1 aTimoti 2:5 - Izere New Testament

⁵ Kamok Adakunom se azining, aner aya a ta no̱ natite Adakunom be ánerawe se azining, aner'e nye aYeso Kiristi.

1 aTimoti 2:5 Referans Kwoze

aGalati 3:20

Kamok ánerawe ta kyem a no̱ aner azining baꞌ ma áner afa, to̱ Adakunom se azining.

1 aKoranti 8:6

gip be anong, yir ren yir ye Adakunom se azining. Wu ne a nye Ada aya a ta nye koakye ike̱ng, yir sor yir kamok wu. Yir ren yir ye Agwo̱m Ágwo̱m se azining. Wu ne a nye aYeso Kiristi aya be wu ne a nye koakye, kamok wu ne yir ti sor yir.

Ibrani 9:15

Kamok anong, aKiristi ne a se natite kushu kufas nong ase̱ áfe a ta ma ka yis ba tà shan kutser kufe izen izen kuya Adakunom ta fe̱ ye a tà no̱o̱k. Kyo̱o̱rna wu ku nong a tà ka shesh ba kaye̱e̱r rine̱n rife ba tá tsang á nye kaye̱e̱r kushu kufe ime̱se̱ng'e.

Ibrani 7:25

Kamok anong, a ta kyem a shesh koangan a ta gor nufu a ta tseng nufe Adakunom, a ta sor ma izen izen ne a yiir nye aduwa kamok ba.

Ibrani 12:24

Yin n be̱ yin nufe aYeso a ta igaas kushu kufas, ne nufe naso̱k a ta mis na ta be ritek ne na nar naso̱k aHabila.

aYohana 1:14

Rife̱'me te anerawe ne a sor kaye̱e̱r yir. Yir n di yir kuyiik wu, kuyiik kuya ku ta nye kufe asuze̱r Igon ku ta ne nufe Ada wu tsek, a ta shining be ritek ne katsak.

aRom 10:12

Kamok áner aYahuda be áya sang a ta á nye áner aYahuda baꞌ se ze̱e̱r baꞌ. Agwo̱m Ágwo̱m'me se azining, a ti nye rigwo̱m natoon koangan, ne a no̱o̱k koangan afe a ta yis kaye̱e̱r riyerek wu kurum wu washak,

aYohana 17:3

Kutser kufe izen izen'e nye ye, ánerawe ra ka ren ye, wan ze̱r ne i nye Adakunom afe katsak, ne á ren aYeso Kiristi aya wan tá tom.

Ibrani 8:6

Itomong aYeso tá nye se yiik ne i nar ifuba cei, kyo̱ndi kushu kufas wu tin no̱ natite ánerawe be Adakunom ta nar kuse yiik. Ike̱re̱ Adakunom tá fe̱ ye a ta nye nar kunye itek gip.

Afisa 4:6

Adakunom se azining, wu ne a nye Ada yir cice̱r. Wu ne a se natoon yir cice̱r, ne a ninye itomong be yir cice̱r ne a se kaye̱e̱r yir cice̱r.

1 aKoranti 8:4

Kamok anong, natoon kuya naya itsi, yir ren yir ye ike̱re̱ itsi'ong sor ike̱ng ikak baꞌ. Yir ren yir ye Adakunom se azining, akak kuse ze̱e̱r baꞌ.

aMatiyu 1:23

“Di yin, kanamang tà be kafa, a tà tes igon, a tù ku yis ye Imanuwel. (Imanuwel sor, Adakunom se mak be yir.)”

Ike̱ng a ta tonong aYohana 1:13

Mi di aner akak “kyo̱ndi igon anerawe” natite ike̱re̱ a tin tes iro̱ng'e, be awe̱n kukpiin ma ni ito̱ atak a tan rosom kafok wu be itan ares a ta nye be izinariya.

aMatiyu 1:1

Izibir natoon izo̱ro̱k iya aYeso Kiristi Igon aDauda tú ku wuruk, kaye̱e̱r kasa Ibrahim.

Itomong Ámanzo 4:12

“A se̱ kashesh nufe akak ze̱e̱r baꞌ, kamok riyerek rikak kuse ze̱e̱r a tá no̱o̱k anerawe natoon kaza nong a tin se̱ kashesh baꞌ.”

aRom 1:3

Rife̱ Ritek'e se natoon Igon wu aya a tá nye kuri aDauda nuro̱m.

1 aTimoti 6:13

Nasho̱o̱n Adakunom afe a ta no̱o̱k koakye ike̱ng kutser ne aYeso Kiristi aya a ta fe̱ katsak natoon rice wu nasho̱o̱n aBuntus Bilatus, a tá fe̱ atuk katsak. Mi ta nye akusuk ye,

1 aYohana 2:1

Inoon'i, yin aya mi ta shim, mi tá zibir yin ike̱re̱ na fan yin bu nye yin rine̱n. Amma ke akak yin bun a nye rine̱n, Adakunom tu ku re̱ng'e kamok yir be yir akak a tana nyeseng rice yir nasho̱o̱n Adakunom a ta nye Ada'me. Wu ne a nye aYeso Kiristi aya a ta se zhe̱l nasho̱o̱n Adakunom.

aLuka 14:22

“Ayong asam'me fe̱ ye, ‘Atekasa, mi n nye ike̱ng wan tá fe̱ ye i ra nye, gip be anong karo̱ ru kuse.’