakunom.

2 aTasalonika 1:10

Katuk a tana be̱'ong, ázhe̱l'e afu tù ku tiyiik, áya a tin no̱o̱k katsak cice̱r tà te zhing be wu Katuk kayong mak be yin kamok yin ti no̱o̱k yin katsak natoon ike̱ng iya yir tá ka tak yin.

aRom 16:26

amma kyo̱o̱rna a min tonong yir. Adakunom afe izen izen fe̱ be áner kuzarap wu ye a ra zibir natoon Rife̱ Ritek'e nong áfurin tin no̱o̱k katsak ne a ku kuus.

Afisa 1:17

Mi yiir kunye aduwa ye Adakunom afe Agwo̱m Ágwo̱m yir aYeso Kiristi, Ada yir ayiik'e ye a ra ka no̱o̱k yin kabik kafe kukyem ne kafe kuren ike̱ng nong ase̱ yin tù ku ren yin dide̱ng.

Afisa 1:7

Kamok wu Adakunom ti sheshek yir be kunyosong naso̱k aYeso, ne yir se̱ yir kure̱ng rine̱n. A nye anong kamok agbang ritek wu,

Afisa 3:5

Gbugbang sang a taas ánerawe itak'e, kyo̱ndi Kabik Adakunom'me tá taas ámanzo azhe̱l ne áner kuzarap azhe̱l'e kyo̱o̱rna baꞌ.

aMarkus 1:15

ye, “Izen'e n nye, rigwo̱m Adakunom m be̱ bubarak. Shishing yin kuse yin ne i ni no̱o̱k yin katsak Rife̱ Ritek'e!”

aGalati 1:4

Wu aYeso aya a tá no̱o̱k rice wu kamok rine̱n yir, nong a tin shesh yir kaye̱e̱r amaan izam na. Iyu se anong kaye̱e̱r kushim Adakunom a ta nye Ada yir.