1 aTimoti 2:10 - Izere New Testament

¹⁰ Amma á ra nye kunye kutek, kamok i se gye̱r be ányining aya a ta fe̱ ye ba fok inyim Adakunom.

1 aTimoti 2:10 Referans Kwoze

1 aBitrus 2:12

Sor yin kusor kutek kaye̱e̱r áya sang á ta nye afikuus baꞌ. Ba yiir kunye kukun yin gye̱rtatan, amma ke ba di koakye itek yin ta nye yin ánerawe'me, á ta tiyiik Adakunom katuk a tana be̱ to̱ kazatse amok.

Ike̱ng a ta tonong aYohana 2:19

Mi ren kunye wan, kushim wan be kuno̱o̱k katsak wan. Mi ren itomong wan be ku naka tsesek wan. Mi ren itomong wan ife akyo̱o̱rna nar ife ime̱se̱ng'e.

Itomong Ámanzo 9:36

Abining akak tuse na aZhopa a tá nye abafe ifikuus'e, riyerek wu nye aTabita (ke a kirik'e ne a te aDokas). A tonong kuse kutek koakye izen ne a tobok áfe rizor.

2 aBitrus 3:11

Kum a tana beseng koakye ike̱ng anong, to̱, akye̱ kuri kusor ne yin sor yin e̱? I se gye̱r ke yin sor yin zhe̱l ne i kuus yin Adakunom.

aTitus 3:8

Rife̱'me nye katsak. Kamok anong mi shim wan ta fe̱ rife̱'me ne i bun i toos'e, nong áya a ta min no̱o̱k katsak na Adakunom tà ya kasho̱o̱n be kuno̱o̱k rice ba nong á ta nye ike̱ng iya i ta nye itek. Ike̱re̱ na nye itek ne i se gye̱r be koangan.

Afisa 2:10

Kamok yir be rice yir, yir nye yir ike̱ng iya Adakunom'me tá nye. A tin shishing yir kamok aYeso aKiristi nong tá nye yir itomong itek, iya Adakunom'me tá tsang a sak ta nye yir.

aTitus 2:14

aYeso ne no̱o̱k rice wu nong a tin sheshek yir kaye̱e̱r amaan kunye yir ne a ni kusu yir nong tá sor yir áfu ne i shim kunye yir ike̱ng iya i ta nye itek.

Itomong Ámanzo 9:39

Ayong aBitrus dorok a tá ka kuus ba. A tá fa no̱ ne a tseng be wu nutu ku ta se natoon'e ame. Ákumung akak whe̱re̱ mu ku gorok be nanak. Á tos ne a ku tosong ares kute áya aTabita tú ku tos ba'me ne a ru nye atser.

1 aTimoti 2:9

Ányining gip, á ra nye izem iya i ta se gye̱r be ba, sang be ares áya a tana sak átek tana ka kuus ba baꞌ, sang awan abar ka kutes ares afe a ta nye be izinariya ka ike̱re̱ i ta gye̱se̱m ka ares aya a ta be itso̱m dide̱ng tsek baꞌ,

1 aTimoti 2:11

Aner abining ra shan kubo̱so̱p kaye̱e̱r awhiwhe̱ ne a mees rice wu gye̱r.