1 aTimoti 2:1 - Izere New Testament

¹ Ni ime̱se̱ng'e, mi tá nye akusuk ye, a ra yiir iya kasho̱o̱n be kunye izong, ne a nye aduwa, ne a tonong riye̱ rikan be Adakunom kamok ánerawe cice̱r.

1 aTimoti 2:1 Referans Kwoze

2 aTasalonika 1:3

Ároneng, i se gye̱r yir ta yiir i tonong yir Adakunom riye̱ rikan yir ye̱rye̱r kamok yin. Anong se gye̱r kamok kuno̱o̱k katsak yin ta ya kasho̱o̱n dide̱ng, kushim yin tana ka shim yin nye ne kuni barang.

aYakub 5:16

Kamok anong naka taas yin rine̱n yin, ne i naka nye yin aduwa nong a se ta te yin atser. Aduwa aner ajel'e be agap dide̱ng ne nye itomong.

Afisa 5:20

Koakye izen, yiir tosong yin Ada Adakunom riye̱ rikan kamok koakye, kaye̱e̱r riyerek Agwo̱m Ágwo̱m yir aYeso Kiristi.

2 aTimoti 2:24

I se gye̱r aner itomong Agwo̱m Ágwo̱m ta sor aner riwo̱ng baꞌ, a ra se gye̱r be koangan ne a nye aner a tana kyem a bo̱so̱p ánerawe'me sang afe riye̱ rife̱ baꞌ.

1 aTimoti 2:4

Wu shim ánerawe cice̱r ta se̱ kashesh ne á ren iren katsak.

aFilipi 1:3

Mi tonong Adakunom mi riye̱ rikan ye̱rye̱r ke mi yiring be yin.

Ibrani 6:11

Yir shim yir koangan kaye̱e̱r yin tu ya kasho̱o̱n be ifeng anong ma nigang'e, nong ta ren yin ye yin tà se̱ yin ike̱ng iya yin ta min te yin riye̱.

aTitus 3:2

Bun i fe̱ be ba ye sang a tu fe̱ amaan rife̱ baꞌ, á ra shim kusor caang ne á se whiwhe̱ be ánerawe ne á mees rice ba nasho̱o̱n koangan.

aTitus 2:11

Kamok Adakunom tonong ritek wu nong ánerawe cice̱r ta se̱ kashesh.

1 aTimoti 5:5

Abining aya amitek wu tá ku, aya a ta be akak a tana ku tobok baꞌ, a rin te riye̱ wu na Adakunom ne a ya kasho̱o̱n be ku nye aduwa kunom be katuk nong Adakunom tu ku no̱o̱k ike̱ng wu ta shim.

1 aKoranti 15:3

Agbang ike̱ng iya mi ta shim ta ka tak yin, se ye aKiristi ku kamok rine̱n yir, kyo̱ndi kufumung rife̱ Adakunom ta fe̱,

Itomong Ámanzo 17:30

Gbugbang, Adakunom ti daam be ike̱ng iya ánerawe tá nye kaye̱e̱r kudun kuren baꞌ. Kyo̱o̱rna, Adakunom fe̱ be ánerawe koake̱ ye a ra shishing kuse ba.

1 aTasalonika 3:12

Won Agwo̱m Ágwo̱m tu sak kushim yin tin barang dide̱ng be koangan nong ase̱ tà naka shim yin be ánerawe cice̱r kyo̱ndi yir tá nye yir be yin.

aRom 6:17

Amma yir be yir riye̱ rikan be Adakunom kamok rine̱n ne ri tsang ri ti nye rigwo̱m natoon yin gbugbang, amma kyo̱o̱rna be riye̱ rizining yin kuus yin ike̱re̱ a tá ka bo̱so̱p yin'e.

aRom 1:8

Ni ime̱se̱ng'e, mi be riye̱ rikan be Adakunom kaye̱e̱r riyerek aYeso Kiristi kamok yin cice̱r kamok ánerawe fe̱ itak kuno̱o̱k katsak yin koake̱ kaye̱e̱r kazatse.

2 aKoranti 8:6

Kamok anong ne yir nye yir aTitus izong ye a ra ya kasho̱o̱n be itomong itek ife ku tusung kuno̱o̱k yin'e, kum wu ne a tá tsang a san ne.

Afisa 3:13

Kamok anong, mi ta nye yin akusuk ye, sang tu ku bun yin kama kamok yin ta di yin kuri risam mi ta so̱ kamok yin baꞌ. Katsak'e, risam'me ta ka be̱e̱n yin kuyiik.

Afisa 6:18

Yiir inye yin aduwa koakye izen kaye̱e̱r kukyem Kabik. Nye yin aduwa ne i rip yin koakye kuri ike̱ng iya yin ta tse̱r yin. Sor yin be kanye̱k koakye izen ne i ya yin kasho̱o̱n be aduwa kamok ázhe̱l'e.

aFilipi 4:6

Sang tu daam yin be ike̱ng ikak baꞌ, amma kaye̱e̱r koakye tak yin Adakunom kudaam yin, be kunye aduwa ne kunye izong, mak be ku tonong riye̱ rikan be Adakunom.