1 aTimoti 1:9 - Izere New Testament

⁹ Yir bun i ren yir gip ye, sang a nye Itsi kamok áner á ta tseng gye̱r baꞌ, amma kamok áner aya a ta shonong ne á gaar kukuus Itsi'me. Itsi se kamok áya a ta raba iren Adakunom ne áfe rine̱n be áya a ta se zhe̱l baꞌ, ne áfurin ne áfe ku fe̱s ánerawe ne áya a tá fe̱s ada be ango̱ ba,

1 aTimoti 1:9 Referans Kwoze

aGalati 3:19

To̱, Itsi'me nye ife akye̱ makong e̱? A ti barang Itsi'me nong i ta tonong ánerawe rine̱n ba. Itsi'me ya kasho̱o̱n be itomong ma izen iya kuri Ibrahim na be̱, aya be wu ne Adakunom ti no̱o̱k kuto̱. Adakunom tom ámaleka be Itsi'me nizen iyong nong i ta gor nubo̱k aner akak a ta no̱ natite ánerawe be Adakunom.

1 aBitrus 4:18

Kyo̱ndi a tá zibir ye, “Ke i ta ro̱ áner ta se gye̱r nasho̱o̱n Adakunom ta se̱ kashesh, to̱, i ta se ane̱ be áfe a ta fok inyim Adakunom baꞌ ne áfe rine̱n e̱?”

aRom 5:20

Ike̱ng i tá sak a ta nye Itsi se nong rine̱n tà wuruk kanang. Amma nizen iya ne rine̱n tin barang, ne ritek Adakunom nibarang dide̱ng,

aGalati 5:23

be kuse whiwhe̱ ne ku yiir rice. Itsi ikak kuse i ta roon ike̱re̱ na baꞌ.

aTitus 3:3

Yir gip gbugbang i tsang i nye yir áfunam'e ne i shonong yir, a tsang a ni wo̱ro̱k yir, ma i te yir ásam áfe kushim kunye amaan ike̱re̱ iya aye̱ yir ta shim be kushim kufok kusas kusor. Kusor yir tsang kunye kunye ike̱re̱ imaan'e ne rishishim. Ánerawe ti rayir ne yir ma ka rayir ba.

aRom 6:14

Rine̱n tin nye rigwo̱m natoon yin baꞌ, kamok sang Itsi ne ti nye rigwo̱m natoon yin baꞌ, amma ritek Adakunom.

aRom 1:30

ne á fe̱ me̱r be akak. Á di Adakunom kye̱re̱ ne á shonong ne á kok rice naza ne á naka tiyiik. Á gung rice nong á tá nye anyas, á gaar kufok rife̱ átek ba.

Ike̱ng a ta tonong aYohana 22:15

Áfe a tana sor nufang'e ne á nye áner aya kunye ba ta tas kufe ágabu, áfe a ta nye kubok, áfe a ta nye rikuna be áfe kufe̱s ánerawe ne áfe kuya ike̱re̱ iduk iben be áfe a ta shim kubo̱s abo̱o̱s.

Ike̱ng a ta tonong aYohana 21:8

Áner aya a tá fok inyim be áfe a tá gaar kuno̱o̱k katsak ne áfe amaan kunye ne áfe kufe̱s ánerawe be áfe kunye rikuna be áfe a tá ya kukur, be áfe a ta ya ike̱re̱ iduk iben cei be áfe abo̱o̱s, karo̱ kusor ba se kaye̱e̱r icen kuro̱ng be itong ikan i ta se kyo̱ndi ife abindiga. Iyu ne i ta nye riku rife̱ afa.”

aTitus 1:16

Áner kuri ayong fe̱ ye ba ren Adakunom amma kunye ba tonong ye ba ren Adakunom baꞌ. Kunye ba se kye̱re̱, á shonong, á kyem á nye ike̱ng ikak itek baꞌ.

1 aBitrus 3:20

Nabik nayong'e nye naya á tá raba ku kuus rife̱ Adakunom gip be anong gbugbang nizen aNuhu. Á raba ku kuus ike̱ng iya Adakunom tá fe̱. Adakunom tsesek be ba nizen iya aNuhu tá nye Kukpara ashi'me. Nizen iyong'e ánerawe ikara tsek ne a whe̱r.

Ibrani 11:31

Natoon kuno̱o̱k katsak ne a fe̱r aRahap a tá nye inyak agwo̱m mak be ribir áner á tá shonong baꞌ. Kamok a tá shan áner aya a tá tsang á ye̱re̱k kuwo̱p'e kyo̱o̱n.

2 aTasalonika 2:8

Nizen iyong ne a tà di agwo̱m kushonong ame, aya Agwo̱m Ágwo̱m yir aYeso tana ku fe̱r be isong kanu wu, ne a ku beseng be kuyiik wu nizen wu tana be̱.

aRom 4:13

Adakunom no̱o̱k kuto̱ be Ibrahim ne kuri wu ye ba ne a ta ya kutse kazatse na sang kamok Ibrahim ta kuus Itsi baꞌ, amma kamok ku te gye̱r kuya a ta se̱ kamok kuno̱o̱k katsak.

aMatiyu 10:21

“Aronyining tà no̱o̱k aronyining wu nong a tà fe̱r ne atek igon no̱o̱k igon wu. Inoon tà shonong atek ba'me ma a tù ku fe̱s ba.

1 aBitrus 2:7

Kyo̱o̱rna yin áya i tin no̱o̱k yin katsak, kuta na be kuyiik nufe yin. Amma áya a ta gaar ku nino̱o̱k katsak, i tù ku sor ba kyo̱ndi a tá fe̱ ye, “Kuta kuya áfe rino̱k tá raba, n te ayiik kuta ribor.”

Ibrani 12:16

Sang tu won yin akak tu kuus ányining kpe̱de̱ng ka a tu se dar inyim Adakunom kyo̱ndi Isuwa tá sok risho̱n wu a tá re̱p acek wu'me kamok naya kakereng kazining baꞌ.

aGalati 5:21

be rishishim ne kufeng ne a na ka yis naro̱ kazining nong a ta ya ne a so̱ ne a nye kyo̱ndi agabu ne a nye ike̱re̱ ikak kyo̱ndi anong. Mi ta ko̱ro̱k yin kuto kyo̱ndi mi tà tsang i fe̱ ye áfe a ta nye ike̱re̱ kuri iyuna ta no̱ kaye̱e̱r rigwo̱m Adakunom baꞌ.

aGalati 5:18

Amma ke Kabik ne ka ta ko̱k yin kuse̱, Itsi ba be ike̱ng ikak natoon yin baꞌ.

1 aTimoti 4:7

Tin te rice wan nifoos ákpe̱de̱ng atin áfe kasho̱o̱n baꞌ. Amma yiir no̱o̱k rice wan nong ta bo̱so̱p kuse kuri kufe Adakunom.

1 aTimoti 6:20

aTimoti, ni sak riye̱ be ike̱ng iya a ta ka no̱o̱k amana'me. Kam be akpe̱de̱ng itak ne rife̱ kuzhe̱e̱sh Adakunom ra wan abo̱o̱s a ta yis ye kuren ike̱ng,

2 aTimoti 2:16

Kam be akpe̱de̱ng rife̱, rife̱ kuzhe̱e̱sh Adakunom, kamok kuse kuri kuyong tà tseng be ánerawe kaye̱e̱r kuse kuri kuya Adakunom ta shim baꞌ.

2 aTimoti 3:2

Kamok ánerawe tà te áfe kushim rice, áfe kushim itso̱m dide̱ng, ne á te áfe ku ya kuka ne áfe kukok rice naza, ne á te áfe kukas naro̱ ne á gaar kufok átek ba ne á te dar kutonong riye̱ rikan ne á sor zhe̱l baꞌ,

aTitus 1:6

Ako̱k kasho̱o̱n ikilisiya ra nye aner aya a se gye̱r nasho̱o̱n ánerawe, aner a ta be abining azining, inoon wu ra nye afikuus sang á tu se kpe̱rde̱k ka á tu shonong baꞌ.

aTitus 1:10

Áfe kushonong kuse whe̱re̱ ne áfe kufe̱ kpe̱de̱ng kuse ne áya a ta wo̱ro̱k ánerawe, abanang áner aya a ta kuus kubo̱so̱p áner aYahuda baꞌ.

aZhud 1:15

nong a ta to̱ koangan amok. A ta tes itomong áya a tá gaar ku kuus Adakunom. A tà te̱s cice̱r amaan rife̱ riya áfe rine̱n ne áya a tá kuus Adakunom baꞌ, tá fe̱ natoon wu.”