1 aTimoti 2:3 - Izere New Testament

³ Anong se gye̱r, Adakunom a ta nye Aner Kashesh yir fok kusas anong dide̱ng.

1 aTimoti 2:3 Referans Kwoze

Ibrani 13:16

Sang tu won ku naka tobok yin ne i naka nye yir ritek baꞌ, kamok riye̱ Adakunom kare̱p be asidaka kuri ayong.

1 aTimoti 1:1

Mi, aBulus, amanzo aYeso Kiristi, nu kushim Adakunom, Aner Kashesh yir, ne aYeso Kiristi aya yir ta min te yir riye̱,

1 aBitrus 2:20

Ke á ta whereng yin natoon rine̱n riya yin ta nye yin, ko yin tsesek kaye̱e̱r'e, yin be yin ishorong ike̱ng ikak natoon'e baꞌ. Amma ke yin so̱ yin risam'me kamok kunye kutek, ne i tsesek yin Adakunom tà ka te yin ritek.

aRom 14:18

Koangan afe a ta nye aKiristi itomong niren iyong, wu ne a kare̱p Adakunom riye̱, ne ánerawe shim anong gip.

1 aBitrus 2:5

Yin gip, ma te yin kyo̱ndi kuta rino̱k kutser a tanin no̱k kasa kuri kafe kabik nong yin ta nye yin itomong ritsi rizhe̱l'e. Yin ta nye yin asidaka kabik azong kuri aya Adakunom ta shim kamok aYeso Kiristi.

1 aTasalonika 4:1

Ni igang'e ároneng, yir ta nye yin izong ne i bun i ka no̱o̱k yin itabak kaye̱e̱r riyerek Agwo̱m Ágwo̱m yir ye, sor yin kuri kusor kuya Adakunom tana fok kusas'e kyo̱ndi yir tá ka bo̱so̱p yin'e. Yin sor yin kusor kutek gye̱rtatan, amma nibarang yin kunye anong.

aKolosi 1:10

Yir nye yir aduwa nong ase̱ yin ta sor yin kusor kuri kuya ku ta tas kufe áfikuus Agwo̱m Ágwo̱m ne i nye yin ike̱re̱ iya i tana ku kare̱p riye̱ na koakye kuri iren. Kuri kusor yin ta sor yin ta tonong ye kuse kutek ne yin ni barang yin kurasak kaye̱e̱r kuren Adakunom.

aLuka 1:47

Ne kabik'i nye riye̱ rikan be Adakunom aner kashesh'i.

aFilipi 1:11

Kamok nong, yin tà shining yin be kuse kuzhe̱l'e a ta se̱ nufe aYeso Kiristi nong ase̱ Adakunom tà se̱ kuyiik be nakerek.

1 aTimoti 5:4

Amma ke akumung'e be inoon ka nabon ayi, inoon'e be nabon'e ra kuus ike̱ng iya rife̱ Adakunom ta fe̱ nong á tin sak riye̱ na ango̱ ba'me. Kamok be anong ne ba tu ku karang ike̱ng iya ángo̱ be ákaka ba'me tá ka nye ba'me. Iyong ne i nye ike̱ng iya Adakunom ta shim.

aFilipi 4:18

A min karang cei, ma i nar ike̱ng iya mi ta tse̱r. Mi ma se̱ ike̱ng mi ta tse̱r makong, kyo̱o̱rna mi ta shan ike̱re̱ iya yin tá no̱o̱k yin Apafurotus. Ike̱re̱'me se kyo̱ndi name iko̱o̱n itek, asidaka aya Adakunom ta shan ne a fok kusas'e.

2 aTimoti 1:9

Wu ne a ti shesh yir ne a ni kasa yir nong ta sor yir kusor kuzhe̱l'e. A ti kasa yir sang kamok yir tá nye yir ike̱ng ikak itek baꞌ, amma kamok ike̱ng ife wu tá shim'ong ne ritek wu. A tin no̱o̱k yir ritek'e kamok aYeso Kiristi nizham a ta ra nye kazatse,

1 aTimoti 4:10

Ike̱re̱'ong ne ri sak yir ta nye yir itomong dide̱ng ne i tsesek yir kamok yir ta min te yir riye̱ na Adakunom afe kutser, Aner Kashesh ánerawe cice̱r, abanang áfe a ta min no̱o̱k katsak baꞌ.